EH Bilduk inpugnazioak aurkeztuko ditu Kutxako asanbladaren aurka
Kutxako Asanbladan EH Bilduk duen gehiengoa EAJk Legebiltzarrean lortu duena baino “askoz zabalagoa” dela gogorarazi du gaur koalizioa abertzaleak. Kutxako asanblada orokorrak eta Administrazio Batzordeak erakunde horretako karguak hautatu zituen atzo. EH Bilduk azpimarratu duenez, koalizioak jeltzaleek Legebiltzarrean lortutako gehiengoa “hasiera-hasieratik” onartu egin du.
Donostian egindako agerraldian, Ainhoa Beola eta Unai Ziarreta EH Bilduko ordezkariek eta Joseba Permach eta Begoña Vesga ezker abertzaleko kideek ohar bat irakurri dute, atzo Kutxako asanbladan eta Administrazio Kontseiluan gertatutakoa “oso larria” izen zela salatzeko.
Epaitegira “berehala” joko dutela iragarri du, inpugnazio bat aurkezteko. EH Bilduren ustez, Xabier Iturberen hautaketan eta Kontseiluko gainerako karguen hautaketan irakurketa “interesatua” egin zuten. “Estatutuak subjektiboki interpretatu zituzten”.
Beolak azaldu duenez, Kontseiluan gertatu zenaren inguruan txosten juridiko bat eskatu dute dagoeneko.
“Demokrazia falta”
Permachek eta Beiolak EAJri, PSEri, PPri eta CCOOri “demokrazia faltarekin” jokatzea leporatu diete. “Gipuzkoako gehiengo sozial eta politikoa EH Bildurekin bat egin duela ez dute onartu nahi”.
Bestalde, Kutxan gertatutakoak “arlo politikotik” urrunago joango direla adierazi du koalizio abertzaleak, CCOOren jarrera salatuz. “EH Bilduren aurkako frontearekin bat egin du sindikatuak, baina horrek tentsio asko eragin dizkio bere azpiegituran”.
Kontseiluak ukatu egin du EH Biduren alde bozkatzeko asmoa euki izana
Kutxako Batzar Orokorrean EH Biduren alde bozkatzeko asmoa euki izana ukatu egin du Kontseiluak, eta bere hautagaitza bertan behera utzi izanaren kontra helegiterik aurkeztuko ez duela iragarri du. Joan den asteburuan baliogabetu zuten Kontseiluaren zerrenda, hautagaitzako ordezko baten adina dela-eta (70 urte baino gehiago ditu). Horrek administrazio kontseiluko kide izatea galarazi dio.
Halaber, Kontseiluak argitu duenez, ez zion beste hautagaitza batean ordezko izateko aukerari ezetz esan, aurretik ez zuelako beste hautagaitza batekin joatea onartu.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.