EH Bilduk irabaziko lituzke Gipuzkoan hauteskundeak, baina EAJk eta PSE-EEk gobernuari eusteko aukera lukete
Foru Aldundiaren azken soziometroak agerian utzi ditu gipuzkoarren kezka nagusiak: etxebizitza, langabezia, osasuna eta segurtasuna. Euskararen egoera okerrera doan pertzepzioa zabaltzen ari da gipuzkoarren artean.
Irune Berasaluze, Gipuzkoako Foru Aldundiaren bozeramailea, ostegun honetan. Argazkia: GFA.
Gipuzkoako Batzar Nagusietarako hauteskundeak orain egingo balira, EH Bilduk irabaziko lituzke, botoen % 39,4 bereganatuta (2023an % 37,3 eskuratu zituen); batzarkide bat irabaziko luke eta 23 lotu. EAJk hiru hamarren egingo luke gora, % 32,6tik % 32,9ra, eta batzarkide bat irabaziko luke, 18 lortuz denera. PSE-EEk behera egingo luke % 16tik % 13,9ra, baina 7 batzarkideei eustea lortuko luke. PPk eta Elkarrekinek batzarkide bana galduko lukete.
Gauzak horrela, EAJk eta PSE-EEk aukera izango lukete beste alderdiren baten laguntzarekin hirugarrenez gobernatzeko.
Horiek dira Gipuzkoako Foru Aldundiak gaur goizean argitara eman duen abenduko soziometroak utzitako ondorio nabarmenenetako batzuk. Irune Berasaluze bozeramaileak aurkeztu ditu datuok. Gizaker inkesta-etxeak egin du landa-lana; abenduaren 3tik 10era 1.500 pertsona elkarrizketatu ditu, telefonoz.
Kezka nagusiak
Etxebizitza, langabezia, osasuna eta segurtasuna dira gipuzkoarren kezka nagusiak, eta egoera ekonomikoa erdipurdikoa dutela dioten arren, gehienek nahikoa edo oso zoriontsu direla aitortzen dute.
Gipuzkoan konpondu beharreko arazo garrantzitsuenen artean % 54,3k aipatu dute etxebizitzarena, 18-29 urte bitartekoen artean nagusi da kezka hori.
Langabezia eta lan-prekarietatea da bigarren kezka nagusia gipuzkoarren % 30,4rentzat, 30-45 urte bitartekoen artean batez ere.
% 20,9k osasuna jarri dute kezka nagusienetan, bereziki, 46-60 urte artekoek.
Segurtasuna eta delinkuentzia ere konpondu beharreko arazo bilakatu da herritarren % 15,4rentzat (% 4 igo da maiatzeko soziometrotik).
Ekonomia eta enpleguari dagokienez 0tik 10erako eskalan 6,64ko batez besteko puntuazioa eman diote gipuzkoarrek euren egoera ekonomiko pertsonalari, 46-60 artekoek emanik notarik baxuena (6,48), eta 60tik gorakoek, onena (6,86). % 2,9 ez dira hilaren amaierara iristen eta oso estu eta murrizketak eginez iristen dira % 24,4. EAJren boto-emaileak dira egoera ekonomiko onena dutela adierazten dutenak (6,99).
Duela bizpahiru urtetik hona euren egoera nola aldatu den galdetuta, erdiek adierazi dute berdin dagoela, % 28,5ek diote okerrera joan dela, eta % 20,6ek, hobetu egin dela. Etorkizunari itxaropentsu begiratzen diote gehienek. % 61,4k uste dute egoerak berdin jarraituko duela, eta % 18,2k, hobera egingo duela.
Kezkak kezka, batez besteko zoriontasun maila 7,49an kokatu dute gipuzkoarrek 0tik 10erako eskalan; gazteak dira zoriontsuenak (7,71). Gainera herritar gehienek inguruan laguntza soziala eta emozionala badutela aitortu dute; hemen ere, gazteak kokatu dira piramidearen erpinean.
Euskara, "okerrera"
Euskararen osasunari 6ko nota eman diote gipuzkoarrek, batez beste. Zehazki, euskaldunek 5,78koa (% 44,3k esan dute okerrera egin duela azken urteotan), eta euskaldun ez direnek, 6,51koa, zehazki ( % 44,2k esan dute hobera egin duela egoerak).
Iazko abenduko soziometroan % 35,3 ziren euskararekiko jarrera okerrera zihoala ziotenak (% 32k zioten hobera zihoala), eta, beraz, agerian gelditzen da euskararen egoera okertzen doan pertzepzioa gero eta orokortuagoa dela.
EH Bilduren boto-emaileak dira euskararen egoera okerren ikusten dutenak, 5,59ko puntuazio eman baitiote, eta okerrera doala diote % 49,3k; aldiz, EAJkoak dira ondoen ikusten dutenak (6,36), eta % 40,9k diote hobetu egin dela euskararekiko jarrera.
Zure interesekoa izan daiteke
Pradalesek iragarri du txosten bat prestatzen ari direla Sanchezen Gobernuak "bete eta hautsi dituen itunekin"
"Eskumenen eskualdatzea azken minutuan atera da aurrera, berriro ere" aitortu du lehendakariak, eta ohartarazi du ezin dutela "horrela jarraitu". "Negoziazio fase berrian ikusiko dugu zein den espainiar Gobernuak urte politiko honetarako duen borondate politikoa", erantsi du.
Jaurlaritzak eta Espainiako Gobernuak behin betiko itxiko dute gaur adostutako bost eskumenen eskualdatzea
Hala, Gasteizko Gobernuaren esku geratuko dira langabezia-prestazioen, Gizarte Segurantzako familia-prestazio ez-kontributiboen, Itsas Salbamenduaren, Eskola Aseguruaren eta Barakaldoko Makineriaren Egiaztapen Zentroaren gaineko eskumenak.
Nafarroako Gobernuak autogobernuan aurrera egiteko duen konpromisoa berretsi du Chivitek
Gobernuaren kontrolerako osoko bilkuran, Foru Erkidegoko presidenteak gogorarazi du Lan Ikuskaritza eta Gizarte Segurantzari dagokion eskumena eskualdatzea eskatu ziotela Estatuari, iazko abenduan.
Anduezaren ustez, autogobernua "sozialistek bultzatuta zabaldu da", eta EAJri "tentsioa" eragitea leporatu dio
PSE-EEko buruak jeltzaleei aurpegiratu die EBBko presidenteak egindako adierazpenak, "akordioa lortzeko saiakera baino gehiago mehatxua" iruditu baitzitzaion.
Accionako eta Erkolan kooperatibako zuzendari ohien banku-kontuak arakatzeko agindu du epaileak
Eginbide horiekin, UCOk "Koldo Auzia" ren zati horren ikerketekin jarraitu nahi du, obra publikoaren esleipenengatik ustez kobratutako hozkadei dagokienez.
Xabi Iraola izango da Sorturen hurrengo koordinatzaile nagusia, ez baita beste hautagairik aurkeztu
Bozketa urtarrilaren 21etik 23ra izango da, eta hurrengo egunean amaituko du Sortuk bere IV. Kongresua. Atzo arteko epea zuten militanteek beste hautagai bat aurkezteko.
EH Bilduk ontzat jo du transferentzia berrien akordioa, baina "Estatuarekin berdinen arteko" harremana izatea eskatu du
Pello Otxandianok positibotzat jo du "euskal herritarrok gure egunerokoan eta herritarren ongizatean eragina duten gaiei buruz erabakitzeko dugun gaitasuna handitzen duen guztia".
Hauek dira Eusko Jaurlaritzak ostiral honetan bere gain hartuko dituen bost eskumenak
Maria Ubarretxena Eusko Jaurlaritzaren bozeramaileak iragarri duenez, Espainiako Gobernuak eta Eusko Jaurlaritzak ostiralean sinatuko dute 1979ko Gernikako Autonomia Estatutuko beste bost eskumen Euskadira eskualdatzea, besteak beste, langabezia-prestazioak eta Gizarte Segurantzaren kotizazio gabeko prestazioak.
Estebanen ustez ez dago irregulartasunik Getxoko jauregiaren auzian, baina kontrakoa frogatzen bada neurriak hartuko dituzte
Ahal Duguk EAJri leporatu dio Getxoko Irurak Bat jauregiari lotutako irregulartasunak estali nahi izatea. Hori dela eta, erantzukizun politikoak argitzea eskatu du.
Jaurlaritzak seriotasuna eskatu dio Sanchezen Gobernuari: "Dinamika honekin ezin dugu jarraitu"
Maria Ubarretxena Gobernantza, Administrazio Digital eta Autogobernuko sailburu eta Eusko Jaurlaritzaren bozeramaileak gogorarazi duenez, oraindik gai batzuk negoziatzeke daude, baina azpimarratu du ezin direla beti erlojuaren kontra lanean aritu. "Seriotasuna eta negoziazioei bestela ekitea eskatzen dugu", gaineratu du Ubarretxenak.