EBri Israelekin duen elkartze akordioa etetea eskatzeko, Europako Herritar Ekimena abiatu du EH Bilduk
Milioi bat sinadura bildu nahi dituzte, eta dagoeneko martxan da horretarako web orria. Datozen asteotan, berriz, koalizioko kideak herriz herri arituko dira sinadurak biltzen.
EH Bilduk, Europako Ezkerraren Aliantzan (EEA) osatutako 8 alderdi politikorekin batera, Europako Herritarren Ekimen bat jarri du abian, Europar Batasunari Israelekin duen merkataritza akordioa bertan behera uzteko eskatzeko. Milioi bat sinadura bildu nahi dituzte, eta euskal herritarrak ekimenarekin bat egitera deitu ditu koalizioak. "Instituzioen ekimen ezaren aurrean, herritarren aktibazioak duen garrantziaren adibide da".
Gaur egin dute aurkezpena, Bruselan, ekimenaren hainbat sustatzaileren parte-hartzearekin, eta besteak beste, Igor Zulaika EH Bilduko Politika eta Nazioarteko Harremanetako arduraduna izan da bertan. Azken horren hitzetan, Gazak eta Palestinak bizi duten egoera "munduan zehar dabilen olatu autoritarioaren ondorio" ere bada, eta autoritarismo hori "benetako mehatxua" da munduko herrientzat eta demokraziarentzat.
Koalizio subiranistaren arabera, "giza eskubideen bermatzaile gisa aurkezten den Europar Batasunak huts egin du", Israelekin dituen harremanak bere horretan mantentzen dituelako. "Gazako eta Palestinako egoerak, AEBk Venezuelaren aurka egindako erasoak bezala, erakusten du nazioarteko ordenaren kolapsoa, eta argi uzten du AEBren atzetik ibiltzea akats bat dela, eta ezin dugula hori onartu”, esan du Zulaikak.
"Beste Europa bat" posible dela adierazi du, eta "gerrari alternatiba bat" eraikitzen jarraitzeko deia egin du, "herrien burujabetzan eta errespetuan" oinarrituta. Zentzu horretan, Zulaikak balioan jarri du EH Bilduren Hegoaldeko Mahai Politikoak atzo onartutako adierazpena.
Dagoeneko, aktibatu dute sinadurak biltzeko prozesua, eta datozen asteotan EH Bilduko kideek herriz herri jarriko dituzte martxan sinadurak-bilketak.
Zure interesekoa izan daiteke
Errenteriako alkateak Adingabeen Fiskaltzaren aurrean lekukotasuna emango du bihar Xenpelar auziaren inguruan
Errenteriako Udalak Polizia Judizialaren eta Adingabeen Fiskaltzaren esku utzi zuen atzo sexu-eraso salaketen inguruan duen informazio guztia, eta eduki hori egiaztatzeko deitu dute alkatea.
Leire Diezek Cristina Narbonarekin hitz egin zuen Pedro Sanchez presidentearen aurkako erasoak "bideratzeko" asmoz
UCOk bien arteko elkarrizketa bat jaso du Leire kasuaren sumarioari erantsitako txosten batean.
EITBren euskarazko ikus-entzunezko edukiak ahalik eta gehien zabaltzea babestu du Eusko Legebiltzarrak
EAJren eta PSE-EEren zuzenketa bat da, EH Bilduk EITBk euskarazko audio eta azpitituluen edukia nazioarteko streaming plataformei doan lagatzeko egindako proposamen bat atzera bota ostean. Nazioarteko plataforma eta operadoreekiko harremana ere sustatuko da.
?fmt=webp-alpha&qlt=80)
Errenteria, Lezo eta Pasaiako alkateek portuaren eskumenak eskualdatzea eta gobernantza eredu berri bat eskatu dute
Pasaiako portuak "euskal ekonomian zeregin estrategikoa" duela nabarmendu dute, eta portuko eremuak "jarduera berritzaileak eta enplegu berriak sustatzen dituzten enpresen eskura egotea" eskatu dute.
PPk berriro jeltzaleei mezua, Tubos Reunidosen miaketaren ondoren: "Azalpenak eman beharko ditu EAJk"
Guardia Zibilak Tubos Reunidosen egoitzan egindako miaketaren ondoren, Alderdi Popularrak, beste behin, EAJri begiratu dio, ustelkeriaren aurrean zein jarrera duen argitu dezan eskatzeko. Alma Ezcurra PPren Koordinazio Sektorialeko idazkariordeak esan du Euskal Herriko enpresa erreferenteetako bat ustelkeriak zipriztindu ondoren, jeltzaleek euren iritzia eman behar dutela eta herritarrei azalpenak eskaini. "Ustelkeriarekin bat egiten duten edo aurka dauden azaldu behar dute", adierazi du.
David Sanchezek ukatu egin du kontratazioetan eragin izana: "Ez daukat horretarako ahalmenik"
Badajozko Lurralde Auzitegian egiten ari diren epaiketan, David Sanchezek, Pedro Sanchez Espainiako Gobernuko presidentearen anaiak, ukatu egin du kontratazioetan eragin izana; ez Badajozko kontserbatorioko koordinatzaile gisa berak lortu zuen lanpostuan, ezta Luis Carrero lagunari esleitu ziotenean ere. "Ez dut horretarako ahalmenik, ezta informazio administratiborik ere", esan du.
Estebanek eta Anduezak bien arteko desadostasunen kontua arindu eta Jaurlaritzaren batasuna goraipatu dute
Desadostasunak gorabehera, EAEko erakunde nagusietan koalizioa osatzen duten bi alderdietako buruzagiek azpimarratu dute bat eginda lan egiten dutela "herria aurrera ateratzeko".
UCOk Tubos Reunidosen Bilboko egoitza miatu du
Erregistroa hamar orduz luzatu da. Leire auziaren sekretupeko pieza baten barruko jarduketa bat da, eta Santiago Pedraz Auzitegi Nazionaleko epailearen aginduz egin dute.
UCOk PSOE seinalatu du Leire Diezen sarearen ordainketa guztien "jatorri" gisa
Atestatuan, Guardia Zibilaren Unitate Zentral Operatiboko agenteek ustezko ordainketetako batzuk xehatu eta hainbat adibide jarri dituzte.
2027ko aurrekontuak aurkezteko izapideak abiatu ditu Espainiako Gobernuak
Elkarrizketarako "eskuzabaltasuna, erantzukizuna eta konpromisoa" eskatu dizkie Espainiako gobernuburuak Kongresuko taldeei, eta bereziki zuzendu zaie Euskal Herriko eta Kataluniako alderdi independentistei eta nazionalistei.