EAJk irabazi du EAEn, EH Bilduk ordezkaritza bikoiztu du eta PP kanpoan geratu da
EAJk lortu du garaipena Euskal Autonomia Erkidegoan (EAE), igande honetako hauteskunde orokorretan. Jeltzaleek aurreko hauteskunde orokorretan baino eserleku bat gehiago eskuratu dute Diputatuen Kongresuan; horrela, guztira, sei ordezkari bildu ditu EAJk, botoen % 100 zenbatuta. Ondoren, PSE-EEk 4 ordezkari izango ditu Madrilgo Ganberan, aurreko legealdian baino bat gehiago.
Era berean, EH Bilduk lau diputatu erdietsi ditu, azken hauteskundeetan baino bi gehiago. Elkarrekin Podemosek, ordea, atzera egin du; izan ere, bi ordezkari galdu ditu. 6 diputatu zituen koalizio moreak, eta lau baino ez ditu izango.
Azkenik, Euskadiko PPk ez du ordezkaririk izango Diputatuen Kongresuan, orain arte zituen biak galdu baititu.
Parte-hartzea % 74,39koa izan da Euskadin.
Botoen % 100 zenbatuta, datuak lurraldez lurralde ikusita, EAJk garaipen argia lortu du Bizkaian, hiru eserleku eskuratuta (orain arte baino bat gehiago). Ondoren, PSE-EE sailkatu da, bi ordezkari lortuta (bat gehiago), Podemosek beste (bat gutxiago). EH Bilduk, berriz, bakarra lortu du (bat zuen), eta PPk zuen bakarra galdu du.
EAJk Gipuzkoan ere irabazi du, botoen % 100 zenbatuta. Jeltzaleek 2 diputatu erdietsi dituzte, EH Bilduk beste (orain arte baino bat gehiago lortu du). PSE-EEk eta Elkarrekin Podemosek bana lortu dute, baina koalizio moreak bat galdu du.
Azkenik, botoen % 100 zenbatuta, Araban, EAJk aurrenekoz lortu du garaipena, diputatu bakarrarekin. PSE-EEk, Elkarrekin Podemosek eta EH Bilduk ere ordezkari bana lortu dute. Koalizio abertzaleak PPk galdu duen eserlekua bereganatu du. Honenbestez, Javier Maroto PPko Antolakuntza idazkariordeak ez du eserlekurik izango Diputatuen Kongresuan.
Bestalde, Senatuan, EAJk 9 senatari lortu ditu, 2016ko hauteskundeetan baino lau gehiago. PSE-EE Senatura itzuliko da bi ordezkarirekin. EH Bilduk senatari bat eskuratu du.
Elkarrekin Podemosek sei senatariak galdu ditu, baita PPk zuen bakarra ere. Euskadiko gainerako alderdiek ez dute ordezkaritzak lortu Senatuan.
Senatari horiei autonomia erkidegoek aukeratzen dituztenak gehitu behar zaizkie: EAJ (1) eta EH Bildu (1). Gauzak horrela, guztira, EAJk 10 senatari izango lituzke eta EH Bilduk 2.
Zure interesekoa izan daiteke
Gaupasa eginda ere, bozkatzeko eskubidea erabili dute mutrikuarrek
Mutriku jaietan da. Behin bozkatuta, bi aukera izan dituzte mutrikuarrek: jaiez gozatzen jarraitu edo atzokotik errekuperatu.
Ikusmin handia Katalunian, Kongresuko 48 eserleku dagozkiolako
Inkestek diotenez, sozialistek gora egingo dute, eta ERC, ordea, behera. Kongresuan 48 diputatu izango ditu Kataluniak, ondorioz, garrantzia berebizikoa izango da.
Correoseko langileak buru-belarri ibili dira goiz osoan, posta bidezko milaka bozak banatzen
Bilboko Indautxu Ikastetxean grabatutako irudiak dira, baina EAEko eta Nafarroako hautesleku guztietan izan dira lanean Correoseko furgonetak.
Paseoan, familiarekin edo festetan pasa dute hausnarketa eguna hautagaiek
Alderdiek hauteskunde osteko balizko agertoki estuaren aurrean boto erabilgarria eskatuz itxi zuten atzo kanpaina.
PSCk irabazi lezake Katalunian; independentismoak, berriz, babesa galduko luke
Azken lau urteetan Pedro Sanchezek Esquerraren sostengua izan du baina, inkestek diotenez, sostengu horrek botoak galaraziko dizkie bihar errepublikanoei.
Dena prest IFEMA datuen zentroan ere biharko hauteskundeen jarraipena egiteko
Biharko 14:30ean eta 18:30ean parte-hartze datuak jakinaraziko dituzte, eta 22:30ak aldera Fernando Grande-Marlaska Barne ministroak agerraldia egingo du behin-behineko emaitzak iragartzera.
Erosteko, familiarekin solasean nahiz hondartzatik ibiltzeko eguna EAEko hautagaientzat
Azken 15 egunetan EAEko txoko guztietan buru-belarri ibili ostean, erlaxatzeko eguna izan da gaurkoa EAEko zerrendaburuentzat. Sukaldatzeko, hondartzatik paseatzeko eta Madalenetako festetaz gozatzeko, besteak beste, aprobetxatu dute.
Alderdiek hauteskunde osteko agertoki estuaren aurrean boto erabilgarria eskatuz itxi dute kanpaina
EAJk Bilbon itxi du kanpaina, PSE-EEk Portugaleten, EH Bilduk Donostian eta PPk Gasteizen, eta Sumarreko hautagaiak Madrilen izan dira.
Iturgaizek aldarrikatu du bi aukera baino ez daudela: ''Sanchez eta horren aldekoak edo PP''
PPk Gasteizen itxi du hauteskunde kanpaina, "Sanchismoa" kentzeko deia eginez.
Nafarroako alderdiek boto eske agortuko dute kanpaina, bost eserleku jokoan dituztela
Navarra Suma deseginda, PP atera daitekeela onuradun diote inkestek, baina baita PSN ere. EH Bilduk duen ordezkariari eustea du helburu, eta inkestek Sumarri ematen diotena eskuratzeko ahalegietan dabil.