Auzitegi Nazionala Tubos Reunidosen kontratu bat ikertzen ari da, Leire Diazi ustez eskupekoak emateagatik
Guardia Zibilaren txostenaren arabera, 113 milioi euroko kontratu baten esleipena azkartzeko, komisioak ordaindu zizkion enpresak. Nafarroako Erri Berri enpresarekin egindako beste kontratu bat ere badago ikerketapean.
Espainiako Auzitegi Nazionala Leire Diezekin, Antxon Alonsorekin eta Vicente Fernandezekin lotutako bost kontratu ikertzen ari da, eta nahasitako enpresen artean Tubos Reunidos eta Erri Berri daude.
Antonio Piña Auzitegi Nazionaleko epailea 132 milioi euroko bost obra susmagarri ikertzen ari da, 2021a eta 2022a bitartean ustez komisioak ordaintzeagatik. Leire Diez, Antxon Alonso eta Vicente Fernandez daude kontratu horietan nahasita. UCOren arabera, hirurek ustez Tubos Reunidos euskal enpresaren eskupekoak jaso zituzten esleipen bat azkartzeko, eta Erri Berri enpresa nafarrarenak, Asturiasen obra batean sartzeko.
Tubos Reunidosek Vicente Fernandez SEPIren presidente ohia zuen aholkulari duela hilabete batzuk arte, enpresak aitortu duen bezala, baina Leire Diezekin eta Antxon Alonsorekin ez duela inolako harremanik esan du. Enpresak EITBri azaldu dionez, Fernandezekin sinatutako aholkularitza kontratuari buruzko informazioa epaitegiaren esku utzi du, eta Justiziarekin elkarlanean aritzeko prest agertu da.
Guardia Zibilaren txostenaren arabera, Tubos Reunidosek ustez komisioak ordaindu zituen 113 milioi euroko kontratu baten esleipena bizkortzeko, hiru susmagarriek HIRUROK izeneko WhatsAppeko talde batean trukatu zituzten mezu batzuetatik ondoriozta daitekeenez. UCOren arabera, 115.000 euro inguruko komisioak jasoko zituzten hirurek euskal enpresaren aldetik.
Kontratu susmagarrien artean Erri Berri enpresa nafarraren bat ere badago. Enpresa horrek ustez 400.000 euro ordaindu zizkien hiru auzipetuei Asturiasko Enpresa Parkean kontratu bat lortzeagatik. UCOk ostegun honetan erregistratu duen enpresetako bat, hain zuzen ere, Erri Berri izan da.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Arratsaldeko 17:00etan egingo duten agerraldian emango dituzte akordioaren xehetasunak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.