EAJk datozen lau urteetarako estatutuak onartu ditu militantziaren parte hartzea “sendotu eta aktibatzeko”
Jeltzaleek bilera egin dute gaur Gasteizen EAJren Aberri Estatutu berriak onesteko. Parte hartzea sustatzeko hainbat neurri berri txertatu dituzte, hala nola gai jakinen inguruan alderdikideen iritzia biltzeko kontsultak egitea eta "EAJren jarraitzaile" figura sortzea. Era berean, euskararen eta berdintasunaren defentsa egiteko protokolo eta jarraibideak zehaztu dituzte.
Jeltzaleen IX. Batzar Nagusia. Argazkia: EAJ
EAJk datozen lau urteetarako bide orria zehaztu du gaur, alderdiaren estatutu berriak onartuta. Jeltzaleek IX. Batzar Nagusiaren bigarren eta azken bilera egin dute Gasteizen, Europa Jauregian, eta bertan onetsi dituzte alderdiaren barne antolamendua “birformulatu eta arinduko” duten ildo berriak. Aberri Estatutu berriek militantzia “indartzeko eta aktibatzeko” mekanismoak txertatu dituzte. Hala, aurrerantzean gai jakin batzuen inguruko kontsulta ez-lotesleak egin ahal izango dira eta militantziak parte hartzeko bide berriak sortu dituzte. Halaber, EAJren lurralde batzarrak zein EBBren zuzendaritza berritzeko prozesuak laburtu dituzte.
Jone Berriozabal Araba Buru Batzarreko (ABB) presidenteak bileraren atarian nabarmendu duenez, “gaurkoa oso egun garrantzitsua da EAJrentzat. Urtebete luzeko gogoeta eta parte hartze lan emankorrari amaiera emango diogu eta”. Horren esanetan, estatutu berriekin alderdiaren “egiturak, prozesuak eta barne epeak arinduko dira”.
Batzarra amaitzeko, Aitor Esteban EBBren presidenteak hartu du hitza. Buruzagi jeltzaleak gaurkotasun politikoa izan du hizpide, PSOEren baitan sortutako eskandaluak eta Espainiako gobernagarritasuna bereziki.
Kontsulta ez-lotesleak
EBBk martxoan Donostian egindako lehen bileran jaso zuen estatutuak berritzeko IX. Batzar Nagusiaren agindua, eta "Erakunde demokratiko bat" txostena prestatu zuen. Gerora, zirriborro horri 1.000 zuzenketa egin zizkioten, eta % 70 onartu eta transakzio bidez adostu dira. Zuzenketa horiekin guztiekin ondu dituzte gaur onartu dituzten Aberri Estatutu berriak.
Estatutuokin EAJko kideei “parte hartzeko bideak eta moduak hobetzea” bilatu dute, “militantzia arinago eta eraginkorrerako erraztasunak emateko”, "egungo errealitatera egokituz eta prozesu horietan digitalizazioa txertatuz”.
Bide horretan, EBBk proposatutako gaien inguruan, militantziaren artean zuzeneko kontsulta ez-lotesleak egitea aurreikusi dute. Bestalde, parte hartzeko eta komunikatzeko bideak zabaltzeko asmoz, "Alderdizaleak" entitatea sortuko dute, EAJrekin lotura izan nahi duten jarraitzaileak kontuan izateko, eta harremanetarako mekanismo desberdinak ezarriko dituzte horretarako.
Halaber, lurraldeetako buru batzarrak eta Euzkadi Buru Batzarra (EBB) berritzeko prozesuak laburragoak izatea adostu dute: gehienez 30 eguneko epean egingo dira. Orain artekoak oso luzeak ziren; Aitor Esteban EAJren buru izendatzeko prozesuak, esaterako, sei hilabete iraun du.
Azkenik, euskaren kontrako epai judizialek eragin duten kezkaren aurrean, hizkuntzaren defentsa jasoa geratu da estatutuetan, modu honetara: "EAJk euskara du euskal hizkuntza nazional, eta erantzukizun nazionala eskatzen du hura normalizatzeko". Era berean, alderdi barruan berdintasuna bermatzeko mekanismoak erantsi dituzte jeltzaleek.
Kontsulta ez-lotesleak
EBBk martxoan, Donostian egindako lehen bileran, jaso zuen estatutuak berritzeko IX. Batzar Nagusiaren agindua, eta "Erakunde demokratiko bat" txostena prestatu zuen. Gerora, zirriborro horri 1.000 zuzenketa egin zitzaizkion, eta % 70 onartu eta transakzio bidez adostu dira. Zuzenketa horiekin guztiekin ondu dituzte gaur onartuta geratu diren Aberri Estatutu berriak.
Estatutuokin EAJko kideei “parte hartzeko bideak eta moduak hobetzea” bilatu dute, “militantzia arinago eta eraginkorrerako erraztasunak emateko”, egungo errealitatera egokituz eta prozesu horietan digitalizazioa txertatuz”.
Bide horretan, EBBk proposatutako gaien inguruan, militantziaren artean zuzeneko kontsulta ez-lotesleak egitea aurreikusi dute. Bestalde, parte hartzeko eta komunikatzeko bideak zabaltzeko asmoz, "Alderdizaleak" entitatea sortuko dute, EAJrekin lotura izan nahi duten jarraitzaileen figura aurreikusten duena, zeinekin harreman-mekanismo desberdinak ezarriko baitira.
Halaber, lurraldeetako buru batzarrak eta Euzkadi Buru Batzarra (EBB) berritzeko prozesuak laburragoak izatea adostu dute: gehienez 30 eguneko epe barruan egingo dira –orain artekoak oso luzeak ziren; Aitor Esteban EAJren buru izendatzeko prozesuak, esaterako, sei hilabete iraun ditu–.
Azkenik, euskaren kontrako epai judizial eragin duten kezkaren aurrean, hizkuntzaren defentsa jasoa geratu da estatutuetan, modu honetara: "EAJk euskara du euskal hizkuntza nazional, eta erantzukizun nazionala eskatzen du hura normalizatzeko". Era berean, alderdi barruan berdintasuna bermatzeko mekanismoak erantsi dituzte jeltzaleek.
Zure interesekoa izan daiteke
Leire Diez eta Antxon Alonso aske utzi ditu epaileak, kautelazko neurriekin
Aurretik, Ustelkeriaren aurkako Fiskaltzak Leire Diez PSOEko militante ohia, Vicente Fernandez Estatuko Industria Partaidetzarako Sozietateko (SEPI) presidente ohia eta Antxon Alonso enpresaburu gipuzkoarra kautelazko neurriekin aske uzteko eskatu dio epaileari.
Estebanek, Sanchezi: “Eskandaluen jarioa geldiarazi edo hauteskundeak deitu”
EAJren IX. Batzar Nagusiaren amaieran hitza hartu du EBBko presidenteak. Buruzagi jeltzalearen ustez, hauteskundeak deitu “beste aukerarik ez du” Espainiako Gobernuko presidenteak. “Hilabete batzuk iraun ditzake, baina ez urtebete eta erdi: ez da serioa”, erantsi du.
Podemos Euskadik esan du lortzen dituen akordioak gehiengoaren eskubideak bermatzeko direla
Richar Vaquero koordinatzaileak Arabako aurrekontuen inguruan irekitako negoziazioak aipatu ditu; izan ere, Aldundia eta Elkarrekin Podemos-IU akordio bat lortzear daude. "Irmotasun berarekin negoziatzen jarraituko dugu", azpimarratu du.
Leire Diez, SEPIko presidente ohia eta Antxon Alonso galdekatuko ditu epaileak
Antonio Piña Auzitegi Nazionaleko epaileak Leire Diez militante sozialista ohia, Vicente Fernandez SEPIko presidente ohia eta Antxon Alonso galdekatuko ditu larunbat honetan.
Chivitek uste du PSOEri "azkartasuna eta irmotasuna" falta izan zaiola sexu-jazarpenaren aurrean
Maria Chivite Nafarroako presidenteak gogorarazi du PSOE dela sexu-abusu kasuetarako protokoloa duen alderdi bakarra, baina uste du "hobetu" egin behar dela, "biktimen babesari, biktimen bermeari eta jarduera azkar, eraginkor eta justuari begira".
?fmt=webp-alpha&qlt=80)
Sexu-jazarpenagatik eta lan-jazarpenagatik berriki jarritako hainbat salaketa ikertzen ari da PSOE
Azken orduetan, dimisioak eragin dituzten hainbat kasu ezagutu dira, hala nola Belalcazarreko (Kordoba) alkatearena edo Galiziako sozialisten Berdintasun idazkariarena, azken hori Jose Tome Roca Lugoko Diputazioko presidente ohiak kargua utzi ostean izandako desadostasun batengatik.
Esther Muñozek (PP) EAJri eskatu dio "hausnartu" dezala Sanchezi ematen dion babesaren inguruan
Alderdikideekin afari batean parte hartzeko Donostiara egindako bisitan, Alderdi Popularraren Kongresuko bozeramaileak Espainiako Gobernuari "gertatzen ari denagatik erantzukizunak hartzeko" eskatu dio, eta EAJri "Sanchezen alde noiz arte jarraituko duen" galdetu dio.
Martxoak 3 elkarteko biktimek Memoriala utziko dute "parte hartzea bermatzen ez bada"
Martxoak 3 elkarteak deitoratu du ez duela bermerik jaso sinatutako akordioari eusteko moduari buruz, eta ez dela deitu hitzarmena luzatu behar duen jarraipen-batzorderik. "Adostutakoa betetzen ez bada, Memorialak ez du inolako arrazoirik biktimentzat", ohartarazi du elkarteak.
Sumar osatzen duten alderdiek "Gobernu berria" eskatu diote Sanchezi, baina Moncloak baztertu egiten du
Gobernuko kide txikienak, Yolanda Diazek elkarrizketa batean zabaldutako ildoari jarraituz, irmotasuna eta aldaketak eskatu dizkio PSOEri. Hala ere, exekutiboaren gertuko iturrien arabera, azken kasuek ez dute ministrorik zipriztindu, eta, beraz, aurreikusita zeuden ordezkapenekin jarraituko dute.