Sanchezek klima-larrialdiari erantzuteko "Estatu itun handi bat" proposatu du
Espainiako Gobernuko presidenteak dei hori egin du azken suteei erantzuteko Galiziara egin duen bidaian, eta ziurtatu du "beharrezko baliabideak" jarriko dituztela inguru horretan aktibo dauden suteak inguratzeko.
Pedro Sanchez, gaurko agerraldian. Argazkia: EITB Media
Pedro Sanchez Espainiako Gobernuko presidentea eta Fernando Grande-Marlaska Barne ministroa Galiziara joan dira igande honetan, inguru hori kiskali duten azken suteei erantzuteko. Suteok aktibo daude zenbait kasutan, batez ere Ourense probintzian. Ourenseko Suteen Aurkako Koordinazio Operatiborako Zentroan bildu diren hedabideen aurrean egindako agerraldian, Alfonso Rueda Xuntako presidentea eta Pedro Blanco Espainiako Gobernuak Galizian duen ordezkaria ere izan dira.
Xuntari Galizia mehatxatzen duten hamabi suteak perimetratzeko eta itzaltzeko beharrezko baliabideak emango dizkiola ziurtatzearekin batera, Sanchezek "Estatu itun handia" iragarri du, larrialdi klimatikora "egokitzeko eta arintzeko".
"Horrek administrazio publiko guztiei eragiten die, baina baita botere legegileko talde parlamentarioei, gizarte zibil osoari, zientziari, enpresari, sindikatuei ere. Azken finean, herrialde osoari", gaineratu du Sanchezek.
"Gure gaitasunak birdimentsionatzeko moduari buruzko sakoneko hausnarketa" egiteko beharra azpimarratu du, "ez soilik erantzunean, baita prebentzioan ere". Horrela, aurreikuspen-estrategia bermatzaileagoa eta seguruagoa aktibatzea da asmoa, "borroka alderdikoia kanpoan utziko duena" eta ikerketa zientifikoari men egingo diona.
Era berean, Espainiako zerbitzari publikoen profesionaltasuna, ofizioa eta dedikazioa goraipatu ditu, eta "gaur bertan" UMEk "Lurreko Armadako 500 soldadu gehiago herrialdeko suteetan hedatuko direla" adierazi du.
Galiziari dagokionez, Xuntako presidenteak berak, Alfonso Ruedak, adierazi du igande hau egun "zaila" izango dela Ourense suntsitu duten suteak itzaltzeko, bertan 2. egoera mantenduko baita. "Etxebizitzentzat arriskua dago oraindik, eta hortik dator konfinamenduak eta ebakuazioak egin beharra", zehaztu du Ruedak, eta pertsonen segurtasuna "garrantzitsuena" dela gaineratu du.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.