Sanchezek adierazi du "feminismoarekiko erabateko konpromisoa" duela eta ustelkeriaren aurka "irmo" diharduela
Espainiako Gobernuko presidenteak agerraldia egin du Moncloan, urtearen balantzea egiteko. Azpimarratu duenez, legealdia amaitzeko borondatea du, eta horretarako babesak "harrien azpian ere" bilatuko dituela hitzeman.
Pedro Sanchez Espainiako Gobernuko presidenteak agerraldia egin du gaur eguerdian urte amaieran egin ohi duen balantzea egiteko. PSOE, eta, hortaz, Espainiako Gobernua, ataka estuan dagoela heldu da prentsaurrekoa. Izan ere, alderdiaren baitan lehertu diren ustezko ustelkeria eta sexu-jazarpen kasuek hari batean utzi dute Sanchez.
Hala, urteko balorazioa egin aurretik, "gaurkotasuneko bi gai" horiei heldu die buruzagi sozialistak. Sexu-jazarpenaren auzia hizpide, Espainiako jendarteari, eta bereziki emakumeei, zuzendu zaie eta azpimarratu du PSOEk eta koalizio gobernuak "erabateko konpromisoa" duela feminismoarekin.
Sanchezen hitzetan, Alderdi Sozialista izan da jazarpenaren eta indarkeria matxistaren kontra "irmotasunez eta gardentasunez" jardun duen "lehen erakundea". "Arazo horren kontrako jardun irmoak baditu sigla jakin batzuk", erantsi du alderdi aurrerakoiei eta sozialistei erreferentzia eginda.
Aitortu du, era berean, "akatsak", egin, egin dituztela, baina feminismoaren aldeko aurrerapenen kontra daudenen "leziorik" onartuko ez duela berretsi du. "Leziorik ez, indarkeria matxista zalantzan jartzen duen horien aldetik", azpimarratu du.
Ildo beretik mintzatu da ustelkeriaren auzia ahotan. PPren aldetik irakaspenik onartuko ez dutela nabarmendu du, Alderdi Popularra "ustelkerian murgilduta dago" eta. Defendatu duenez, Espainiako Gobernuak "irmotasunez eta gardentasunez" jardun du ustelkeria kasuen kontra.
"Erraza ez den giro" honetan, Sanchezek nabarmendu du ez dituela hauteskundeak aurreratuko eta legealdia agortu egingo duela. "Erantzukizunez" jokatzen ari dela adierazi du, Europa "une historikoan dagoelako".
"Jazarpen pertsonala, zarata, eta lokatza jasan behar badut, egin egingo dut, baina ez diot nire erantzukizunari muzin egingo", azpimarratu du.
Koalizio gobernuak Kongresuan duen babes estua eta gobernagarritasuna hizpide, "babes parlamentarioak harrien azpian ere" bilatuko dituela berretsi du.
Ingurumari horretan, iragarri du ERCrekin eta Juntsekin bilduko dela. Aitortu du azken alderdi horrekin "harremanak hautsita" dituztela, baina adierazi du alderdi katalanarekin adostutakoak betetzeko "borondatea" duela. "Emaitzak espero ditut laster", gaineratu du.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.