'Milioi bat boto' eta 15 diputatu bildu behar dituztela esan du Otegik
Ezker soberanisten aliantzak igandean "milioi bat boto", horietatik "200.000 Euskal Herrian", eta Kongresuan "gutxienez 15 diputatu" lortu behar dituela adierazi du Arnaldo Otegi EH Bilduko koordinatzaile nagusiak, Madrilera "olatu errepublikarra, feminista eta independentista" eramateko. "Erabakigarriak izango gara", ziurtatu du.
Koalizioak kanpaina ixteko ekitaldia Errenterian (Gipuzkoa) egin du. Julen Mendoza bertako alkateak, Bel Pozueta Kongresurako EH Bilduren Nafarroako zerrendaburuak, Mertxe Aizpuruak (Gipuzkoa), Oskar Matutek (Bizkaia), Iñaki Ruiz de Pinedok (Araba) eta Jon Iñarritu senatari eta Kongresurako hautagaiak ere hitza hartu dute. "Herrialde ezberdinetan agintzeko hauteskunde kanpainetara aurkezteko beharrik ez duen jendea dago, baita gurean ere", salatu du Otegik.
Zentzu horretan, hiru lurralde historikoetan "politika fiskala ez da Legebiltzarrean eztabaidatu, ezta onartu ere; Iberdrolak onartu baitu, sozietate-zerga areagotzen baldin zioten egoitza soziala eramateko mehatxua egin zuelako", gogorarazi du buruzagi abertzaleak.
Gainera, EH Bilduko koordinatzailea umoreaz baliatu da hauteskundeetara aurkeztu diren indar politikoak "klasifikatzeko", baina "siglarik erabili gabe".
Otegiren ahotan, "Nikolas Makiaveloren jarraitzaile asko daude, 'sinesten dudana ez dut esaten, esaten dudana ez dut sinesten, eta noizbait egiaren bat ihes egiten bazait, hainbat gezurretan nahasirik egongo da, eta ez zarete aurkitzeko kapaz izango' zioenean". "Hori da kanpaina honetan lagun dugun blokeetako bat", esan du.
Buruzagi abertzalearen hitzetan, "beste bloke bat dago, marxistena, baina Groucho Marxenak, 'batzuek politika arazoak bilatzera joan, topatu, okerreko diagnostiko bat egin eta terapia okerrak planteatzea bezala ulertzen dute' zioenean". "Azkenik, zakarkeria eta joko zelaia lokaztea santu-zeinu bezala izan dituen kanpainan, oraindik Pitagoras irakurri ez dutenak daude, duela denbora asko esan zuenean: 'isilik egon beharko liratekeen gizonak daude, nahiz eta jendeak ergelak direla pentsatu, hitz egin eta baieztatu beharrean'".
"Kanpainako blokeak dira guztiak, are gehiago, esfortzu handiagoa egin duen bat ere badago, eta bloke guztietan dagoena", adierazi du Otegik. "Planetan, Europan eta Espainiako Estatuan inposatzen ari den autoritarismoen olatuaz" ohartarazi du EH Bilduko koordinatzaile nagusiak, "ezkerraren betebehar moral eta etikoa jendeari egia esatea delako". "Egoera kezkagarria eta larria da", nabarmendu du.
Zure interesekoa izan daiteke
Gaupasa eginda ere, bozkatzeko eskubidea erabili dute mutrikuarrek
Mutriku jaietan da. Behin bozkatuta, bi aukera izan dituzte mutrikuarrek: jaiez gozatzen jarraitu edo atzokotik errekuperatu.
Ikusmin handia Katalunian, Kongresuko 48 eserleku dagozkiolako
Inkestek diotenez, sozialistek gora egingo dute, eta ERC, ordea, behera. Kongresuan 48 diputatu izango ditu Kataluniak, ondorioz, garrantzia berebizikoa izango da.
Correoseko langileak buru-belarri ibili dira goiz osoan, posta bidezko milaka bozak banatzen
Bilboko Indautxu Ikastetxean grabatutako irudiak dira, baina EAEko eta Nafarroako hautesleku guztietan izan dira lanean Correoseko furgonetak.
Paseoan, familiarekin edo festetan pasa dute hausnarketa eguna hautagaiek
Alderdiek hauteskunde osteko balizko agertoki estuaren aurrean boto erabilgarria eskatuz itxi zuten atzo kanpaina.
PSCk irabazi lezake Katalunian; independentismoak, berriz, babesa galduko luke
Azken lau urteetan Pedro Sanchezek Esquerraren sostengua izan du baina, inkestek diotenez, sostengu horrek botoak galaraziko dizkie bihar errepublikanoei.
Dena prest IFEMA datuen zentroan ere biharko hauteskundeen jarraipena egiteko
Biharko 14:30ean eta 18:30ean parte-hartze datuak jakinaraziko dituzte, eta 22:30ak aldera Fernando Grande-Marlaska Barne ministroak agerraldia egingo du behin-behineko emaitzak iragartzera.
Erosteko, familiarekin solasean nahiz hondartzatik ibiltzeko eguna EAEko hautagaientzat
Azken 15 egunetan EAEko txoko guztietan buru-belarri ibili ostean, erlaxatzeko eguna izan da gaurkoa EAEko zerrendaburuentzat. Sukaldatzeko, hondartzatik paseatzeko eta Madalenetako festetaz gozatzeko, besteak beste, aprobetxatu dute.
Alderdiek hauteskunde osteko agertoki estuaren aurrean boto erabilgarria eskatuz itxi dute kanpaina
EAJk Bilbon itxi du kanpaina, PSE-EEk Portugaleten, EH Bilduk Donostian eta PPk Gasteizen, eta Sumarreko hautagaiak Madrilen izan dira.
Iturgaizek aldarrikatu du bi aukera baino ez daudela: ''Sanchez eta horren aldekoak edo PP''
PPk Gasteizen itxi du hauteskunde kanpaina, "Sanchismoa" kentzeko deia eginez.
Nafarroako alderdiek boto eske agortuko dute kanpaina, bost eserleku jokoan dituztela
Navarra Suma deseginda, PP atera daitekeela onuradun diote inkestek, baina baita PSN ere. EH Bilduk duen ordezkariari eustea du helburu, eta inkestek Sumarri ematen diotena eskuratzeko ahalegietan dabil.