Epaiketak

2024/12/03 - 09:11

Glovoren sortzaileak ikertu gisa deklaratuko du gaur autonomo faltsuen eredua dela eta

Langileen eskubideen kontrako delituak egotzita, Fiskaltzak salaketa aurkeztu zuen janari banaketa enpresaren kontra. Eredua aldatu eta langileak kontratatuko dituela iragarri eta biharamunean deklaratuko du Oscar Pierre zuzendari exekutiboak.

2024/12/03 - 08:39

Albiste izango dira: Euskararen Nazioarteko Eguna, Glovoko buruaren deklarazioa eta umeak haztearen kostua

Gaurkoan albiste izango direnen laburpena, bi hitzetan.

2024/11/28 - 21:54

Tolosan Ertzaintzaren pilotakadaz begi bateko ikusmena galdu duen gaztearen auzia artxibatu du epaileak

Epaileak ebatzi du Ertzaintza "legaren arabera eta era proportzionalean" aritu zela. Epaileak ez du beharrezko ikusten Xuhar Pazosen deklarazioa. Xuhar Herri Plataformak helegitea iragarri du.

2024/11/25 - 12:44

Fiskaltzak 20 urteko kartzela eskatu du Dominique Pelicotentzat

Avignongo auzitegian epaitzen ari diren gertaeren larritasuna nabarmendu du Ministerio Publikoak, urteetan berak eta beste gizon batzuek bortxa zezaten konortea galtzeraino Gisele Pelicot emaztea drogatu izana leporatzen baitiote.

2024/11/25 - 11:42

Aintzane Pujanaren hiltzaileetako bati espetxe iraunkor berrikusgarria ezarri diote

Lehen aldia da zigor hori Gipuzkoan ezartzen dutena. Bestalde, gizonaren bikotekide den eta Pujana hil zuela aitortu zuen emakumeari psikiatriko batean gehienez 20 urte egotea eta 10 urteko espetxealdia ezarri dizkiote.

2024/11/24 - 19:01

Samuel Luiz hiltzeagatik auzipetutako lau gizonak errudun eta emakumea errugabe jo dituzte

Epaiaren berri izan eta gutxira, defentsek iragarri dute helegiteak jarriko dituztela.

2024/11/21 - 21:03

Iberdrolak mezu "engainagarriak" leporatu dizkio Repsoli

Santanderreko epaitegi batean ahozko saioa egin ondoren, auzia epaiaren zain geratzen da, urte amaierarako edo 2025eko hasierarako espero dena. Bi multinazional energetikoen arteko aurrez aurrekoak ikusmin handia sortu du epaitegietan, eta saioa zortzi bat orduz luzatu da.

2024/11/21 - 14:48

Santos Cerdanek ukatu egin du Aldamaren dirurik jaso izana, baita elkar ezagutzen dutela ere

Santos Cerdan PSOEren Antolakuntza idazkariak ukatu egin du Victor de Aldama 'Koldo' auziaren ustezko lortzailearen dirurik jaso izana, eta esan du ez duela ezagutzen eta ez dela inoiz berarekin egon. "Gezur biribila", adierazi du.

2024/11/21 - 13:29

Aldamak dio Santos Cerdanek 15.000 euro jaso zituela, 250.000 eman zizkiola Abalosi eta 100.000 Koldori

PSOEk iragarri du "berehalako" lege ekintzak abiatuko dituela Aldamaren aurka. Epailearen aurrean egindako borondatezko deklarazioan, adierazi du Sanchezek argazkia ateratzea eskatu ziola, Mexikon egindako gestioak eskertzeko.

2024/11/21 - 10:19

Iberdrola eta Repsol, aurrez aurre auzitegian, 'greenwashing' leporatuta Espainian egingo den lehen epaiketan

Auzi saioa gaur abiatuko da, Santanderreko epaitegi batean. Argindar enpresak petrolio konpainia salatu zuen lehia desleiala egitea eta berez jasangarriak ez diren produktuak berdeak balira bezala saltzea egotzita.

2024/11/19 - 22:36

Zuhurtziagabekeriazko giza hilketagatik errudun jo dute Santi Coca hiltzeagatik akusatutako gizona

Epaileak behin-behineko askatasuna ezarri du auzi honengatik, Fiskaltzak eta herri-akusazioak eskatu duten lau urteko zigorraren zati handiena bete baitu. Hala ere, beste auzi batzuk baldin baditu, kartzelaldia luzatu daiteke.

2024/11/19 - 14:00

Gisele Pelicotek aurre egin die bere erasotzaileei azken deklarazioan: "Koldarkeriaren epaiketa da"

Dominique Pelicoten emazte ohiak nabarmendu duenez, "bada garaia bortxaketei garrantzia kentzen dien gizarte patriarkal honek begiak zabaldu eta begirada alda dezan". Kalkulatu du ia 10 urteko epean gizonak 200 bat sexu eraso egin zizkiola.

2024/11/18 - 16:39

Isunak onartu dituzte Kongresua inguratzera deitu zuen lehenengo protestagatik auzipetutako 21 lagunetik seik

Atzerapenak oso nabarmenak izan direnez, kartzela-zigor eskaerak isunetara murriztu dira. Gainerakoek ukatu egin dituzte akusazioak, eta absoluzio librea eskatzen dute.

2024/11/18 - 12:05

Botatzeko zen kroketa bat jateagatik kaleratu zuten, eta orain Justiziak arrazoia eman dio langileari

Mercadonaren arabera, langileak arau-hauste oso larria egin zuen eta horregatik erabaki zuen enpresak kanporatzea. Gaztela-Mantxako Justizia Auzitegi Nagusiak ebatzi du, ordea, kroketak ez zuela baliorik merkatuan, eta, hortaz, kaleratzea bidegabea izan zela.

2024/11/18 - 10:20

2019an Voxen ekitaldi bati ustez boikota egiteagatik 9 lagun epaituko dituzte gaurdanik Bizkaiko Auzitegian

Hauteskunde-legea urratzea leporatzen diete inputatuei. Horiek babesteko elkartasun gosaria egin dute astelehen goiz honetan Bilbon, epaitegien ondoan. Luis Artola akusatuen babes taldeko kideak salatu duenez, "faxismoa oldartuta dago".

2024/11/14 - 13:41

Lankideei ur botila batera lixiba bota zien emakume baten kaleratzea berretsi du EAEko Auzitegi Nagusiak

Epaileak uste du emakumeak lankideen osasuna arriskuan jarri zuela, eta horrenbestez, kaleratzea "neurri proportzionala" dela. Azken horren arabera, lankideak "eskarmentua emateko" bota zuen lixiba ur botilara, bere botilatik edaten omen zuten eta sarritan, baimenik gabe.

2024/11/14 - 11:46

Fiskalak 20tik 15era jaitsi du zigor eskaria Santi Coca hiltzea egozten dioten akusatuarentzat

Orain, Ministerio Publikoak homizidio delitua ikusten du Cocaren heriotzaren atzean, eta ez hilketa. Gaurko saioan, aldeek azken ondorioak aurkeztu dituzte.

2024/11/13 - 14:06

Santi Coca hiltzea egotzi dioten akusatuak esan du ez zuela jo

Epaiketak ostegun honetan jarraituko du, bi aldeen behin betiko ondorioekin eta azken txostenen aurkezpenarekin.

2024/11/11 - 14:09

Epaileak bertan behera utzi du Errejonen aurkako auzia, salatzailearen abokatuaren baja dela eta

Horrenbestez, bertan behera geratu dira prozeduraren epeak eta ekintza prozesalak; bihar, asteartea, Errejonek (ikertua) eta Elisa Mouliaa aktoreak (salatzailea) deklaratzea aurreikusita zegoen.

2024/11/08 - 18:29

Cocaren aurkako erasoak 23 segundo iraun zuen, inguratu egin zuten eta kolpatu, baita lurrean zela ere

Santi Cocaren heriotzagatik Donostian egiten ari diren epaiketaren bosgarren saioan hainbat ertzainek deklaratu dute. Coca 2019ko apirilaren 28an hil zen ospitalean, Donostiako diskoteka baten kanpoaldean jipoia jaso eta bi egunera.