Gaur bukatuko da posta bidez bozkatzeko eskaria egiteko epea
Espainiako Estatuan bizi diren boto-emaileek gaur, hilak 16, dute azken eguna hauteskunde orokorretan posta bidez botoa emateko eskaera egiteko. Bozkatzeko behar den dokumentazioa jasotakoan, hilaren 22ra arte izango dute botoa emateko.
Uda sasoian egingo dira hauteskundeak, eta horregatik, akaso, herritar askok posta bidez bozkatzeko hautua egin dute. Jorge Fernandez Diaz Espainiako Gobernuaren jarduneko Barne ministroak emandako azken datuen arabera, dagoeneko, eta epea amaitzeko ordu gutxiren faltan, 1,250 milioi pertsonak egin dute eskaria, abenduaren 20ko bozetan ia halako bi (780.000 herritarrek egin zuten aukera horren aldeko hautua ordukoetan).
Nola egin?
Botoa posta bidez emateko eskaria egiteko, postetxera joan behar da herritarra, han dagokion inprimakia eskatu, eta hura beteta aurkeztu, nortasun agiriarekin identifikatuta (ez du fotokopiarik balio).
Posta zerbitzuak Hautesle Errolda Bulegora bidaliko du eskaera, eta honek errolda zerrendan oharra egingo du. Izan ere, posta bidezko eskaria egiten duen herritarrak ezingo du hauteskunde egunean zuzenean bozkatu.
Segidan, bozketa egiteko behar diren dokumentuak bidaliko dizkiote boto-emaileak esandako helbidera posta ziurtatu bidez (berak jaso beharko du, eta etxean ez balego, postetxera joan beharko du bila). Hauek jasoko ditu: gutun-azal bat eta hauteskundeetara aurkezten diren alderdi guztien boto-paper bana. Bere botoa eta errolda agiria sartu beharko ditu gutun-azalean, eta dokumentazioa berak eraman beharko du postetxera. Hilaren 22ra arte dago posta bidez botoa emateko.
Gutun-azalok Posta Zerbitzuak gordeko ditu hauteskunde egunera arte. Ekainaren 26an, 09:00etan, dagokion hauteskunde-mahaira bidaliko ditu, eta hauteslekuak ixten dituztenean zabalduko dituzte.
Zure interesekoa izan daiteke
Gaupasa eginda ere, bozkatzeko eskubidea erabili dute mutrikuarrek
Mutriku jaietan da. Behin bozkatuta, bi aukera izan dituzte mutrikuarrek: jaiez gozatzen jarraitu edo atzokotik errekuperatu.
Ikusmin handia Katalunian, Kongresuko 48 eserleku dagozkiolako
Inkestek diotenez, sozialistek gora egingo dute, eta ERC, ordea, behera. Kongresuan 48 diputatu izango ditu Kataluniak, ondorioz, garrantzia berebizikoa izango da.
Correoseko langileak buru-belarri ibili dira goiz osoan, posta bidezko milaka bozak banatzen
Bilboko Indautxu Ikastetxean grabatutako irudiak dira, baina EAEko eta Nafarroako hautesleku guztietan izan dira lanean Correoseko furgonetak.
Paseoan, familiarekin edo festetan pasa dute hausnarketa eguna hautagaiek
Alderdiek hauteskunde osteko balizko agertoki estuaren aurrean boto erabilgarria eskatuz itxi zuten atzo kanpaina.
PSCk irabazi lezake Katalunian; independentismoak, berriz, babesa galduko luke
Azken lau urteetan Pedro Sanchezek Esquerraren sostengua izan du baina, inkestek diotenez, sostengu horrek botoak galaraziko dizkie bihar errepublikanoei.
Dena prest IFEMA datuen zentroan ere biharko hauteskundeen jarraipena egiteko
Biharko 14:30ean eta 18:30ean parte-hartze datuak jakinaraziko dituzte, eta 22:30ak aldera Fernando Grande-Marlaska Barne ministroak agerraldia egingo du behin-behineko emaitzak iragartzera.
Erosteko, familiarekin solasean nahiz hondartzatik ibiltzeko eguna EAEko hautagaientzat
Azken 15 egunetan EAEko txoko guztietan buru-belarri ibili ostean, erlaxatzeko eguna izan da gaurkoa EAEko zerrendaburuentzat. Sukaldatzeko, hondartzatik paseatzeko eta Madalenetako festetaz gozatzeko, besteak beste, aprobetxatu dute.
Alderdiek hauteskunde osteko agertoki estuaren aurrean boto erabilgarria eskatuz itxi dute kanpaina
EAJk Bilbon itxi du kanpaina, PSE-EEk Portugaleten, EH Bilduk Donostian eta PPk Gasteizen, eta Sumarreko hautagaiak Madrilen izan dira.
Iturgaizek aldarrikatu du bi aukera baino ez daudela: ''Sanchez eta horren aldekoak edo PP''
PPk Gasteizen itxi du hauteskunde kanpaina, "Sanchismoa" kentzeko deia eginez.
Nafarroako alderdiek boto eske agortuko dute kanpaina, bost eserleku jokoan dituztela
Navarra Suma deseginda, PP atera daitekeela onuradun diote inkestek, baina baita PSN ere. EH Bilduk duen ordezkariari eustea du helburu, eta inkestek Sumarri ematen diotena eskuratzeko ahalegietan dabil.