Sindikatu abertzaleek greba orokorra deitu dute martxoaren 29rako
ELA, LAB, ESK, EILAS, EHNE eta Hiru sindikatu abertzaleek greba orokorra deitu dute martxoaren 29rako, EAEn eta Nafarroan, Espainiako Gobernuak onartutako lan erreformaren aurka. Deialdia ostiral honetan aurkeztuko dute.
Erreformaren kontra protesta egitea ez ezik, "Euskal Herriaren eskubide sozialak eta laboralak" defendatzea ere izango dute helburu.
Lanuzteen aurkezpen ekitaldia ostiral honetan egingo dute, 11:00etan, Eusko Jaurlaritzaren egoitzan, Bilbon, eta Nafarroako Gobernuaren Lan Kontseilaritzan, Iruñean. Ondoren, adierazpenak egingo dituzte.
Batasun sindikalik gabe
Bezperan, CCOO eta UGT-Euskadi sindikatuek lan erreformari erantzun bateratua emateko dei egin zuten. Oraingoz, baina, badirudi ez dela posible izango batasun sindikala.
Nolanahi ere, deialdiak ELA eta LAB estrategia bateratuetara itzultzea ekarri du. Izan ere, Bildu erakundeetan sartu eta gero, bi sindikatu nagusien arteko harremanak kolokan izan dira.
Bien bitartean, Espainian ez dago argi sindikatu nagusiek ere greba orokorra egiteko asmoa duten. Aste honetan bertan, Candido Mendez UGTko idazkari nagusiak esan du sindikatuek ez dutela "interesik" greba egiteko, helburua "egoera zuzentzea" baita.
Hamabigarren greba orokorra
Demokrazia garaian EAEn egingo den hamabigarren greba orokorra izango da martxoaren 29rako deitu duten hau, eta ez da azken urteotan lan-erreforma baten aurka deitu duten lehena.
Izan ere, 2010eko ekainaren 29an ELA, LAB, ESK, STEE, Ehne eta Hiru sindikatuek orduko lan-erreformaren aurkako greba orokorra deitu zuten. CC.OO. sindikatuak ere deialdia egin zuen egun horretarako. Hiru hilabete geroago, irailaren 29an, CC.OO., UGT, CGT, ESK sindikatuek eta Sindikatuen Arteko Konfederazioak egin zuten deialdia, lan-erreformaren aurka orduko hura ere.
Enpresaburuak, aurka
EAEko Enpresaburuen Bilguneak ''bertako ekonomiarentzat erabat kaltegarritzat" jo du sindikatu abertzaleek martxoaren 29rako lan-erreformaren aurka deitutako greba orokorra. ''Erabat kaltegarria izateaz gain, hobetzeko beharrezkoa den elkarrizketari irrazionalki ezetz esatea dakar", gaineratu dute; izan ere, ''EAEko ekonomiak "inoizko atzeraldirik txarrenari" aurre egin behar dio herritar guztien "ahalegin eta nekearekin".
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.