Sortuk memoria eta erakundeen aitorpena eskatu ditu Txiki eta Otaegirentzat
Irailaren 27an 50 urte beteko dira fusilatu zituztenetik, eta alderdiak Iruñean egingo den oroimen-ekitaldian parte hartzeko deia egin du. Ekitaldi horiek "mina" eragiten dutela diotenei buruz, Sorturen iritziz, oraindik "lehen eta bigarren mailako biktimak" daude.
Erregimen frankistak fusilatutako bi gazteak gogoratzeko ekitaldian parte hartzeko deia egin du Sortuk
Sortuk Frankismo garaiko gobernuak fusilatu zituen Juan Paredes “Txiki” eta Angel Otaegiren memoria aldarrikatu du eta erakundeen aitortza eskatu du.
Irailaren 27an beteko dira ETAko bi militanteak fusilatu zituztela 50 urte. Egun horretan Iruñeko Anaitasuna pabilioian egingo den oroimen-ekitaldian parte hartzeko deia egin du ezker-abertzaleko alderdiak Zarautzen asteazken honetan eman duen prentsaurrekoan.
Lur Albizu Sortuko Kontseilu Nazionaleko ordezkariak azken asteetan Txiki eta Otaegiren oroimenarekin “batzuek agertu duten jarrera salatu” nahi izan du. Bere hitzetan, “oroimenak mina eragiten” dutela dioten ahotsek “argi uzten” dute “lehen mailako eta bigarren mailako biktimak daudela”. “Frankismoari aurre egin zioten euskal herritar guztientzako” aitortza eskatu du.
Sortuko ordezkariaren ustez, Frankismoak “ondo lotuta” utzi zituen gauzak eta duela 50 urteko “orbainek bizirik jarraitzen dute Euskal Herrian”. Hori dela eta, "herri hau altxarazi eta itxaropena ekarri zuen belaunaldiaren askatasun egarria” gogorarazteko garaia da.
Juan Paredes 'Txiki'ren iloba Anie Paredesek bere aldetik adierazi du 'Txiki' eta Otaegi "diktadura frankistaren aurka borrokatu ziren bi gazte idealista" zirela. Bere esanetan, euren familiek "sufrimenduaz gain, jazarpen eta ahanztura urteak" bizi izan dituzte.
Irati Urtuzaga Angel Otaegiren senideak azaldu duenez, "orbainak sendatzeko, errekonozimendua beharrezkoa da, baina ez bakarrik herriaren aitortza, baita erakundeen aitortza, erreparazioa eta justizia ere".
Urtuzagak esan du 2012an Eusko Jaurlaritzak indarkeria politikoaren biktima gisa aitortu izana "ondo hartu zutela familiek, berandu izanagatik”. Hala ere, azpimarratu du oraindik "bide luzea" dagoela egiteko.
Zure interesekoa izan daiteke
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.
"Mina minaren gainean" eragitea egotzi dio Rosa Zarraren familiak Atutxari
Joan den asteburuan ETBn egindako elkarrizketan, Barne sailburu izandakoak esan zuen Zarraren familiari barkarmena eskatzeko arazorik ez zuela, baina zehaztu zuen ETAk hildako 15 ertzaintzen familiek ere zerbait entzun nahiko luketela. "Gauza asko sartu beharko genituzke pakete horretan", adierazi zuen.
Otegik dio sailburuarekin baieztatu ondoren zabaldu zutela txertoen gaineko informazioa
EH Bildu arduraz aritu dela afera honetan jakinarazi du Arnaldo Otegik, haurrei eragiten dien arazoa delako. Sailburuarekin hitz egin ondoren errejistratu zituztela galderak Legebiltzarrean azaldu du.
Amaia Agirre, Getxoko alkatea: "Oposizioak dimititu dezadan eskatzen duelako ez dut dimitituko"
Oposizioko hiru taldeek (PP, EH Bildu eta Elkarrekin Podemos) talde moreak aurkeztutako premiazko mozio bat onartu dute, EAJko alkatearen kargugabetzea eskatzeko, Irurak Bat jauregiaren eraisketari lotuta egindako kudeaketagatik.
Donostiako Udalak ez du lizentzia gehiago emango tentsionatutako auzoetan hotelak eta pisu turistikoak ezartzeko
Donostiako Udalbatzak aho batez onartu du hotel eta ekipamendu turistikoei mugak ezartzen dizkien plan orokorraren aldaketa. EH Bilduk uste du berandu datorrela aldaketa.