Zuzeneko boto-asmoa: EH Bildu indartsuagoa da emakumeen artean eta EAJ nagusi da 65 urtetik gorakoen artean
Silvan & Miracle enpresak EITB Focus inkesta berriak utzitako mikrodatuak aztertu ditu.
EITB Focusen azken inkestaren mikrodatuen azterketak hainbat titular utzi ditu hauteskunde orokorrak orain egingo balira herritarrek izango luketen jarreraren inguruan.
Silvan & Miracle enpresak boto-asmo zuzenean jarri du arreta, hau da, Espainian datozen hauteskundeetan herritarrek botoa nori emango dioten erabakita duten.
Datu horien arabera, EH Bildu emakumeen artean alderdi indartsua dela ondoriozta daiteke; izan ere, EAJk baino hamar puntu gehiago eskuratuko ditu talde horretako boto-emaileen artean. Koalizioak, gainera, erretiratuen eta funtzionarioen artean lortuko ditu emaitza onenak, baita Gipuzkoan ere.
EAJ, bestalde, indartsu jarraituko du 65 urtetik gorakoen artean, eta EH Bildu bikoiztuko du adin tarte horretan. Aukera ekonomikoak dituztenen artean ere nagusituko da alderdi jeltzalea. Funtzionarioek eta langile publikoek ere babestuko dute EAJ, EH Bildu bezala. Egoera sozioekonomiko egonkorrena dutenen artean alderdi nagusia izango da EAJ, eta Bizkaian oso indartsu jarraituko du, Silvan & Miracleren ikerketaren arabera.
PSOEk ere indar handia lortuko du emakumeen artean eta Araban. 2023an hauteskundeak irabazi zituen lurralde horretan.
PPk, bestalde, ahultasuna erakutsiko du Euskadin, eta ehuneko txikiak lortuko ditu segmentu guztietan. Araban bakarrik lortuko dute eustea.
Sumarrek babes handiagoa lortuko du gazteen eta ikasleen artean, baina ez du lortuko erreferentziako aukera gisa finkatzea, ez hezkuntza-profilagatik, ez profil sozioekonomikoagatik.
VOXi dagokionez, ikerketak ondorioztatu du botoa erakartzen ari dela zor ekonomikoak dituztenen eta aurrezkiak erabili behar dituztenen artean edo langabezian daudenen artean.
Zure interesekoa izan daiteke
Fiskaltzak artxibatu egin du EH Bilduk Guardiako EAJko alkatearen aurka jarritako salaketa
"Presio-estrategia politiko" kanpaina bat egitea leporatu dio alkateak koalizioari.
Bengoetxea, EHUko errektorea: "Ikasle-mugimenduari eskatu diogu ez erortzeko probokazioetan"
Joxerramon Bengoetxea EHUko errektoreak zentzuz jokatzeko eta probokazioetan ez erortzeko deia egin du. Ikasle-antolakundeekin harremanetan jarri dela adierazi du, eta Voxen jokoari ez jarraitzeko eskatu die, baina, horren ustez, "libre dira nola jokatu nahi duten erabakitzeko".
Santurtziko Udalak Fiskaltzari helarazi dio Udaltzaingoaren azterketen ustezko filtrazioaren kasua
Segurtasun arloko zinegotzi ohi Sonia Lopezen mezu elektronikoak aztertu ondoren, gertakariak Bizkaiko Fiskaltzaren aurrean aurkezteko izapideak hasteko erabakia hartu du gobernu-taldeak.
Aitor Esteban estatus berriaren itunaz: "Duela pare bat aste itxaropentsu nengoen, orain zalantzak ditut"
"Egun on" saioan Aitor Esteban EAJren EBBko presidenteak esan duenez, "duela pare bat aste itxaropentsu" zegoen estatus berria adosteko aukeraren aurrean, EAJ, EH Bildu eta PSE-EEren arteko hiruko elkarrizketak ikusita, baina "orain zalantzak" ditu. "Ateak irekita daudela dirudienean, ustekaberen bat gertatzen da", adierazi du.
ETAko preso batzuek jasotako espetxe baimen eta gradu aldaketaren inguruko eztabaida izan da gaur Legebiltzarrean
ETAko presoei mesede-tratua ematea leporatu diete Javier De Andres Euskadiko PPko buruak eta Amaia Martinez Voxeko legebiltzarkideak Imanol Pradales lehendakariari eta Maria Jesus San Jose Justizia sailburuari.
Gazteria Legea aldatzeko proposamena erregistratu dute EAJk eta PSE-EEk, adin txikikoen udalekuak zorrotzago kontrolatzeko
Presazko prozeduraren bitartez erregistratu dute, eta bi hilabeteko epean aldaketak indarrean egotea aurreikusten du Nerea Melgosa Ongizate, Gazteria eta Erronka Demografikoko sailburuak.
Zupiriak “zentzuz” jokatzeko eskatu du, Voxek Gasteizen deitutako ekitaldiaren aurrean
Eusko Jaurlaritzaren esanetan, “alderdi autoritario baten ekitaldia” izango da, “15 lagunek deituta”.
Aldakako ebakuntza egingo diote berriro Aburtori, martxoaren 9an
Hilabete eta erdi inguru beharko du osatzeko, eta Amaia Arregi egungo alkateordeak beteko ditu alkate lanak aldi horretan.
Jon Enparantza eta Arantza Zulueta Martuteneko espetxean sartu dira
Otsailaren 3an espetxeratzeko agindua eman zuen Auzitegi Nazionalak 2022an ezarritako zigorra bete ahal izateko eta euren kabuz joan dira espetxera.
Iraungitako txertoen kasuari lotutako batzorde independente bat eratzeko eta erantzukizunak eskatzeko proposamenak atzera bota dituzte EAJk eta PSEk
Jeltzaleek eta sozialistek iragarritako neurriak arintzeko eskatu diote Osasun Sailari, "akatsen arriskua gutxitzeko".