Pentsioen igoera eta beste hainbat neurri biltzen dituen dekretua bertan behera, PP, Vox eta Juntsen botoekin
Pentsioen igoera beste hainbat gairekin dekretu berean "nahastea" kritikatu dute aurka bozkatu duten alderdiek.
Urteko lehen porrota Espainiako Gobernuarentzat, Diputatuen Kongresuan. Hainbat neurri sozial biltzen dituen omnibus dekretua atzera bota dute, PP, Vox, Junts eta UPN alderdien aurkako botoekin. Besteak beste, pentsioen igoera, kolektibo zaurgarrienen etxegabetzeen etetea luzatzea edota norbere kontura ari diren langileen kuotak izoztea dira dekretuan jasota zeuden neurrietako batzuk.
Bozkatu aurretik, Felix Bolaños Espainiako Gobernuko Presidentzia ministroak taldeei eskatu die dekretua babesteko, osterantzean "milioika herritar kaltetuko" dituztelako. Azkenean, baina, eskuineko alderdiok iragarritakoa bete eta aurka bozkatu dute.
Abendutik indarrean zeuden dekretuan jasotako neurriak, eta, orain, gaurko bozketaren emaitza Estatuko Aldizkari Ofizialean argitaratzearekin batera, baliogabe geratuko dira.
Pentsioei dagokienez, urtarrileko nominan jaso dute pentsiodunek % 2,7ko igoera, baina otsailetik aurrera igoera horri eutsi ahal izateko, Espainiako Gobernuak beste dekretu bat onartu beharko du Kongresuan.
Kritikak
PPk, Juntsek eta Voxek gogor kritikatu dute pentsioen igoera beste hainbat gairekin dekretu berean "nahastu" izana. Bereziki, familia zaurgarrien etxegabetzeak etetearen aurka agertu dira, neurri horrek okupazioa babesten duela argudiatuz.
Pentsioen igoerari dagokionez, PP eta Junts neurria babestearen alde agertu dira, baldin eta gai hori dekretu bakarrean aurkezten bada.
Bere aldetik, EAJK, alde bozkatu badu ere, Gobernuaren jarrera salatu du, dekretu berean gai ezberdinak bildu dituelako eta, bereziki, etxegabetzeak etetea kritikatu du, etxejabeak kaltetzen dituelako.
EH Bilduk eta ERCk, berriz, "ezkutu soziala egiturazkoa" izatea eskatu dute.
Garraio publikorako laguntzen luzapena, onartuta
Omnibus errege lege-dekretua ez bezala, garraio publikorako laguntzen dekretua aurrera atera da, besteak beste, erkidegoetako garraio zerbitzuetarako hobariak luzatzea jasotzen duena. Estatuaren menpeko garraio zerbitzu publikoetarako abonu bakarra sortzea ere aurreikusten du.
PP abstenitu egin da, Voxek aurka bozkatu du eta gainerako talde guztiek alde bozkatu dute.
Kongresua
Zer gertatuko da pentsioekin, Kongresuak igoera baztertu ondoren?
PPk, Voxek eta Juntsek babes sozialerako neurriak jasotzen zituen dekretuaren aurka bozkatu dute. Izan ere, horretan pentsioen igoera eta beste neurri batzuk jasotzen ziren.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.