Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Santos Cerdan PSOEko Antolakuntza idazkari ohiaren inguruko ikerketa ez da amaitu. Oraingoan, Auzitegi Gorenak Cerdanen banku-kontuetan eta posta elektroniko korporatiboan jarri du arreta.
Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko; izan ere, PSOEko Antolakuntza idazkari ohiari erakunde kriminal bateko kide izatea eta funtzionario-eroskeria egozteko "zantzuak" ikusten ditu.
Poliziak aditzera eman duenez, Cerdanek helbide elektroniko hori eman zion Koldo Garciari 2017ko udan, "zenbait komunikazio garrantzitsu" bidal ziezazkion. Alderdiaren parte izateko dokumentazioa nora bidali galdetu omen zion Koldok. Guztira, ia berrogeita hamar kontu eta banku-produktu ari dira ikertzen.
UCOk aurkitutako zantzuen arabera, Cerdanek 620.000 euro kudeatu zituen Abalos eta Koldoren alde. Hori dela eta, epaileak aintzat hartu du ikertzaileek horien kontuak ikertzeko egindako eskaera, PSOErekin eta Pablo Iglesias Fundazioarekin lotutakoak izan ezik.
Horrekin batera, Isabel Pardo de Vera ADIFeko presidente ohia eta Javier Herrero Errepideetako zuzendari nagusi ohia ikertzeko ere eskatu dio epaileak Auzitegi Nazionalari, ustez Abalosen eta Koldoren "esleipenak ondo burutzeko” kudeaketan parte hartzeagatik.
Bost enpresaburu, ikerketapean
Bost enpresaburu ere ari dira ikertzen: Jose Ruz (Levantina), Antonio eta Daniel Fernandez (OPR), Fernando Agustin Merino (Acciona) eta Antxon Alonso (Servinabar 2000).
Dirudienez, epailea “izatezko administratzaile” gisa ari da enpresaburuak ikertzen; alegia, “obra publiko jakin batzuen esleipen bidegabean” esku hartu eta “ordainketak eginez” parte hartu zutela uste du.
Epailearen arabera, UCOk "behar bezala" identifikatu ditu legez kanpo esleitutako 11 obra. Besteak beste, Sevillako Mendeurreneko Zubiaren proiektuaren lizitazioa (100 milioi euro baino gehiagokoa) eta Murtziako trenbide-sarea lurperatzeko lanak (158,8 milioi eurokoa) daude horien artean.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Arratsaldeko 17:00etan egingo duten agerraldian emango dituzte akordioaren xehetasunak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.