EH Bilduk dio Euskal Herria gai dela autoritarismoari sendo erantzuteko
Arnaldo Otegi, EH Bilduren Batzar Nagusian, joan den larunbatean. Argazkia: EFE
Koalizio subiranistaren Hegoaldeko Mahai Politikoak adierazpen bat argitaratu du, munduko egoeraren eta azken asteetako gertakarien inguruko analisi batekin.
EH Bilduk uste du Euskal Herriak "baldintza politiko, sozial, historiko eta ekonomiko nahikoak" dituela "bizi dugun une historikoaren mailako erantzuna artikulatzeko". "Uste dugu, gure gaitasunez eta gure mugez jakitun, gauza handiak egin ditzakegula olatu autoritarioa geldiarazteko, badagoela egiazko alternatiba, eta Europarako beste proiektu bat posible dela", esan du koalizioak Hegoaldeko Mahai Politikoak astelehen honetan egindako urteko lehen bileraren ondoren zabaldu duen adierazpenean. "Ezinbestekoa da gogoratzea gure herriak duela 40 urte ezetz esan ziola NATOri. Orduan ere erakutsi genuen salbuespena garela sutan dagoen mundu honetan", dio idatziak.
Ildo horretan, EH Bilduk dei egin die Euskal Herriko eragile politiko eta sozialei, "herri gisa ordezkatzen dugunari balioa emateko" eta "munduari esateko gerraren eta itxaropenik ezaren aurrean alternatiba badagoela". Horretarako, adierazpenaren arabera, "indarrak antolatu" behar dira, "bultzada nazional berri" baten bidez "mundu hobea eraikitzeko aukera eta itxaropena badagoela erakusteko".
2026an autoritarismoa "herrientzat eta demokraziarentzat mehatxu erreala" izango dela nabarmendu ondoren, EH Bilduk adierazi du potentzia handiek "inperialismoa, gerrak eta planetako baliabide naturalen espoliazioa" erabiltzen dituztela "herrien kaltetan", eta "bien bitartean, Europar Batasunak eta haren inguruan diharduten eliteek atzera egitea erabaki dute, eta horrek proiektu propioaren gabezia larrioagtzen du".
Hori dela eta, koalizio subiranistak irizten dio "Europar Batasuna aipatzea alferrikakoa" dela, "une historikoak eskatzen duen mailako ardura" ez duelako eta "korronte autoritarioari aurrera egiten utzi" diolako.
Amaitzeko, "interes partikularrak alde batera uzteko beharra" aldarrikatu du EH Bilduk, "ezeren aurretik gure herria leheneteko eta ezberdinen arteko lankidetza sustatzeko".
Zure interesekoa izan daiteke
Alderdi guztiek, Voxek izan ezik, martxoaren 3ko biktimak omendu dituzte
EAJk dokumentu ofizialak osorik desklasifikatu ditzaten eskatu du. Arnaldo Otegik salatu du "Estatu-operazio” bat izan zela.
Franky tabernaren aholkulari fiskalak aitortu du Accionari faktura faltsuak egin zizkiola Koldoren alde
Miguel Moreno Purroyk agerraldia egin du astearte honetan Nafarroako Parlamentuan, herri-lanen lizitazioari buruz egiten ari diren ikerketa batzordean. 2016 eta 2018 urteen artean Koldo Garciari laguntzeko jardun zuela adierazi du, eta "oker" aritu zela aitortu arren, ukatu egin du ezein "ustelkeria sareren parte" izatea.
Espainiako Gobernuak gaitzetsi egin du martxoaren 3an, Gasteizen, Poliziak izandako "neurriz kanpoko jokabidea"
Aitor Esteban EAJko EBBren presidenteak akordioaren aurrean "etsita" dagoela adierazi du, eta Espainiako Gobernuari eskatu dio aitor dezala "Estatuak izan zuen papera". Javier Hurtado Arabako PSE-EEren idazkari nagusiak, berriz, babestu egin du Espainiako Gobernuak "memoria demokratikoarekin" duen konpromisoa.
Maider Etxebarria: "Martxoaren 3an zauri bat ireki zen Gasteizen"
Maider Etxebarria Gasteizko alkateak "Polizia Armatu frankistaren neurriz kanpoko jarduna" gaitzetsi du. Franco hil arren, frankismoa bizirik zegoela adierazi du Etxeberriak. "Zoritxarrez, Gasteizen bere aurpegirik gaiztoena erakutsi zuen", gaineratu du.
Gobernuek martxoaren 3a “alfonbrapean” ezkutatu izana salatu du Pradalesek, eta dokumentuak desklasifikatzeko eskatu du
Lehendakariak “egia, justizia, aitortza eta biktimen erreparazioa” eskatu ditu 1976ko martxoaren 3ko sarraskitik 50 urte bete direnean. “Memoria oso eta inklusiboa behar dugu, horrela baino ezingo baita oraindik zabalik den zauria itxi. Biktimekiko Eusko Jaurlaritzaren eta neure konpromisoa erabatekoa da”, azpimarratu du.
Albiste izango dira: Martxoaren 3ko sarraskiak 50 urte, Gatazka Ekialde Hurbilean eta Makina-Erramintaren Azoka
Gaur Orain-en albiste izango direnen laburpena, bi hitzetan.
Mende erdia igarota ere, martxoaren 3ko biktimak gogoan
Polizia frankistak gogor jo zuen langile-mugimenduaren aurka 1976ko martxoaren 3an. Gaur, Gasteizek gogoan izango ditu hildako bost langileak eta zauritutako ehun lagunak.
Honela azaldu zuen "The New York Times" egunkariak martxoaren 3ko sarraskia
Lau hamarkada lehenago Gernikako bonbardaketarekin egin bezala, The New York Times egunkariak mundu zabalean hedatu zuen Gasteizen izandako sarraskia, Henry Ginigerrek idatzitako kronika baten bidez.
Gasteiz aldatu zuen eguna: indarkeriaz eta zapalkuntzaz betetako 12 ordu
Erregimenak modu bortitzean zapaldu zituen langile mugimenduaren protestak, eta errepresio latza utzi zuen. Gasteiz aldatu zuten 12 orduen kronologia, hemen.
“Apaizen eta militarren" hiriak eztanda egin zuen eguna
Hiri eraberritua zen Gasteiz 1976ko martxoan. Hogei urtean biztanleria hirukoiztu egin zuen, eta langile mugimenduak indarra hartu zuen. Erregimena, ordea, aldaketa politiko eta sozialerako bulkada hura zapaltzen saiatu zen.