Ikerketa judizialik ezean, lege-ekintzak hasiko ditu Moncloak, Sanchezen mezuen filtrazioak direla eta
Espainiako Gobernuaren ustez, Pedro Sanchez presidentearen mezu pribatuen filtrazioa delituzko jokabidea izan daiteke. Beraz, ziurtzat jotzen du ikerketa judizial bat abiaraziko dela, baina hala egingo ez balitz, lege-ekintzei ekingo diela ziurtatu du.
El Mundo egunkariak Pedro Sanchezek eta Jose Luis Abalos Garraio ministro ohiak 2020an WhatsApp aplikazioan izan zituzten elkarrizketa zatiak argitaratu ditu egunotan. Abalos 'Koldo kasua'n inputatu aurretik elkarrekin trukatutako mezuak dira.
Horietan, erkidegoetako buruzagi sozialistei buruz aritzen ziren, baita Margarita Robles Defentsa ministroari buruz ere. Azken horrek "uniformea jantzita lo egiten" duela dio Sanchezek eta "pajara" hitza erabiltzen du hura definitzeko (pertsona maltzurra eta oso eskrupulu gutxikoa dela aditzera eman nahi baita). Beste alde batetik, Sanchezek Pablo Iglesias Podemosen buruzagi ohiari buruz hitz egiten duen elkarrizketa baten zati batzuk ere argitaratu dira eta "tratu txarren emaile" erabiltzen du une batean.
Felix Bolaños Presidentzia, Justizia eta Harreman ministroak astearte honetan adierazi duenez, ziurtzat jotzen du Gobernuak ikerketa judiziala abiaraziko duela, filtrazioak delitu zantzuak dituela irizten baitiote. Hala ere, hala egiten ez bada, ekintza legalak abiatzeko prest agertu da Gobernua eta azkeneraino iritsi nahi dutela jakinarazi du. "Filtrazioari buruzko guztia ezagutu nahi dugu: nor izan den, zergatik izan den eta zergatik beste mezu pribatu batzuk, kausa judizial batekin zerikusirik ez dutenak, delituak egiteko gai diren pertsonen esku dauden".
Bolañosek zein Pilar Alegriak filtrazioaren "larritasuna" azpimarratu dute, Gobernuko presidentearen intimitaterako eskubidea urratzen dutelako. Azaldu dute filtrazioaren atzean egon daitekeenari buruz ez dutela aurre juzgurik egingo.
Bestetik, komunikabideei egindako adierazpenetan, Margarita Robles Defentsa ministroak garrantzia kendu die Sanchezen adierazpenei. Mezu horiek "garrantzi askorik gabeko elkarrizketa pribatuak" direla esan du eta gaineratu ez duela horien inguruan "ezer esateko". "Gobernuan ondo ari gara lanean", gaineratu du. Horrez gainera, "bere kontuez kezkatzeko" eskatu dio PPri, Miguel Tellado bozeramaileak sare sozialetan Roblesen dimisioa eskatu ostean.
Bestalde, Alberto Nuñez Feijoo PPren buruak esan du Espainiako gobernuburua "inoiz baino ahulago" dagoela.
Zure interesekoa izan daiteke
Chivitek, Esparzari: "Gauza bat da arazoak egotea, eta bestea, osasun sistemaren egoera larria izatea"
UPNk eskatuta, Nafarroako Parlamentuko Foru Araubidearen Batzordean osasun sistemari buruzko azalpenak eman ditu Maria Chivite Foru Erkidegoko presidenteak. Osasunbidean "hobetzeko gauzak" badirela aitortu arren, egoera ez dela larria ziurtatu du. Javier Esparza UPNko parlamentariak, aldiz, behin eta berriz esan du egoera "oso larrian" dagoela osasungintza publikoa.
Feijook ez du zentsura-mozioa baztertzen, baina Gobernuaren bazkideei "pausoa emateko" eskatu die
Alderdi Popularreko presidentearen iritziz, "orain arte ikusi gabekoa da" Espainiako une honetako egoera politikoa. Bere ustez, 2018an PP Gobernutik bota zuten alderdiek "arrazoi gehiago dute orain" zentsura-mozioa babesteko.
Pedro Sanchezek babes osoa eman dio Zapatero presidente ohiari Kongresuan
Kongresuan, eta Alberto Nuñez Feijoo oposizioaren buruarekin izandako aurrez aurrekoan, Sanchez estreinakoz mintzatu da jendaurrean Zapateroren inputazioaren inguruan. Feijook azalpenak eskatu dizkio eta karguan jarraitzeak presidentzia "zikindu" egiten duela esan dio.
EH Bilduk ere babestuko du Gipuzkoan zerga turistikoa ezartzea
EAJk eta PSEk EAEko hiru lurraldeetarako Elkarrekin Podemosekin lortutako akordioarekin haren onarpena bermatuta zegoen.
Espainiako Gobernuak uste du "juridikoki posible" dela Trebiñun erreferenduma egitea, baldin eta legezko urrats guztiak ematen badira
Angel Victor Torresek Mikel Legarda EAJren diputatuaren galderari erantzun dio Kongresuko Osoko Bilkuran. Gobernuak Trebiñuko enklabeko udalek hala eskatuz gero, Araban sartzeko erreferenduma baimenduko ote duen galdetu dio Legardak.
Imanol Pradalesek azalpen “azkar eta gardenak” eskatu dizkio Zapaterori, eta EH Bilduk zuhurtzia eskatu du, Plus Ultra auziaren aurrean
Lehendakariak azalpenak eskatu dizkio Jose Luis Rodrigez Zapatero Espainiako presidente ohiari, Plus Ultra auzian inputatu ondoren, eta errugabetasun-presuntzioa errespetatzeko beharra azpimarratu du. Bestalde, EH Bilduk, Nerea Kortajarenaren bidez, zuhurtzia eskatu du eta ohartarazi du horrelako auziek “zurrunbilo” politiko eta mediatikoak sor ditzaketela.
Nor da nor Plus Ultra auzian?
Auzitegi Nazionalak Jose Luis Rodriguez Zapatero Espainiako Gobernuko presidente ohia egitura antolatu baten "buruan" kokatu du. Haren helburua, epailearen arabera, bertako eta nazioarteko erakundeetan eragitea eta hirugarrenen zein sarearen beraren aldeko etekin ekonomikoak lortzea zen.
Pradalesek eta Clavijok Europako migrazio-itunean "zer esana" izatea eskatu dute
Lehendakariak eta Kanarietako presidenteak Espainiako Gobernuari idazki bat bidaltzea erabaki dute, ekainaren 12an indarrean sartuko den Migrazio eta Asilorako Europako Itunaren jarraipen-, finantzaketa- eta ebaluazio-mekanismoetan parte hartzea eskatzeko.
Kortajarenak kritikatu du orain hiru urte EH Bilduk Munduko Futbol Txapelketaren inguruko zalantzak agertu zituenean proiektua "munduko onena" zela
Jose Luis Rodriguez Zapateroren inputazioaren aurrean zuhurtziaz aritzea hobe dela nabarmendu du, behin eta berriz, Nerea Kortajarena EH Bilduko legebiltzarkideak Euskadi Irratian egin dioten elkarrizketan.
Albiste izango dira: Pradalesen eta Clavijoren arteko batzarra Gasteizen, Zapateroren inputazioa eta Vladimir Putin eta Xi Jinping bilduko dira, Pekinen
Gaurkoan Orain-en albiste izango direnen laburpena, bi hitzetan.