Jaiotzagatiko baimena 17 astera luzatzea eta zaintzagatikoaren zati bat ordaindua izatea adostu dute Sumarrek eta PSOEk
Biharko Ministroen Kontseiluan onartu nahiko luke Sumarrek dekretu berria. Neurri berriak ezarrita, besteak beste, kontziliaziorako Europako zuzentaraua ez betetzeagatik EBk Espainiari isuna jartzea saihestu nahi da.
Yolanda Diaz eta Pedro Sanchez, artxiboko irudi batean. Argazkia: EFE
Espainiako Gobernuko bazkide diren PSOEk eta Sumarrek akordioa lortu dute haurren jaiotzagatiko eta zaintzagatiko baimenak zabaltzeko: jaiotzagatiko ordaindutako baimena 16 astekoa izatetik 17koa izatera igaroko da, eta seme-alaben zaintzarako 8 asteko baimenari bi aste gehituko zaizkio; azken horiek, gainera, ordainduak izango dira.
Sumarrek eman du akordioaren berri. Koalizioak jakinarazi duenez, bihar, uztailak 29, egitekoa den Ministroen Kontseiluan onartu nahi dute Lege Dekretua, besteak beste, Europak ezarri behar dion isuna saihesteko.
Hiru dira akordioak jasotzen dituen neurri berriak. Batetik, umeak jaio eta 12 hilabete bete arte gurasoek egun duten 16 hilabeteko ordaindutako baimena astebete luzatuko da, 17 astera arte. Neurri hori "berehala" sartuko da indarrean.
Bestetik, seme-alabek 8 urte izan arte gurasoek duten zortzi asteko zaintzarako baimenari (ordaindu gabekoa) bi aste erantsiko zaizkio; azken horiek % 100 ordainduko dira, eta neurria atzeraeraginekoa izango da, 2024ko abuztutik hasita.
Azkenik, guraso bakarreko familiek umeen jaiotzagatiko eta zaintzagatiko baimena 32 asteko izatea adostu dute Sumarrek eta PSOEk, eta horietako lau seme-alabek 8 urte izan arte erabili ahalko dira.
Europaren isuna
Yolanda Diazek zuzentzen duen koalizioak adierazi duenez, berebiziko garrantzia du adostutakoa biharko Ministroen Kontseiluan onartzea, kontziliaziorako Europako zuzentaraua ez betetzeagatik EBk abuztuaren 1etik Espainiari ezarriko dion isuna ekidin nahi bada —40.000 euro, egun bakoitzeko—.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.