Corbieres mendiguneko sute handia kontrolpean dute, baina ez dute itzali
Asteartean piztu zen, eta pertsona bat hil du: sugarrek setiatuta bere etxea uzteari uko egin zion emakume bat. Sutea 1949. urtetik Frantzian izan den larriena da.
Frantzia hegoaldean piztutako sute handia, Corbieres mendigunean dagoeneko 16.000 hektarea kiskali dituena, egonkortzea eta kontrolatzea lortu dute, baina oraindik ez dute itzali, bi egunez sugarren aurka gogor borrokatu ostean, agintariek gaur jakitera eman dutenez.
Asteartean piztu zen sutea, eta 1949. urtetik Frantzian izan den larriena da. Suak pertsona bat hil du: sugarrek setiatuta bere etxea uzteari uko egin zion emakume bat.
Aude departamenduko prefetak ohar batean adierazi duenez, suhiltzaileek bertan jarraituko dute datozen egunetan, sutea berpiztea saihesteko.
Horren hitzetan, ebakuatutako herritar gehienak oraingoz ezingo dira etxera itzuli, tokiko agintariek horretarako aukera ematen duten kasuetan izan ezik.
Halaber, bertan itxi dituzten errepide askok itxita jarraituko dute, askotan kable elektrikoak moztu eta erori direlako.
2.000 suhiltzaile, 600 ibilgailu eta aireko 20 baliabide baino gehiago aritu dira sua itzaltzeko lanetan, Armadaren helikopteroak tartean.
Pertsona bat hil da Saint Laurent de la Cabrerissen, asteartetik asteazkenerako gauean etxetik alde egin nahi izan ez zuen 70 bat urteko emakume bat, eta bi zauritu larri ospitaleratu dituzte.
Remi Recio eskualdeko prefetaren ondokoak zehaztu duenez, 11 suhiltzaile zauritu dira, eta dagoeneko ez dago inor desagertuta.
Sutearen jatorria argitu eta balizko arduraduna aurkitzeko ikerketari dagokionez, bigarren mailako errepide baten ondoan hasi zela baieztatu du Reciok, eta auzia Fiskaltzaren esku dagoela erantsi du.
Asteartetik Corbieres mendigunean erre diren 16.000 hektareak Frantzia osoan 2019an, 2020an, 2021ean eta 2024an kiskali zenaren parekoa da, eta 2023an erre zenaren bikoitza.
Orain arte bertan izan den suterik handienean, Bordele hegoaldean 1949an izandakoan, 50.000 hektarea pinu erre eta 82 pertsona hil ziren.
Zure interesekoa izan daiteke
Bertan behera geratu da Flotillako euskal aktibistei Loiun egin nahi zioten ongietorria, bi kide erietxean baitaude
Flotillaren ontzietan bidaiatu duten sei euskal herritarrak gaur ziren Euskal Herrira iristekoak. Horietako bi, ordea, Turkian daude ospitaleratuta, atxiloaldian jasandako indarkeriak eragindako lesioengatik, eta ez dira itzuli.
Azken 24 orduetan 31 ontzik Ormuz zeharkatu dutela adierazi du Iranek, Guardia Iraultzailearen "koordinazioarekin"
Ameriketako Estatu Batuek ziurtatu dute 94 ontzi birbideratu dituztela Irango portuetara ezarritako blokeoa betetzeko.
Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.
Suak erabat suntsitu du Japoniako Reikado tenplu budista historikoa
Kukai monje budistari eskainitako tenplua 806. urtean eraiki zen Misen mendian, Miyajima uhartean, eta ordutik piztuta egon da bertan "betiereko sugarra" deitua, 1.200 urtez etengabe piztuta egon den sugar sakratua. Su horrekin piztu zen Hiroshimako Bakearen Parkeko sugarra 1964an, munduko bonba nuklear guztiak desagertu arte piztuta egongo dena. Ez da inor zauritu, baina ondare-galera ordezkaezina da.
AEBren eta Kubaren arteko tentsioa areagotu egin da Raul Castroren auzipetzearekin: Washingtonek hegazkin-ontzi bat jarri du Karibean
Auzipetzearekin batera esku-hartze militar baten mamua berpiztu da uhartean; izan ere, Nicolas Maduro ere auzipetu egin zuten Venezuelako operazio militarra abiatu aurretik.
Israelek Flotillako ekintzaile solidarioak umiliatu egin ditu
Itamar Ben Gvir Israelgo Segurtasun Nazionaleko ministro ultraeskuindarrak argitaratutako bideo batek protesten erauntsia eragin du, ministroak atxilotuei emandako tratua dela eta.
AEBk Raul Castro Kubako presidente ohia inputatu du, 1996an bi hegazkin eraisteagatik
Duela berrogei urte, Kubako ehiza-hegazkinek Floridako itsasartean Anaia erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.