Suhiltzaileak
2025/03/17 - 17:22
Emakume bat hil da eta gizon bat larri zauritu da Bilboko Labayru kalean izandako sutean
Su hartu duen etxebizitzako bizilagunak dira biak. Hamar pertsona gehiago artatu behar izan dituzte, kea arnastu baitute, eta zazpi, ospitaleetara eraman dituzte. 08:02an jaso dute abisua-larrialdi zerbitzuek, eta badirudi sua bigarren solairura iritsi dela.
2025/03/17 - 16:25
73 urteko emakume bat hil da Bilboko Labayru kaleko etxebizitza batean izandako sutean
Beste hamaika pertsona zauritu dira 08:00etan Labayru kaleko egurrezko eraikin bateko lehen solairuan piztu den sutean. Sei solairuko eraikinaren egiturak ez du kalterik izan, eta bizilagunak beren etxeetara itzuli ahal izango dira.
2025/03/17 - 13:04
''Herritar batek furgonetatik eskailera bat atera eta sutan zegoen etxetik gizona ateratzen lagundu du''
Labayru kaleko sutearen lekuko izandako bizilagunek azaldu dutenez, erreskatatutako gizonaren emazteak mugikortasuna murriztuta zeukan eta, horren ondorioz, ezin izan da bere kabuz hortik atera. 73 urteko emakume hori, azkenean, hil egin da.
2025/03/17 - 11:42
Eraikinaren egiturak ez du kalte larririk izan, Aburtoren esanetan
Lehenengo solairuan bizi zen 73 urteko emakume bat hil da, sutearen ondorioz. Bilboko alkateak azaldu duenez, lehenengo eta bigarren solairuko bizilagunak izan ezik, gainerakoak etxera bueltatuko dira gaur bertan.
2025/03/10 - 20:04
Hankak garbigailu batean harrapatuta zituen zortzi urteko neska bat erreskatatu dute Velez-Malagan
Gurasoek adingabeak hankak garbigailuan harrapatuta zituela jakinarazi ondoren joan dira suhiltzaileak etxebizitzara. Haurra askatzeko, suhiltzaileek garbigailua erabat desamuntatu beha izan dute.
2025/03/09 - 21:42
Soraluzeko Galvanizados Arrate enpresan izan den suteak hilabeteetarako gelditu dezake lantegia
Lau makinetako bi suntsitu ditu suak, eta ikusi beharko da beste bi makinetan eta eraikinean bertan kalteak zenbaterainokoak diren. Enpresak 23 langile ditu. Arduradunen arabera, hilabeteak beharko dituzte jardunari berriz heldu ahal izateko.
2025/03/09 - 19:45
Sutea piztu da Soraluzeko galbanizatuen enpresa batean
17:30 aldera hasi da sutea, Sagarraga industrialdeko enpresa batean. Kea kanpotik zen ikusgai, eta suhiltzaileak bertaratu dira sua itzaltzera.
2025/03/09 - 08:54
Gizon bat hil zen atzo Hondarribian, sute bat itzaltzen laguntzen ari zela
Suhiltzaileekin, udaltzainekin eta ertzainekin batera baso sute bat itzaltzeko lanean ari zela hil zen. Sutea 17:30 aldera piztu zen, Artzu auzoan, eta 19:00etarako hartu zuten kontrolpean.
2025/03/08 - 21:01
Ez, ez dago zonbirik Derioko hilerrian
Hilobi batetik ateratzeko laguntza eskatu duen pertsona baten erreskatearen berri emateko Bizkaiko Suhiltzaileek X sare sozialean zabaldutako post batek harrabotsa eragin du erabiltzaileen artean, eta suhiltzaileek umorez erantzun dute gertatutakoa argitzeko.
2025/03/02 - 19:12
Hainbat lagun artatu behar izan dituzte Arrankudiagako baserri batean izandako sutean
Pertsona bat Gurutzetako ospitalera eraman behar izan dute. 15:00ak aldera piztu da sua, eta hiru ordu inguru behar izan dituzte suhiltzaileek itzaltzeko. BI-625 errepidea itxita egon da suhiltzaileak lanean aritu diren bitartean.
2025/03/01 - 23:25
Emakume bat artatu behar izan dute Iruñeko etxebizitza batean izandako sutean kea arnasteagatik
19:09 aldera izan da ezbeharra, Alfontso Borrokalariaren kaleko etxebizitza batean. Etxebizitzako balkoian piztu da sua, antza denez, eta bertako bizilagunek itzali dute.
2025/02/26 - 18:31
Sute batek zazpi zauritu utzi ditu Bilbon; horietako bi, larri
Sua 14:30ean piztu da Abusu auzoko Zamakola kaleko 22. zenbakiko etxebizitza batean. Sutea zazpi solairuko eraikin bateko lehen solairuan piztu da.
2025/02/25 - 17:26
Muskizen labar batetik eroritako txakur baten erreskate zirraragarria
Milo Kobarongo labar handi batetik behera erori da, eta oso izututa zegoen. Suhiltzaile bat txakurra zegoen tokira jaitsi eta motxila batean sartu du. Animaliaren jabeek lasaitua hartu dute Milo haien besoetara bueltatu denean (irudiak: @BomberosBizkaia).
2025/02/22 - 10:06
Dozenaka hektarea erre dira Xoldoko gainean izandako baso sutean
Tontorretik lakura arteko lurretan piztu dira garrak ostiral arratsaldean, bizpahiru fokutan, eta suhiltzaileek 01:30ean lortu dute sutea itzaltzea.
2025/02/21 - 14:53
Suak 35 hektarea kiskali ditu Hernio eta Izazpi mendietan
Hego-haizeak zaildu egin ditu itzaltzeko lanak, baina suhiltzaileek garrak itzali dituzte azkenean. Biak ala biak ikerketapean daude, ez baita baztertzen nahita piztutakoak izatea.
2025/02/20 - 22:44
Baso-sute bat piztu da Hernio mendiaren magalean, Errezilen
Suhiltzaileak lanean ari dira, baina sutea, oraingoz, ez dago kontrolpean. Koldo Arzalluz Errezilgo alkateak Radio Euskadin azaldu duenez, suteak bi foku ditu, baina etxebizitzarik ez da gertu.
2025/02/19 - 13:41
Bosgarren solairuko leiho batean harrapatuta zegoen ahuntz bat erreskatatu dute Madrilen
Madrilgo suhiltzaileek eraikin baten bosgarren solairuko leihoaren ertzean harrapatuta zegoen ahuntz bat erreskatatu dute, Villaverden. Ahuntza arriskutik kanpo egon denean, Madrilgo Udalaren animalien babeserako zentrora eraman dute.
2025/02/18 - 17:03
Espetxera bidali dute Basaurin gizon bat hil zen sutea eragiteagatik atxilotutako gizona
Basauriko Udalak jakinarazi du atxilotutako gazteak aurretik antzeko gertakariekin lotura izan duenean, Udalak beti bere eskura izan duen informazioa dagokion epaitegiaren esku utzi izan duela.
2025/02/11 - 10:10
Basauriko etxe batean piztutako suteagatik erietxeratutako pertsona atxilotu dute agenteei eraso egiteagatik
Sua 01:45ean hasi da Lehendakari Agirre etorbideko etxebizitza batean. Bertako bizilagun bakarra ospitalera eraman dute kea arnastu duela eta. Gerora, baina, Ertzaintzak atxilotu egin du laguntzera joan zaizkion agenteei eraso egitea egotzita.
2025/02/08 - 12:33
Sute batek furgoneta bat kiskali du Getxon, eta beste lau ibilgailu kaltetu dira
Sutea bere kasa piztu da, ostiraleko 22:30 aldera, Aldapa kalean. Ez da inor zauritu.