Eusko Legebiltzarrak prebentzio neurriak eskatu ditu diskoteketako atezainen jarrera oldarkorrak saihesteko
Eusko Legebiltzarraren gehiengo zabal batek, EH Bildu, EAJ, PSE-EE eta Sumarren aldeko botoekin, eskaera egin dio Eusko Jaurlaritzari gaueko aisialdiko segurtasun pribatua arautzen duen legedia azter eta molda dezan, atezainek dituzten "jarrera oldarkorrak" saiheste aldera.
Lau taldeek zuzenketa adostu dute gaurko osoko bilkuran, EH Bilduk proposatutako eztabaidaren harira. Hitzartutako testuan prebentzioa "indartzeko" deia egin dute dantzalekuetako atezainek "jarrera biolento edo diskriminatzailea" izan ez dezaten.
Eztabaidaren bezperan, gai honekin lotura zuzena duen gutuna jaso dute legebiltzarkideek. Kerman gaztearen familiak idatzi die, euren kasua kontatuz. 31 urteko gizonezkoa otsailean hil zen Mitika dantzalekuaren atarian, bertako atezainak emandako kolpea zela kausa.
Kermanen familiak eurei jazotakoa berriro ez gertatzeko "tresna egokiak" bideratzeko eskatu die legebiltzarkideei. Gaztearen gurasoek salatu dutenez, "atezainak erail zien" semea, eta auzi horretan "erakundeen zabarkeriak" eragin zuzena izan zuen. Izan ere, azaldu dute hainbat txosten polizialek jasoa zutela diskoteka horretako atezainen "jarrera erasokorra", eta, halere, jardunean jarraitzen zutela.
Adostutako zuzenketak Eusko Jaurlaritzak hainbat neurri hartzea ekarriko dio. Batetik, jarrai dezala Ertzaintzaren Herritarren Babeserako, Segurtasun Pribaturako eta Joko eta Ikuskizunen unitateen ekintza plana egiten eta osatzen. "Hartara, gaueko aisialdian segurtasun pribatuan aritzen direnek ere araudi hori bete beharko dute", arrazoitu dute.
Bestetik, "gaueko aisialdian delitu ekintzak prebenitzeko neurriak modu koordinatuak zehazteko" eskatu zaie Udaltzaingoari eta Ertzaintzari.
Era berean, atezainen formazio eta ebaluazioetan giza eskubideen inguruko edukiak txertatzeko deia egin dute. "Modu honetan, indarkeria matxistak, LGTBIfobikoak, arrazakeriakoak eta bestelako diskriminazioak prebenituko dituzte", erantsi dute.
Azkenik, egun indarrean dagoen araudia aztertu, eta beharrezkoa balitz, aldatzeko eskatu dute.
Eztabaidan, euren iritzia eman dute taldeek. EH Bilduk Kerman gaztearen kasua eta "arlo honetan dagoen arazo handia" salatu ditu; koalizio abertzalearen ustez, ezinbestekoa da araudia gogortzea. EAJ eta PSE-EE gobernukideak prest agertu dira araudia aldatzeko, baldin eta hobetzeko arloak atzematen badira. Izan ere, euren aburuz, Kermanen kasua "ezin da errepikatu". Sumarrek uste du atezain batzuek "aurriritziak eta botere nagusitasuna" darabiltela eta nabarmendu du araudian aldaketak egin behar direla. Azkenik, EAEko PPk uste du zuzenketa ez dela "nahikoa".
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.