Auzitegi Konstituzionalak Amnistia Legea babestu du, magistratu aurrerakoien aldeko botoekin
PPren helegiteari erantzuna emateko bozkatu dute, eta ebazpen-testuak dio Espainiako Konstituzioan amnistiak tokia duela, eta Amnistia Legea ez dela "arbitrarioa", ezta "kapritxoa" ere.
Auzitegi Konstituzionalaren bilera, aste honetan. Argazkia: EFE
Auzitegi Konstituzionalaren osoko bilkurak babestu egin du Amnistia Legea, 6 magistratu aurrerakoien aldeko eta 4 kontserbadoreen kontrako botoekin. Astelehenean ekin zieten bilerei, eta 10 epaileek gaur egin dute bozketa. Bete egin da aurreikusitakoa: PPk jarritako helegitea atzera bota dute, osoko bilkura monografikoan.
Onartu den testuak Inmaculada Montalban magistratuak eta Auzitegi horretako presidenteordeak duela hiru aste aurkeztu zuen ponentziaren zirriborroa du oinarri. Bertan, oniritzia eman diote Amnistia Legeari.
Gaurkoa lehen epaia besterik ez da izan. Auzitegi Konstituzionalak 30 helegite inguru ditu ebazteko, eta, zalantzarik gabe, gaurkoak bidea zabaldu eta argitu die gainontzekoei.
Ebazpenak ez dio aipamenik egiten diru publikoa bidegabe erabiltzearen delituari, eta, beraz, Puigdemonten eta Junquerasen egoera ez da aldatuko
Ebazpenak dio Espainiako Konstituzioan amnistiak tokia baduela, eta Amnistia Legea ez dela "arbitrarioa", ezta "kapritxoa" ere. Horrekin batera, arauak jasotako artikuluek legea betetzen dutela ere erantsi dute.
Halaber, epaiak arrazoizkoa irizten dio Kataluniako prozesu independentistak hango gizartean eragindako arrakalak bere onera ekartzeko Amnistiaren Legean jasotako neurri-sortari, horien artean, isunak murrizteari. Epaiaren arabera, legeak elkarbizitza eta kohesio soziala eraikitzea erraztu du.
Diru publikoa bidegabe erabiltzearen delitua
Testuak ez du aipatzen diru publikoa bidegabe erabiltzearen delitua. Hortaz, gaurko ebazpenak ez die eragingo Carles Puigdemont eta Oriol Junqueras Generalitateko presidenteari eta presidenteorde ohiari, hurrenez hurren. Auzitegi Gorenak ez zituen amnistiatu diru publikoa bidegabe erabiltzearen delituagatik.
Konstituzionaleko epaileek legeak Konstituzioan tokirik duen edo ez aztertu dute; ez, ordea, zein kasutan aplikatu behar den.
Puigdemont, Oriol eta dirua bidegabe erabiltzeagatik zigortutako gainerako buruzagien kasuan, babes-helegiteak argitu arte itxaron beharko da, anministia aplikatuko zaien edo ez jakiteko. Gutxienez, udazkenera arte.
Erreakzioak
Berehala hasi dira erreakzioak iristen. Gaiari buruz bere iritzia ematen aurrenetakoa Pedro Sanchez Espainiako Gobernuko presidentea izan da. "Albiste oso ona" dela esan du Europar Batzodera sartu aurretik egindako adierazpenetan, Bruselan.
"Politika" aldarrikatu du buruzagi espainiarrak, Kataluniakoa eta horren gisako "gatazka zailak" bideratzeko. Bere ustez, gaurko epaiak "politikatik inoiz atera behar ez zen krisi politikoa" ixten lagunduko du.
Felix Bolaños Espainiako Gobenuko Presidentetza, Justizia eta Gorteekin Harremanetarako ministroaren iritzian, berriz, "elkarbizitzaren alde Gobernuak egindako apustua" aitortzen du erabakiak. Nolanahi ere, nabarmendu du legea auzipetu guztiei ezarri arte, ez dela erabat amaituko prozesua. "Amnistia legezkoa da, konstituzionala da, bidezkoa da eta erabilgarria da, Katalunian bizikidetza jada errealitate bat delako", esan du, Kongresuan, prentsaurrean.
Era beran, Salvador Illa Generalitateko presidente sozialistak ere txalotu egin du erabakia, eta azpimarratu du "legea ezartzeari oztopoak" jartzeak ez duela "zentzurik". Prozesuan zigortutako guztiei amnistia ezartzearen alde agertu da, eta, zentzu horretan, Auzitegi Gorenari eskatu dio legea bere horretan aplika dezala, "errespetuz, baina argitasunez".
Imanol Pradales lehendakariak uste du Konstituzionalaren babesak "politikaren judizializazio dinamika kaltegarriari" bukaera eman diola, eta "elkarrizketaren, negoziazioaren eta akordioaren bidera" itzultzen duela Kataluniako gatazka politikoa. Gainera, EAEren gaitasun politikoak "areagotzeko" eta "autogobernu esparru berri bat" lortzeko defendatuko duten bidea dela ziurtatu du.
Bide beretik, Sumar Mugimenduko Pablo Bustinduyk ere albiste ontzat jo du berria, "inoiz gertatu behar ez zena zuzendu" delako. "Mariano Rajoyren Gobernuak egin zuen hau, Ongizate Estatua desegiten ari zen bitartean, mugimendu baketsu bat zapaldu zuen, eta prozesu demokratiko eta baketsu bateko buruzagi politikoak epaitegietara eraman zituen", azaldu du.
Antzera mintzatu da Mertxe Aizpurua EH Bilduren Kongresuko bozeramailea ere. Horren hitzetan, urrats garrantzitsua da, "luzeegi jo" duen gatazkari amaiera emateko.
Maribel Vaquero EAJk Kongresuan duen bozeramailearen ahotan, Kongresuan onartutako Amnistia Legearen espirituak "dimentsio osoan" jasotzen zuen gaia, eta, beraz, Konstituzionalak "amnistiarekin lotutako edozein delitu" libratu beharko luke. Gogorarazi duenez, EAJk beti defendatu du "gatazka politikoak esparru politikoan konpondu behar direla" eta horiek judizializatzea "hanka-sartzea" dela.
Kontrara, Alberto Nuñez Feijoo PPren presidenteak gogor kritikatu du Konstituzionalak ebatzitakoa, eta, amnistia "legez kanpokoa" dela esan ondoren, berriro auzitan jarri du auzitegiaren inpartzialtasuna. Are, gehitu du demokraziaren ikuspuntutik epaia "lotsagarria" dela, "ustelkeria politikoaren emaitza" izan baitzen.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.