Eusko Legebiltzarrak tramitera onartu du zezen-ikuskizunen inguruko lege-proposamena
Hortaz, EAJk eta PSE-EEk aurkeztutako lege-proposamenak bidea egingo du Eusko Legebiltzarrean. Jeltzaleen eta sozialisten testua babestu dute PPk eta Voxek, EH Bildu abstenitu egin da eta Sumarrek kontra bozkatu du.
Eusko Legebiltzarrak tramitera onartu du zezen-ikuskizunak arautzeko EAJk eta PSE-EEk egindako lege-proposamena. Gobernua sostengatzen duten bi alderdiek (EAJ eta PSE-EE), PPk eta Voxek alde bozkatu dute, EH Bildu abstenitu egin da, eta Sumarrek, berriz, kontrako botoa eman du.
Hortaz, zezenketak barne hartzen ez dituen lege-testuak aurrera jarraituko du Legebiltzarrean.
Lege-proposamenaren helburua zezen-ikuskizunak (sokamuturra, errekortariak, entzierroak) arautzea da, izan ere, urtean gisa horretako 1.000 ikuskizun inguru antolatzen dira Araban, Bizkaian eta Gipuzkoan.
Testuak jasotzen du, besteak beste, adin txikikoek gurasoen idatzizko baimena beharko dutela horietan parte hartzeko (14 urtetik beherakoek helduek lagunduta sartu beharko dute, baina ezingo dute aktiboki parte hartu) eta ezin izango zaiela animaliei inolako tratu txarrik eman.
Espero bezala, talde animalistak legearen aurka agertu dira, zezen-ikuskizunen "jarraipena" bermatu nahi dela iritzita.
Taldeen jarrera
Helburua legearen hutsune bat betetzea dela azpimarratu du EAJk, izan ere, etxeko animaliak babesteko legeak berezko erregulaziorik ez duten animaliekin egindako ikuskizunak debekatzen ditu. PSE-EE ildo beretik mintzatu da, eta ekitaldi horiei segurtasun juridikoa eman nahi zaiela gaineratu du.
PP pozik agertu da hutsune bat beteko delakoan. Dena den, testua hobetzeko zuzenketak egingo dituela iragarri du.
EH Bilduk jarrera "praktikoa eta arduratsua" defendatu du, eta testua hobetzen saiatzeko eragile eta elkarteak entzungo dituela nabarmendu du.
Sumarrek, bere aldetik, salatu du zezen-ikuskizunetan adin txikikoek parte hartzea legez onartzen duen lehen legea izango dela Espainiako Estatuan.
Azkenik, Voxek tauromakia euskal gizartean errotuta dagoela azpimarratu du.
Zure interesekoa izan daiteke
Sanchez eta Feijooren bilera astelehen honetan, tentsio handiko une batean eta azken batzarretik hamar hilabetera
Segurtasun eta diplomazia estrategiari buruzko bilera izango da, eta bilera-sortak aurrera jarraituko du asteartean, Sumarrekin eta ERCrekin, eta ostegunean, EH Bildurekin eta EAJrekin.
EH Bilduk "zorrotz" jarraituko du eraitsitako jauregiaren inguruko ikerketa, eta ustelkeria zantzurik egonez gero, ardurak eskatuko ditu
Iker Casanova EH Bilduren Bizkaiko bozeramaileak gogorarazi duenez, koalizioak salatu zuen Fiskaltzaren aurrean Irurak Bat jauregia eraitsi izana. Ikerketa martxan dagoenez, "zuhur" agertu da, baina hori bukatutakoan "zorrotz" arituko direla hitzeman du.
Ansolak berretsi du "irregulartasunik ez" zela izan eraitsitako jauregiaren kasuan, eta zinegotzi jeltzaleen errugabetasun-presuntzioa defendatu du
EAJren BBBko presidentea "harrituta" agertu da Ertzaintzak Getxoko udal bulegoak miatu dituela eta. Ansolak azpimarratu duenez, zinegotziak ez daude ikerketapean, baina EAJk "erabakiak hartuko lituzke" irregulartasunen bat edo etikoki portaera txarren bat ikusiko balu.
Lander Martinez: "Yolanda Diaz da gure aktiborik onena, eta bera izan da beti gure apustua"
Sumarreko euskal diputatuak adierazi du "mimoz" ari direla lanean alderdien artean "espazio bateratuak" eta "konfiantzazko espazioak" sortzeko, "maila instituzional bakoitzean boto-paper bakarra" egon dadin.
Elizalde: "Erakundeek eta herritarrek ez digute esker onik adierazi San Frantzisko eliza Martxoak 3 Memorialaren esku uzteagatik"
Gasteizko gotzaina kexu agertu da administrazio alorrean dagoen "moteltasun izugarria" tarteko, eta biktimen elkarteekin "tentsioa" dagoela aitortu, eta horrek "patronatu lasaia" edukitzea zailtzen duela erantsi du. Hala ere, "hainbeste urteren ostean" proiektu bat egotea positibotzat jo du, eta garrantzia kendu dio Memorialak 1976ko sarraskiaren urteurrenerako ateak ez irekitzeari.
Eskualdatzeke dauden transferentziak: zeintzuk dira eta zertan dira negoziazioak?
Ostiral honetan gauzatu diren bost eskualdaketez harago, Autonomia Estatutuak aitortutako beste 15 transferentzia falta ditu EAEk. Eskumenen nahas-mahasean ez galtzeko, honatx egin gabekoen zerrenda gaurkotua.
EH Bilduk “subiranotasunean jauzi bat" emateko beharra azpimarratu du
Gernikako Estatutua zaharkituta geratu dela dio Euskal Herria Bilduk, edukirik barik. Horregatik, subiranotasunean jauzi bat eman behar dela esan du Pello Otxandianok.
Estatutua betetzeko eskatu dio EAJk Espainiako Gobernuari: "Kitatu beharreko zorra da"
Maitane Ipiñazar EAJko Euzkadi Buru Batzarreko idazkariak "negoziatzeko modua aldatzeko" deia egin dio Espainiako Gobernuari, "ez delako egokia", eta negoziazio "ordenatuagoa" egitearen alde egin du.
Ubarretxena: "Urte luzetan itxita egon den Gizarte Segurantzaren atean zirrikitu bat zabaldu dugu etorkizunari begira"
Eusko Jaurlaritzako Gobernantza, Administrazio Digital eta Autogobernu sailburua "lasaiago" agertu da iaz adostutako bost eskumenak transferituta, eta gainerakoak negoziatzen jarraituko dutela azpimarratu du. Ez du uste Sanchezen gobernuarekin itxiko dituzten azken eskumenak izango direnik; nolanahi ere, "kezka" azaldu du balizko gobernu aldaketa batek negoziazioa zailduko lukeelako, batez ere tartean eskuin-muturra egonda.
Sumar atzean utzi eta PSOEtik aldendutako koalizio berri bat bultzatzeko deia egin du IUk
Yolanda Diaz kide duen Sumar Mugimendua alderdiak adierazi du garrantzitsuena ez direla izenak edo taldeak, "benetako funtsa" gobernatzen jarraitu ahal izatea baita.