Non eta noiz kontsultatu O23ko dokumentu desklasifikatuak?
Ministroen Kontseiluak bihar, asteartearekin, hartuko du erabakia, baina biharamunera arte ez da gauzatuko.
Tejero, 1981eko otsailaren 23an, Kongresuan. Artxiboko argazkia: Europa Press
Espainiako Gobernuak argitaratu egingo ditu 1981eko otsailaren 23ko estatu-kolpe saiakerarekin lotutako dokumentuak, Pedro Sanchez gobernuburuak gaur iragarri duenez. Erabakia Ministroen Kontseiluan hartuko dute, eta horren osteko agerraldian emango ditu Elma Saiz bozeramaileak lehen xehetasunak.
Noiz?
Erabakia asteartean hartuta ere, biharamunean, otsailaren 25ean, kaleratuko dute Estatuko Aldizkari Ofizialean. Hortaz, asteazkenetik aurrera kontsultatu ahal izango dira dokumentuak.
Non?
Espainiako Gobernuak aurreratu duenez, informazioa Moncloako webgunean egongo da eskuragarri.
Zer?
Argitzeke dagoen kontuetako bat da. Epaiketaren sumario osoa publiko egitea falta da. Izan ere, hedabide batek kaleratu zituen kolpe saiakeran nahastutakoek egindako deklarazioak eta horiei egin zitzaizkien galdeketak. Kongresuaren barruan grabatutako elkarrizketak ere kontsultatu ahal izango dira, ziur aski. Ikuskizuna dago Juan Carlos I. erregeak zer eginkizun izan zuen gaineko datuak ezagutarazten dituzten.
Horrekin lotuta, gogora ekarri behar da iaz informazio klasifikatuari buruzko lege proiektua onartu zuela Espainiako Gobernuak. Araudi berriak Sekretu Ofizialen Lege frankista ordezkatzea zuen helburu. Izan ere, lege horren arabera, iraganeko gertakari guztiak sekretupean gorde beharrekoak dira. Araudi berria izapidetzen ari dira oraindik, eta behin betiko onartuz gero, 1980ra arte klasifikatutako informazio guztia argitaratzea ekarriko du.
Zure interesekoa izan daiteke
Martxoaren 3ko eliza memoria demokratikorako gune izendatu dute
Memoria Demokratikorako Ministerioak sinatutako adierazpena astelehen honetan argitaratu da Espainiako Aldizkari Ofizialean.
Espainiako Gobernuak astearte honetan desklasifikatuko ditu otsailaren 23ko estatu kolpearen inguruko dokumentuak
45 urte bete dira Antonio Tejerok estatu kolpe saiakera egin zuenetik, eta Sanchez presidenteak herritarrekin duen zor historikoari erantzuna emateko erabakia dela iragarri du, sare sozialetan.
GKSko hiru gaztek pintura gorria jaurti dute Fragaren bustoaren aurka Vilalban (Lugo)
GKSk bere gain hartu du Vilalba Lugoko herrian Fragaren omenezko bustoaren aurka egindako erasoa
Gazte mugimenduaren arabera, Poliziak Gasteizen 1976ko martxoaren 3an egin zituen kargen arduradunetako bat izan zen: bost pertsona hil eta ehunka zauritu zituzten.
'Berangoko 16ak' babesteko manifestazioa deitu dute maiatzaren 30erako
2026ko ekainaren 8a eta 26a bitartean, Berangoko 16 bizilagun epaituko dituzte Auzitegi Nazionalean. 2022an Berangoko preso ohi bati "ongi etorri" esateko ustez antolatu zuten ekitaldiagatik terrorismoa goratzea egozten diete. 36 urteko kartzela-zigorra, 177 urteko inhabilitazioa eta 75.000 eurotik gorako isuna eskatzen dute auzipetuentzat. Berangokoekin Elkartasun Komiteak salatu du “beste makrosumario politiko bat” dela, eta manifestazio nazionala deitu du maiatzaren 30erako.
Bilbok ez du uda honetan ezarriko turismo-tasa; Donostiak, aldiz, indarrean izango du
"Ahalik eta lasterren ezarri nahi dugu. Gustatuko litzaiguke, eta amaiera arte lan egingo dugu zerga turistikoa uda baino lehen edo udan aktibo egon dadin", esan du Donostiako alkateak. Bilbokoak, berriz, adierazi du ez dela posible izango, "Bizkaiko Foru Aldundiak foru arauaren proiektua onartu berri duelako".
EH Bildurekin ez du aukerarik ikusten, baina Podemosekin batera aurkeztu nahi luke Euskadiko Sumarrek hurrengo udal hauteskundeetara
Sumarrek Madrilen egin berri duen ekitalditik Euskal Herrira bueltan, Lander Martinezekin egon da ETB, hurrengo hauteskunde orokorrei begira ezkerra batuta aurkezteko aukeraz aritzeko. Euskadin EH Bildurekin zerrenda berean joatea oso zaila ikusten badu ere, Sumar Mugimenduak eta Podemosek boto-paper berean bat eginda joan beharko luketela uste du. Legebiltzarrerako hauteskundeetan ezker konfederalak jaso zuen porrotetik lezioa ikasi dutela esan du Martinezek.
Ansolak esan du EAJk ez duela fronte batean parte hartuko, eta are gutxiago Euskadin "marra gorriak" jartzen dituen EH Bildurekin
Azken egunetan Gabriel Rufianek ultraeskuinari aurre egiteko fronte bat sortzeari buruz hitz egin ondoren, aukera hori hizpide da euskal politikan ere. EAJk ekitaldia egin du gaur Maruri-Jataben frankismoaren osteko alkateak omentzeko. Bertan, Iñigo Ansola BBBko presidenteak argi utzi du ez dutela inolako frontetan parte hartuko, "Euskadin ez delako behar ultraeskuinari aurre egiteko fronterik". Ansolak, halaber, gogor kritikatu du EH Bildu, "Euskadin ezetz esaten dielako akordio proposamen guztiei, eta Espainian, ordea, alfonbra gorria jartzen diotelako eskatzen dioten guztiari".
Buesa eta Diez gogoratu dituzte gaur Gasteizen senideek, ertzainek eta erakunde eta alderdietako kideek
ETAk duela 26 urte hil zituen politikari sozialista eta Jorge Diez bizkartzaina. Urtero legez, lore eskaintza egin dute bien omenez jarritako monolitoan. Haien senide eta lagunez gain, ordezkaritza instituzional eta politiko zabala izan da ekitaldian.