EiTB Focus: EAEko hiru biztanletik bik A20ko botoa errepikatuko dute
EAEko hiru boto-emailetik bik abenduaren 20an eman zuten boto berdina emango dute ekainaren 26ko hauteskunde orokorretan. Gainera, % 14k ez dute erabaki oraindik zer bozkatu, hirugarren EiTB Focus makroinkestaren arabera.
Hain zuzen ere, galdekatutako pertsonen % 65,2k ez dute aldatuko euren botoa, eta % 13,9k, aldiz, beste alderdi baten alde bozkatuko dute.
Bihar, ostirala, udazkenean egitekoak diren Eusko Legebiltzarrerako hauteskundeei buruzko inkesta bat publikatuko dute EiTBko hedabideek.
Balizko itunak eta agintarien zintzotasuna
Inkestan galdera gehiago egin dituzte, hala nola nor nahiago den presidenterako edo zein hauteskunde itun nahiago diren.
Horren ildotik, presidente batek zer ezaugarri izan beharko lukeen galderaren aurrean, % 67,4k "zintzotasuna" erantzun dute. Ondoren "kudeaketa ahalmena" (% 10) eta "lider ona izatea" (% 7,2) daude.
Bestalde, % 54,8k ez dute lehentasunik zehaztu presidente kargurako nor nahiago duten galdetuta. % 22k Pablo Iglesias aipatu dute, baina % 42,7k uste dute Mariano Rajoy izango dela.
Itunei dagokienez, % 27,8k Unidos Podemos-PSOE nahiago dute. Eta nortzuek aginduko duten galdetuta, % 14,1ek uste dute PPk eta Ciudadanosek egingo dutela, eta % 13,7k Unidos Podemosek eta PSOEk egingo dutela.
Fitxa teknikoa
EiTB Focus Gizaker enpresak EiTBrentzat egindako ikerketa soziologikoa da. 1.200 pertsonari (400 Araban, 400 Bizkaian eta 400 Gipuzkoan) telefonoz galdetuta eginda dago, % 95eko konfiantza mailarekin.
Lagina zoriz hautatua izan da, eta lurralde historikoaren, udalerriaren eta generoaren arabera geruzatuta dago.
Inkesten % 23,1 euskaraz egina daude, eta, beste % 76,9ak, aldiz, gaztelaniaz.
Emaitzak herrien tamainaren arabera haztatuta daude.
Inkestak ekainaren 8an eta 9an egin zituzten. Elkarrizketaren iraupena 8 minutu eta 7 segundokoa izan da batez beste. Luzeena 21 minutukoa izan da, eta, laburrena, 5 minutukoa.
Zure interesekoa izan daiteke
Chivitek uste du PSOEri "azkartasuna eta irmotasuna" falta izan zaiola sexu-jazarpenaren aurrean
Maria Chivite Nafarroako presidenteak gogorarazi du PSOE dela sexu-abusu kasuetarako protokoloa duen alderdi bakarra, baina uste du "hobetu" egin behar dela, "biktimen babesari, biktimen bermeari eta jarduera azkar, eraginkor eta justuari begira".
?fmt=webp-alpha&qlt=80)
Sexu-jazarpenagatik eta lan-jazarpenagatik berriki jarritako hainbat salaketa ikertzen ari da PSOE
Azken orduetan, dimisioak eragin dituzten hainbat kasu ezagutu dira, hala nola Belalcazarreko (Kordoba) alkatearena edo Galiziako sozialisten Berdintasun idazkariarena, azken hori Jose Tome Roca Lugoko Diputazioko presidente ohiak kargua utzi ostean izandako desadostasun batengatik.
Esther Muñozek (PP) EAJri eskatu dio "hausnartu" dezala Sanchezi ematen dion babesaren inguruan
Alderdikideekin afari batean parte hartzeko Donostiara egindako bisitan, Alderdi Popularraren Kongresuko bozeramaileak Espainiako Gobernuari "gertatzen ari denagatik erantzukizunak hartzeko" eskatu dio, eta EAJri "Sanchezen alde noiz arte jarraituko duen" galdetu dio.
Martxoak 3 elkarteko biktimek Memoriala utziko dute "parte hartzea bermatzen ez bada"
Martxoak 3 elkarteak deitoratu du ez duela bermerik jaso sinatutako akordioari eusteko moduari buruz, eta ez dela deitu hitzarmena luzatu behar duen jarraipen-batzorderik. "Adostutakoa betetzen ez bada, Memorialak ez du inolako arrazoirik biktimentzat", ohartarazi du elkarteak.
Sumar osatzen duten alderdiek "Gobernu berria" eskatu diote Sanchezi, baina Moncloak baztertu egiten du
Gobernuko kide txikienak, Yolanda Diazek elkarrizketa batean zabaldutako ildoari jarraituz, irmotasuna eta aldaketak eskatu dizkio PSOEri. Hala ere, exekutiboaren gertuko iturrien arabera, azken kasuek ez dute ministrorik zipriztindu, eta, beraz, aurreikusita zeuden ordezkapenekin jarraituko dute.
GKSk faxismoaren aurkako manifestazioak deitu ditu urtarrilaren 31rako Bilbon eta Iruñean
Bilbon egindako agerraldi publikoan, ohartarazi du "euskal nortasunaren izenean" faxismoa sortu dela Euskal Herrian, eta "sare sozialetan eta kaleetako hormetan agertzen" hasia dela, "mezu arrazista, supremazista eta matxistekin".
Osasun sailburuak "jarrera aldatzeko" eskatu dio Osasun ministroari, medikuen grebaren eta profesionalen faltaren aurrean
Alberto Martinez sailburua kezkatuta agertu da mediku eskasiari aurre egiteko neurririk hartzen ari ez direla iritzita, eta azalpenak eskatu ditu Esparru Estatutuan guardia medikoetarako proposatzen den antolaketa ereduari buruz.
PSOE irabazletzat jo du berriro ere CISek, PPri bederatzi puntuko aldea aterata
Etxebizitza da herritarren kezka nagusia, eta, ondoren, krisi ekonomikoa eta arazo politikoak daude. Pedro Sanchez buruzagi sozialista da presidente gisa gustukoena, nahiz eta ezein liderrek ez duen gainditzen.
UCOk dokumentazioa eskatu du Correosen eta Ogasun zein Trantsizio Ekologikoko ministerioetan
Zehazki, kontratu eta dirulaguntzei buruzko dokumentazioa eskatu diete guardia zibilek, Leire Diezekin lotutako sarearen inguruko ikerketaren baitan. Prebarikazioa, ondasun publikoak bidegabe erabiltzea eta erakunde kriminal bateko kide izatea leporatzen diete. Ikerketa zabalik dago oraindik.
Arabako foru kabineteak eta Elkarrekin Podemos IUk negoziazioak areagotuko dituzte, akordio bat ixten saiatzeko
Arabako Batzar Nagusietako aurrekontu proposamena aurrera jarraitzea ahalbidetu du Elkarrekin Podemos IUk, koalizio horretako hiru prokuradoreen botoei esker. Zuzenketa partzialak astelehenean eta asteartean eztabaidatuko dira, eta behin betiko onarpenerako osoko bilkura hilaren 19an izango da.