2,3 milioi euskal herritarrek dute botoa emateko eskubidea hauteskunde orokorretan
Hego Euskal Herriko 2,3 milioi herritarrek, atzerrian bizi diren 100.000 tartean, igande honetako hauteskunde orokorretan parte hartzeko eskubidea dute EAEn eta Nafarroan osatuko diren 3.600 hauteskunde mahaietan.
100.000 bat boto-emaileren boto-paperak dagoeneko Correosen bulegoetan daude, igandean dagokien hauteskunde-mahaian uzteko.
EAEn Kongresurako 35 hautagaitzaren eta Senaturako 34 hautagaitzaren artean erabaki ahal izango dute herritarrek, eta 13,9 milioi boto-paper inprimatu dituzte behe Ganberarako eta 1,5 milioi Goi Ganberarako.
Nafarroan, Kongresurako hautagaitzak Navarra Suma (UPN, Ciudadanos eta PP), Geroa Bai, EH Bildu, Unidas Podemos, PSN, Vox, PACMA, ASyPA, PUM+J, eta Recortes cero-GV dira, eta Senaturako, Aldaketa (Geroa Bai, EH Bildu, Podemos eta Ezkerra), Navarra Suma, PSN, PACMA, Vox, PUM+J eta Recortes cero-GV.
Boto-emaile bakoitzak boto-paper zuri bat izango du diputatua aukeratzeko (8 Bizkaian, 6 Gipuzkoan, 4 Araban eta 5 Nafarroan), eta sepia kolorekoa 16 senatariak hautatzeko (4 barruti bakoitzeko).
20:00etan hauteskunde-eskolak itxi eta botoak zenbatu ostean, mahaietan 1.200 gailu izango dituzte, datuak jaso eta bidaltzeko.
Datuak ondo bidaliko direla egiaztatzeko, hauteskundeen aurretik entseguak egin dituzte euskarri informatikoa emango duen enpresarekin.
Bestalde, Eusko Jaurlaritzaren Segurtasun Sailak jakinarazi du aurreko hauteskunde orokorretan jarri izan duten dispositibo bera ipiniko duela, hau da, 1.000tik gora agente udaltzainekin elkarlanean, edozein liskar saihesten ahalegintzeko.
Nafarroan berriz, 1.640 agente jarriko dituzte lanean: 310 Espainiako polizia, 970 guardia zibil, 200, foruzain eta 150 Iruñeko udaltzain.
Zure interesekoa izan daiteke
Gaupasa eginda ere, bozkatzeko eskubidea erabili dute mutrikuarrek
Mutriku jaietan da. Behin bozkatuta, bi aukera izan dituzte mutrikuarrek: jaiez gozatzen jarraitu edo atzokotik errekuperatu.
Ikusmin handia Katalunian, Kongresuko 48 eserleku dagozkiolako
Inkestek diotenez, sozialistek gora egingo dute, eta ERC, ordea, behera. Kongresuan 48 diputatu izango ditu Kataluniak, ondorioz, garrantzia berebizikoa izango da.
Correoseko langileak buru-belarri ibili dira goiz osoan, posta bidezko milaka bozak banatzen
Bilboko Indautxu Ikastetxean grabatutako irudiak dira, baina EAEko eta Nafarroako hautesleku guztietan izan dira lanean Correoseko furgonetak.
Paseoan, familiarekin edo festetan pasa dute hausnarketa eguna hautagaiek
Alderdiek hauteskunde osteko balizko agertoki estuaren aurrean boto erabilgarria eskatuz itxi zuten atzo kanpaina.
PSCk irabazi lezake Katalunian; independentismoak, berriz, babesa galduko luke
Azken lau urteetan Pedro Sanchezek Esquerraren sostengua izan du baina, inkestek diotenez, sostengu horrek botoak galaraziko dizkie bihar errepublikanoei.
Dena prest IFEMA datuen zentroan ere biharko hauteskundeen jarraipena egiteko
Biharko 14:30ean eta 18:30ean parte-hartze datuak jakinaraziko dituzte, eta 22:30ak aldera Fernando Grande-Marlaska Barne ministroak agerraldia egingo du behin-behineko emaitzak iragartzera.
Erosteko, familiarekin solasean nahiz hondartzatik ibiltzeko eguna EAEko hautagaientzat
Azken 15 egunetan EAEko txoko guztietan buru-belarri ibili ostean, erlaxatzeko eguna izan da gaurkoa EAEko zerrendaburuentzat. Sukaldatzeko, hondartzatik paseatzeko eta Madalenetako festetaz gozatzeko, besteak beste, aprobetxatu dute.
Alderdiek hauteskunde osteko agertoki estuaren aurrean boto erabilgarria eskatuz itxi dute kanpaina
EAJk Bilbon itxi du kanpaina, PSE-EEk Portugaleten, EH Bilduk Donostian eta PPk Gasteizen, eta Sumarreko hautagaiak Madrilen izan dira.
Iturgaizek aldarrikatu du bi aukera baino ez daudela: ''Sanchez eta horren aldekoak edo PP''
PPk Gasteizen itxi du hauteskunde kanpaina, "Sanchismoa" kentzeko deia eginez.
Nafarroako alderdiek boto eske agortuko dute kanpaina, bost eserleku jokoan dituztela
Navarra Suma deseginda, PP atera daitekeela onuradun diote inkestek, baina baita PSN ere. EH Bilduk duen ordezkariari eustea du helburu, eta inkestek Sumarri ematen diotena eskuratzeko ahalegietan dabil.