Bolsonaro zigortu dute Lularen aurkako estatu-kolpe saiakeragatik
Erakunde kriminal armatu bateko kide izateagatik eta Lula da Silvaren aurka hauteskundeak galdu ostean estatu-kolpe bat bideratzeagatik zigortu dute Brasilgo presidente ohia.
Brasilgo Auzitegi Goreneko Lehen Salak 27 urte eta hiru hilabeteko kartzela zigorra ezarri dio Jair Bolsonaro presidente ohiari, "boterean betikotzeko" asmoarekin konplot kolpista bat zuzentzeagatik, 2022an Luiz Inacio Lula da Silvaren aurka hauteskundeak galdu ostean.
Lehen aldiz zigortu dute Brasilgo presidente ohi bat estatu-kolpe saiakera bat egotzita.
Aretoko bost epaileetatik lauk jo dituzte errudun buruzagi ultraeskuindarra eta bere zazpi aliatu, besteak beste, Gobernuko ministro ohiak (2019-2022) eta agintari militar ohiak, ordena demokratikoaren aurkako bost delitu egotzita.
"Erakunde kriminalaren helburu nagusia Jair Messias Bolsonaro boterean mantentzea zen", adierazi du Cristiano Zanin epaimahaiaren presidenteak. 70 urteko politikariak jaso du zigorrik handiena.
Epaile bakar batek bozkatu du Bolsonaroren absoluzioaren alde, AEBko presidente Donald Trumpen presioa tarteko. Izan ere, prozesua artxibatzeko eskatu zuen hark, Brasilgo Auzitegi Goreneko epaileei zigor mehatxuak eginda eta herrialde horri % 50eko muga-zergak ezartzeko asmoa iragarrita.
Hori horrela, bart Trump epaiaren berri izan ondoren "harrituta" agertu da, eta Marco Rubio AEBko Estatu idazkariak ohartarazi du AEBk erantzun egingo diola buruzagi ultraeskuindarraren aurkako epaiari.
Ebazpena, baina, ez da irmoa, helegitea jartzeko aukera baitu oraindik Bolsonaroren defentsak. Epaimahaia osatu duten epaile gehienek bere egin zituzten Fiskaltzaren tesiak, eta Bolsonaro Estatuaren egiturez baliatzearen erantzule egin zuen, botere konstituzionalak desegin, Lularen gobernua indarrez kendu eta "benetako diktadura" ezartzea helburu zuen plan bat abiatzeko.
Bolsonaroren defentsak helegitea aurkeztuko duela iragarri du
Jair Bolsonaro Brasilgo presidente ohiaren defentsa legalak adierazi du zigorra "gehiegizkoa" dela eta helegitea aurkeztuko dutela, "baita nazioartean ere".
"Defentsaren esanetan, ezarritako zigorrak zentzugabeak eta neurrigabeak dira, eta, erabakiaren nondik norakoak aztertu ondoren, errekurtsoak jarriko ditu, nazioarteko helegiteak barne", iragarri dute Celso Vilardi eta Paulo Amador da Cunha Bueno presidente ohi ultraeskuindarraren abokatuek Terra atarian.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.