Israelek Sanchezen Gobernu "ustelari" antisemita izatea leporatu dio, eta herrialdera sartzea debekatu die Yolanda Diazi eta Sira Regori
Gideon Sa'ar Israelgo Atzerri ministroak antisemitismotzat jo ditu Pedro Sanchez presidenteak astelehen honetan iragarritako neurriak, eta leporatu dio Espainiako Gobernua zipriztintzen duten ustelkeria kasuen aurrean arreta desbideratu nahi izatea.
Benjamin Netanyahu Israelgo lehen ministroa, artxiboko irudi batean. Argazkia: EFE
Israelgo Gobernuak berehala erantzun dio Pedro Sanchez Espainiako Gobernuko presidenteak Gazako "genozidioa" geldiarazi asmoz asteazken honetan iragarri duen neurri sortari, eta salatu du ustelkeria eskandaluen gaineko "arreta kentzeko" saiakera bat direla neurriok. Halaber, Yolanda Diaz Gobernuko hirugarren presidenteordearen eta Sira Rego Gazteria ministroaren aurka zigorrak ezarriko dituela iragarri du.
Israelgo Kanpo Arazoetako ministro Gideon Sa'arrek erantzun du eta antisemitismotzat jo ditu neurriak. Hala, Sanchezi leporatu dio bere alderdiaren eta Gobernuaren ustelkeria kasuen gaineko arreta desbideratu nahi izatea. "Begi bistakoa da Sanchezen Gobernu ustelak ustelkeria kasu larrien gaineko arreta desbideratzeko egin duela hau, Israelen aurkako etengabeko eraso antisemiten bidez", adierazi du.
Gainera, Diazen eta Regoren aurkako zigorrak ezarriko dituztela iragarri du, "marra gorri guztiak" gurutzatu dituztela iritzita. Zehazki, biei debekatu diete Israelen sartzea eta Gobernuarekin harremanik izatea.
Sa'arren arabera, "agerikoa" da Sumarreko buru gisa, Diaz "Sanchez presidentearen ahultasun politikoaz aprobetxatzen ari dela eta, urratsez urrats, bere ikuspegi antiisraeldar eta antisemita ezartzera bultzatzen ari dela".
Yolanda Diaz Gobernuko bigarren presidenteordeak, baina, esan du "harro" dagoela Israelek sarrera debekatu diolako, "genozidioa" egiten ari den Estatua da eta. Halaber, "herri palestinarraren eskubideen alde borrokan" jarraituko dutela azpimarratu du.
Neurri "onartezinak"
Espainiako Gobernuko Kanpo arazoetako ministroak, Jose Manuel Albaresek, kontsultetara deitu du Tel Avivek Estatuan duen enbaxadari, Yolanda Diaz eta Sira Rego Israelen sartzeko jasotako betoaren dela eta.
Ministroak "onartezintzat" jo ditu Netanyahuk hartutako neurriak. Sanchezen neurriei aurre egiteko ezarri dira; alegia, Gazako "genozidioarekin" amaitzeko neurriei aurre egiteko.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.