Enplegu Publikoaren Legea erreformatzeko EAJk egindako proposamenak tramitazioan aurrera egingo du, EH Bilduren abstentzioari esker
"Akordiorik eza ez da aukera bat. Euskarak zein Enplegu Publikoaren Legeak akordio eta adostasun zabalak eskatzen dituzte", esan du EH Bilduk. Bestalde, koalizioaren jatorrizko proposamena ere eztabaidatuko da batzordean.
Euskara administrazioan blindatzeko EAJren eta EH Bilduren bi proposamenek aurrera egin dute Eusko Legebiltzarreko tramitazioan.
Batetik, jeltzaleek eskatu bezala, EH Bildu abstenitu egin da lan-eskaintza publikoetan euskara blindatzeko EAJk mahai gainean jarri duen Enplegu Publikoaren Legea erreformatzeko proposamenaren bozketan. Nolanahi ere, koalizioak EAJren proposamenari aurkeztutako zuzenketei eutsi egingo die.
Gaur egin da bozketa Eusko Legebiltzarreko Ponentzian, eta urrats horrekin, EH Bilduk jeltzaleekin irekitako "negoziazioari bide ematen jarraitu" nahi du, eta ziurtatu egin du gai honetan bere jarrera ez dela aldatu.
Izan ere, EH Bilduren erabakiak ahalbidetuko du EAJren proposamena tramitatzea: orain, batzordean eztabaidatu eta bozkatu beharko da, eta han onartuz gero, ganberako Osoko Bilkurara iritsiko litzateke.
"Euskararen aurkako oldarraldi politiko, mediatiko eta judizial betean, akordiorik eza ez da aukera bat. Euskarak zein Enplegu Publikoaren Legeak akordio eta adostasun zabalak eskatzen dituzte”, esan du EH Bilduk, erabakiaren berri emateko zabaldutako ohar laburrean.
Koalizio subiranistaren arabera, euskararen estatus juridikoan urrats sendoak egiteko eta eskubide berdintasunean aurrera egiteko unea da. "Ziur gaude erasoaldi horri aurre egin dakiokeela, euskara biziberrituko duen hizkuntza politika berria abian jarriz. Horretarako, elkarrizketa eta negoziazioa ezinbesteko tresnak dira", erantsi du.
Bestalde, EH Bilduren lege-proposamenari egindako zuzenketa guztiak bertan behera geratu dira, gainerakoek kontra bozkatu dute eta. Beraz, Legebiltzarreko asteleheneko batzordean bi proposamen bozkatuko dira, EAJrena, bere zuzenketekin, eta EH Bilduren jatorrizko testua, alegaziorik gabe. Hortik aterako da legea, eta gero Legebiltzarreko Osoko Bilkurara igaroko da.
Zer proposatzen du EAJk lan-eskaintza eskaintza publikoetan euskara blindatzeko?
Bi "mugimendu politiko" proposatzen ditu EAJk: batetik, proportzionaltasunaren kontzeptuan sakontzea, profilen ereduari eutsita. Legea moldatuta eta dekretu bat onartuta bermatuko lukete hori. "Derrigortasun indize orokorrik ez da egongo, erakunde bakoitzak berea izango du", eta hori arautzeko "dekretu bat onartuko du Eusko Jaurlaritzak". Besteak beste, tokian tokiko errealitate soziolinguistikoa eta plaza bakoitzerako kontuan hartu beharreko premiak baliatuko dira proportzionaltasun maila ezartzeko.
Jeltzaleek uste dute EH Bilduk mahai gainean jarri duen proposamena baino "egingarriagoa" dela haiena, koalizio subiranistak eredua "goitik behera" aldatzea proposatzen duelako. Hala, PSE-EErekin akordioa ixtea "ezinezkoa" izan denez, eskari zuzen bat egin zioten koalizioari: ahalbidetu zezala "EAJren proposamena tramitatzea, gutxienez, abstenituta", eta behin hori eginda, prozesua abiatzea, "emaitzak ebaluatu" eta "aurrera begirako urratsak" adosteko.
EUSKARA
Lan-eskaintza guztietan hizkuntza eskakizunaren derrigortasuna geroratzeko aukera ezartzea proposatu du EAJk
Sozialistekin akordioa erdiestea ezinezkoa izan ondoren, EH Bilduri eskari zuzena egin dio EAJk: "abstentzioaren bidez" jeltzaleen planteamendua ahalbidetzea, eta hortik aurrera, elkarrekin "emaitzak ebaluatu" eta "hurrengo urratsak" adostea.
EH Bilduren "kontraesana" kritikatu du PSE-EEk
Berehala iritsi da PSE-EEren erantzuna. EAJren proposamenak tramitazioan aurrera egitea albiste txarra dela uste du, "ziurgabetasun juridikoa" ekar dezakeelako.
Halaber, EH Bilduk abstentzioarekin jeltzaleen testuari bide ematea "kontraesankorra" dela uste du, bere garaian "txatal" gisa definitu zutelako EAJren proposamena.
Zure interesekoa izan daiteke
Aitor Estebanek "antzezpen hutsa" dela dio Anduezak PSE-EEren Batzorde Nazionalean eginiko diskurtsoa
EAJko presidente Aitor Estebanen ustez, "antzezpen handiegia" izan da Eneko Anduezarne, PSE-EEko idazkari nagusiaren, diskurtsoan. Izan ere, Radio Euskadiko 'Ganbara' saioan egindako adierazpenetan, Estebanek esan du Anduezak badakiela ez dela Enplegu Publikoaren Legearen aurka jarri behar. Horren harira, Estebanek dio sozialisten idazkari nagusia jada hauteskunde kanpainari begira dagoela. Jatorrizkoa: Gaztelaniaz.
UPNk Jose Javier Mugica gogoratu du, ETAk hil zuela 25 urte bete direnean
25 urte bete dira ETAk Jose Javier Mugica UPNko zinegotzia hil zuenetik, Leitzan. 59 urte zituen. Gaur, alderkideek antolatuta, omenaldia egin diote Leitzan bertan. Lore-eskaintza egin dute, haren omenez jarrita dagoen plakaren aurrean.
Anduezak "lehentasun soziala" aldarrikatu du, PP, Vox eta euskal nazionalismoaren "lehentasun nazionalaren" aurrean
PSE-EEko idazkari nagusiak emaitzak hobetzen jarraitzea jarri du helburu, 2027ko udal eta foru hauteskundeetan; eta gaitzetsi du EAJk eta EH Bilduk lortutako akordioa Enplegu Publikoaren Legea aldatzeko.
David Sanchezi enplegu publikorako bederatzi urteko inhabilitazioa ezarri diote
Badajozko Auzitegiak prebarikazio administratiboko delitu baten egile jo du Espainiako Gobernuko presidentearen anaia.
David Sanchezen errugabetasuna probatuko den itxaropena agertu du Espainiako Gobernuak
Erreakzio soka luzea eragin du Espainiako Gobernuko presidentearen anaiari ezarri dioten zigorrak. Enplegu publikorako bederatzi urteko inhabilitazioa ezarri dio epaileak, prebarikazio administratiboko delitu baten egilea izateagatik.
Mikel Uribe ertzainaren aldeko omenaldia egin dute Beasainen, ETAk hil zuela 25 urte bete direnean
Beasaingo ertzain-etxearen aurrean izan da omenaldi-ekitaldia; minutu bateko isilunearen ondoren, Mikel Uribe gogora ekarri dute hainbat ertzainburuk, tartean bere kide izan zirenak. Mikel Uribe Ertzaintzako komisariordea hil zuen ETAk duela 25 urte gaurko egunez, Leaburun, elkartean lagunartean afaltzera zihoala. Elkarte ondoan autoa aparkatu zuenean, ETAko bi kidek kotxea tirokatu eta bertan hil zuten.
Espainiako Gobernuaren transferentzien inguruko proposamen berriak ostiralean jasotzea espero du Jaurlaritzak
Ubarretxena bozeramaileak azpimarratu duenez, negoziatzen ari diren bi eskumenen (Gizarte Segurantzaren eskumen batzuk eta portuak) inguruko aldebiko batzordea abuztua aurretik egin beharko litzateke.
"Akatsa litzateke fokua polemikan jartzea, euskarak bizitasun handiko unea bizi baitu"
Maria Ubarretxena Eusko Jaurlaritzako Gobernantza, Administrazio Digital eta Autogobernuko sailburuak Auzitegi Gorenak berretsi duen epaia izan du hizpide. Horren arabera, Eusko Jaurlaritzak ezin izango dizkie eskatu funtzionarioen "hizkuntza-baldintza berak" azpikontratutako enpresetako langileei.
EH Bilduk irabaziko lituzke Gipuzkoako foru hauteskundeak, baina EAJk eta PSE-EEk gehiengo osoa lortuko lukete
Gipuzkoako Foru Aldundiak argitaratutako azken Soziometroaren arabera, etxebizitza da herritarren kezka nagusia (% 65,8), baina arazoak pertsonalki eragiten diela aitortzen dutenen ehunekoa % 22,3koa da.
Kongresuak aurrekontuen defizitaren bidea bozkatuko du, baina ez du aurrera ateratzeko aukerarik
PPk, Voxek eta Juntsek dagoeneko iragarri dute aurka bozkatuko dutela, eta bigarren bozketa bat egingo da uztailaren 23an.