Sanchezek gobernuan jarraituko duela adierazi du, Feijook dimititzeko eskatu dion arren
Asteazken honetan egin den Kongresuko kontrol-saioan, Feijook dimisioa emateko eta "zabor-aldia ez luzarazteko" eskatu dio Sanchezi. EH Bilduk, bestalde, legealdiarekin jarraitzearen alde egin du, baina "paralisi" egoeratik irteteko eskatu dio.
Pedro Sanchez, asteazken honetako kontrol-saioan. ARGAZKIA: EFE.
Pedro Sanchez Espainiako Gobernuko presidenteak, asteazken honetan, berriz adierazi du Konstituzioak ezartzen duen epea bete egingo duela eta datorren urtera arte ez dituela hauteskundeak deituko. Adierazpen horrekin, Alberto Nuñez Feijoo PPren buruzagiak egindako dimisio eskaerari erantzun dio Sanchezek.
Gobernuaren kontrolerako saioan, Sanchezek eta Feijook ustelkeria aurpegiratu diote elkarri. Hala, oposizioaren liderrak Leire Diez militante sozialista ohiaren agendetako "P. S." inizialekin identifikatu du PSOEko burua, eta gobernuburuak erantzun dio "sigletan jolastu" nahi badu galdetu dezala aurrena nor den "M. Rajoy".
Feijook "Estatuko delinkuentzia" praktikatzea leporatu dio Sanchezi, "dena estaltzeko", eta esan du presidentea historiara pasatuko dela demokrazia osoko "induktore, finantzatzaile eta ustelkeria kasu larrienaren onuradun" gisa, nahiz eta "bere gestapotxoa" ez den herri-gomutan geratuko "trebetasunagatik eta arrakastengatik": "Noiz arte luzatuko duzu zabor-aldi hau, espainiarrei hitza eman aurretik?", galdetu dio.
Erantzunean, Gobernuko presidenteak adierazi du berak bere "akatsak" onartu egiten dituela, baina ez duela "inoiz " onartuko Punica, Gurtel eta Kitchen auzien ardura izan duen alderdiaren "hipokrisia". Are gehiago, Feijook Marcial Dorado narkotrafikatzailearekin egindako argazkia aipatu du.
EH Bildu, Sanchezi leial
Mertxe Aizpurua EH Bilduren bozeramaileak Gobernuko presidenteari leial eutsi dio, baina ohartarazi dio "bizirauteari eusteak" porrota ekarriko diola. Halaber, eskatu dio "paralisi egoerarekin" amaitzeko eta "agenda soziala eta plurinazionalari" heldu diezaiola berriz.
Aizpuruak aitortu duenez, Gobernuak eta legealdiak "une zaila bizi dute": "Larria iruditzen zaigu zure alderdiaren inguruko ustezko praktikei buruz zabaltzen ari den informazioa. Dena argitu beharko duzu eta edozein ustelkeria motaren aurrean beharrezkoak diren erantzukizunak argitzeko eskatuko dizugu", esan du.
EH Bilduren Espainiarako bozeramaileak ez du legegintzaldia amaitutzat eman, ez baitu nahi ultraeskuina Gobernura iristen lagundu, baina uste du Sanchezek pausoak ematen hasi behar duela.
Gobernuko buruak erantzun dio PSOEk "irmo" jokatu duela ustelkeriaren aurrean, eta ziurtatu du hala jokatuko duela alderdiari eta Gobernuari buruz "zabaltzen ari diren maltzurkerien eta gezurren aurrean".
Gainera, esan du bere "Gobernua deserosoa" dela Espainiako "eliteentzat" eta"munduko gobernu boteretsuentzat" hark ezarri dituen hainbat neurri direla eta, tartean, lan-erreforma, lanbidearteko gutxieneko soldata igotzea eta Gazako genozidioa gaitzestea: "PPn eta Voxen ordezkariei esaten diet gobernura herritarren botoekin iristen dela, eta ez aurkitzen saiatzen ari diren lasterbideen bidez", adierazi du.
Zure interesekoa izan daiteke
Pertur omendu dute Irunen, haren desagertzearen 50. urteurrenean
"Pertur. Egia nahi" lemapean, ETA politiko-militarreko buruzagi izandakoaren senideek gogorarazi dute kasua ez dela preskribatu, eta ikertzen jarraitzeko eskatu dute.
Plus Ultra konpainiaren presidenteak eta kontseilari delegatuak dimisioa eman dute
Aste honetan onartu dute Auzitegi Nazionalean 530.000 euro ordaindu zituztela Zapateroren eta Zapateroren kidearen bitartekaritzaren truke; horren ostean hartu dute dimisioa aurkezteko erabakia.
Euskara gatazkatik urruntzeko eskatu du Pradalesek: "Hizkuntzak denok behar gaitu"
Imanol Pradales lehendakariak adierazi du euskararen aurrerapausoak ez direla "inposaketatik" etorriko, eta datozen hamarkadetan euskara biziberritzeko bide berri bat irekiko duen "Jauzia gara" ekimena aipatu du.
Auzitegi Gorenak amnistia aplikatu die 'proces' auziarekin lotutako delituengatik zigortutako zortzi pertsonari
Europar Batasuneko Justizia Auzitegiak Amnistia Legea EBko zuzenbidearekin bat datorrela eta "adiskidetzea errazten" duela ebatzi eta astebetera hartu du erabakia Espainiako Auzitegiko Gorenak.
Osakidetzak udan lehen arretan murrizketak egiten jarraitzen duela salatu du EH Bilduk
Rebeka Ubera EH Bilduko legebiltzarkideak Barakaldoko Urbango osasun zentroaren atarian egin duen agerraldian azaldu duenez, 2023ko udan EAEko 255 osasun zentro normaltasunez aritu ziren, Osasun Sailaren datuen arabera. Aurten, aldiz, 211 dira: 54 gutxiago.
Maria Chivite: "Inork zerbait egin badu, ordain dezala, baina ez naiz ni izango"
Maria Chivite Nafarroako lehendakaria Guardia Zibilak Santos Cerdani buruz egindako azken txostenaren inguruan aritu da Parlamentuan, UPNk eskatuta, eta hau esan du: "Zenbat eta gehiago ikertu, zenbat eta gehiago aurreratu auzitegietan, are argiago dago ez dagoela ezertxo ere nire aurka". "Gobernu honek txosten horrekin lotuta izan duen esku-hartze bakarra izan da Justiziarekin lankidetzan aritzea, informazioa emateko eta ikerketan laguntzeko. Gainerako guztia nire aurkako sorgin-ehiza estrategia baten parte da, ez Gorenak ez UCOk beren ikerketa eta erabakiekin berresten ez dutena, ez baitago ezer", azpimarratu du.
Absolbitu egin dituzte Berangoko ongietorriagatik auzipetutako hamasei herritarrak
Epaiketa joan den ekainean izan zen, Madrilen, 2022ko martxoan Ibai Aginaga ETAko preso ohiari ongietorri ekitaldi bat egiteagatik terrorismoaren gorazarre delitua egotzita.
Pradalesek eta Sanchezek uda ostera atzeratu dute transferentziei buruzko aldebiko bilera
Ubarretxena sailburua Madrilen izan da Espainiako Gobernuko kideekin eskumenen eskualdaketa negoziatzen, baina ez dute akordiorik lortu.
EH Bilduk azalpenak eskatu dizkio Zupiriari Karmengo jaietako "indarkeria polizialagatik"
Espainiako Selekzioaren jarraitzaileen aurka izandako liskar batean Ertzaintzak esku hartu zuen, eta lau lagun zauritu ziren.
Zapatero: "Ez nuen inorekin hitz egin Plus Ultraren erreskateaz, ez SEPIrekin, ezta Gobernuarekin ere"
Gobernuko presidente ohiak adierazi duenez, bere bulegoan aurkitutako bitxiak, 1,3 milioi eurotan baloratuak, herrialde baten "kortesia pertsonaleko opari" bat izan ziren. Inbestidurako bazkideak eta oposizioa bat datoz azalpenak ez direla nahikoak izan esatean.