euskara
Gorde
Kendu nire zerrendatik

Anduezak EAJri leporatu dio "kontsentsua apurtu" izana eta EH Bilduri "segidismorik ez egiteko" eskatu dio

Eneko Andueza sozialisten idazkari nagusiak ez du begi onez ikusi hizkuntza eskakizunaren inguruan EAJk esandakoa, eta esan du ez duela ikusten aurreko euskararen dekretua aldatzeko inolako arrazoirik.
GRAFCAV8602. BILBAO, 11/06/2025.-El secretario general del PSE-EE, Eneko Andueza, (i) y el consejero de Vivienda y Agenda Urbana del Gobierno Vasco, Denis Itxaso,este miércoles hacen balance de los diez años de la Ley vasca de Vivienda.EFE/Luis Tejido
Eneko Andueza, PSE-EEren idazkari nagusia

Alderdi Jeltzaleak uste du aste honetan bertan akordioa erdietsiko dutela PSE-EErekin Lan Eskaintza Publikoetan eskatu behar de hizkuntza eskakizunaren inguruan. Hala ere, akordioa lortu ezean, "beharrezko urratsak" egiteko prest agertu dira jeltzaleak. PSE-EEk, ordea, ez du aurreko euskararen dekretua aldatzeko arrazoirik ikusten.

Eneko Andueza sozialisten idazkari nagusiak ez du begi onez ikusi EAJk esandakoa, eta ohartarazi "oso komenigarria izango litzatekeela gai honetan EH Bilduri segidismoa ez egitea". Sozialisten idazkari nagusiak uste du gai honetan bi alderdien adostasuna behar dela, eta ez "norbere kasa" joatea. 

EH Bilduk euskarari segurtasun juridikoa emateko Enplegu Publikoaren Legearen erreforma erregistratu eta biharamunean, EAJk adierazi du kezka handia dagoela gai honen inguruan, eta asteak daramatzala adituekin eta gobernukideekin proposamen bat lantzen, enplegu publikora sartzeko prozesuetan hizkuntza eskubideak blindatzeko. 

Testuinguru horretan, Jone Berriozabal Arabako EAJko presidenteak esan ditu Onda Vascan egindako elkarrizketa batean esan du datozen egunotan "azken saiakera" bat egingo dutela bere proposamena PSE-EErekin adosteko. Nolanahi ere, adierazi du, akordiorik ezean, prest daudela pauso bat aurrera emateko PSE-EE-rik gabe. Hitzok  Jone Berriozabal Arabako EAJko presidenteak esan ditu Onda Vascan egindako elkarrizketa batean

Hitzok hautsak harrotu dituzte sozialisten artean. Hala, Eneko Anduezak esan du ez dutela arrazoirik ikusten aurreko legealdian sinatutako ituna eguneratzeko, eta beste behin adierazi du lan eskubideak linguistikoen aurretik jarriko dituztela.

Gobernukideak akordio baten bila ari dira erlojuaren kontra, udaletan eta aldundietan eskatutako hizkuntza-baldintzak bertan behera utzi dituzten hogeita hamar epaiei aurre egiteko. EAJk aste honetan bertan sozialistekin itun bat itxi ahal izatea espero du.

Albiste gehiago politika

18:00 - 20:00
ZUZENEAN
Duela  min.

EH Bilduk Turkiako Gobernuari eskatu dio martxan jar dezala kurduen etorkizunaz hitz egiteko batzorde parlamentarioa

Turkian, PKKren armak entregatzeko ekitaldian izan ondoren, Igor Zulaika EH Bilduko Nazioarteko Harremanetarako idazkariak adierazi duenez, batzorde hori abiatzea "pauso garrantzitsua litzateke gatazkari irtenbidea bilatzeko. Bertan izan da EH Bilduren ordezkaritza "mugimendu kurduari eta munduan bakearen alde lan egiten duten guztiei gure babesa adierazteko", eta Gobernuari eskatu dio mugimendu kurduaren urratsei erantzun eta aske utz dezala Abdullah Öcalan. 

Gehiago kargatu