Espainiako gobernuburuaren anaia epaituko dute, prebarikazioa eta influentzia-trafikoa egotzita
Badajozeko epaileak David Sanchez Espainiako Gobernuko presidentearen anaia prebarikazioa eta influentzia-trafikoa egotzita epaiketara bidaltzea erabaki du, auzipetzearen aurkako helegitea atzera bota ostean.
Beatriz Biedmak Sanchezen anaia eta beste hamar pertsona auzipetzeko ebazpena eman zuen apirilaren 28an, tartean Miguel Angel Gallardo Badajozeko Diputazioko presidentea. Orain, guztiei ahozko epaiketa zabaltzea erabaki du.
Epailearen ebazpen berria Gallardok Extremadurako Parlamentuan sartzeko lehen izapideak abiatu ondoren iritsi da, eta, ondorioz, forudun bihurtuko da, eta Extremadurako Justizia Auzitegi Nagusiak epaitu beharko luke.
Gaur emandako ebazpenarekin batera, beste erabaki batzuk hartu ditu epaileak, akusatuek auzipetzearen aurka aurkeztutako helegiteak atzera botatzeko. Hala ere, Lurralde-auzitegian apelazio-errekurtsoa aurkezteko bidea geratzen zaie akusatuei.
Epaileak auzipetze ebazpenean azaltzen duenez, Kontserbatorioetako Jardueren koordinatzaile lanpostua "berarentzat sortua" zela "aldez aurretik jakinda", deialdira aurkeztu zen David Sanchez, "eta elkarrizketa egin zuen prozeduraren legezkotasun formala simulatzeko, prozeduraren onuradun nagusia izanik".
Epailearen ustez, David Sanchezen inguruko "pertsona batek edo batzuek eskatuta" sortu zuten lanpostua, "une horretan lan egonkorrik ez zuelako".
Gainera, lanpostu hori sortzea Gallardok eta Cristina Nuñez orduko Kultura diputatuak eta Elisa Moriano Kultura Arloko zuzendariak erabaki zuten, eta David Sanchezek betetzea zuen "helburu".
Herri-akusazioak (Manos Limpias, Hazte Oir, PP, Iustitia Europa, Abogados Cristianos eta Liberum) hiru urteko kartzela-zigorra eskatu du David Sanchezentzat eta Gallardorentzat.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.