Gorpuzkiak desobiratzeko kanpainaren bosgarren fasea hasi da Amorebieta-Etxanoko hilerrian
Gorpuzkiak desobiratzearen helburua Gerra Zibilean desagertutako pertsonak aurkitzea da. Orain arte, 127 lagunen gorpuzkiak atera dituzte, eta horietako lau familiei eman dizkiete dagoeneko.
Bizkargiko hobiko exhumazioa, Amorebieta-Etxano, 2020. Iturria: Gogora.
Gaur, uztailak 7, hasiko da Amorebieta-Etxanoko hilerrian, Gogorak, Memoriaren, Bizikidetzaren eta Giza Eskubideen Institutuak bultzatutako ‘Gerra Zibilean Desagertutako Pertsonak Bilatzeko Programa'ren bosgarren eta azken fasea. 2003an abiatutako proiektua aste honetan da bukatzekoa, eta duela urte batzuk hasitako esku-hartze prozesua itxiko da.
Lokalizazio horretan egindako kanpainetan, 127 pertsonaren gorpuzkiak aurkitu dira oraingoz. Eusko Jaurlaritzako Justizia Sailak jakitera eman duenez, orain arte egindako analisien arabera, hezur-materialari zein lotutako objektuei dagokienez, herritik gertu dauden fronteetan hildako borrokalarienak dira aztarna gehienak, Bizkargikoa edo Barazarrekoa kasu, baita Zornotzako ospitale militarrean hildako zaurituenak ere. Gogora institutuak 300 hildako baino gehiago erregistratu ditu, eta litekeena da hobi horrekin lotura izatea. Orain arte, pertsona horietako lau identifikatu dituzte, eta gorpuzkiak familiek dituzte dagoeneko.
Gogorak garatu ditu hilerriko esku-hartze guztiak, Aranzadi Zientzia Elkartearekin, Amorebieta-Etxanoko Udalarekin eta Euskal Herriko Unibertsitateko (UPV/EHU) Biomics laborategiarekin (analisi genetikoen arduraduna) elkarlanean.
Oraindik 123 pertsona identifikatzeke daudela, Gogorak inguruan senideren bat desagertuta duten familiei Institutuarekin harremanetan jartzeko deia zabaldu du. Gorpuzkiak DNA bankuarekin eta dokumentazio historikoarekin eta artxibokoarekin alderatzea funtsezkoa baita memoria berreskuratzeko prozesu horretan aurrera egin ahal izateko.
Zure interesekoa izan daiteke
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbolarekin zerikusia dutelakoan Bizkaian atxilotutako bi lagunak
Pasaporteak kendu dizkiete eta hamabost egunean behin epaitegian agertu beharko dute. Bi gazteak Iranekin bat plataformako kideak dira; talde horrek "inperialismo genozida salatzearen" aurkako kanpaina bat salatu du.
Emakume bat hil da Tuteran, auto istripu batean
Ezbeharra NA-134 errepidean gertatu da, gaur arratsaldean. Hildako emakumeak gidatzen zuen autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.
Landa eremuetako mugikortasuna aztertuta, EAEko herriguneetako 3 kotxeko 2 daude hiriguneetan
Saretzen txostenean aztertu dituzten Trafiko Zuzendaritza Nagusiaren azken erregistro ofizialen arabera, Hego Euskal Herriko landa eremuetan metropolietan baino % 55 auto gehiago daude biztanleko, eta toki batzuetan bizilagunak baino gehiago dira kotxeak.
Gero eta emakume gidari gehiago dago Hego Euskal Herrian: gizonena halako bi baino gehiago hazi da kopurua azken hamarkadan
2014tik 2024ra, gidabaimena duten emakumeen kopurua % 14raino igo da Nafarroan, gizonen % 6,6ren aurretik; EAEn, aldea hirukoiztu ere egin da ia. Genero-arrakala estutzen ari da horretan, nahiz eta oraindik gizonak gehiago diren errepideetan.
Saretzen txostenaren bitxikeriak: bizilagun baino auto gehiago dituzten herriak eta emakumezko gidaririk gabeko udalerriak
Hegoaldeko mugikortasunaren berezitasunak azaleratu ditu Saretzen txostenak, besteak beste, Bizkaia motorren kopuruaren hazkundean nagusi dela, eta Nafarroak Hegoaldeko autorik zaharrenak dituela.