Gabonetako aparteko ordainsaria: Eta orain, zer?
Eusko Jaurlaritzaren 70.000 funtzionarioek jaso egingo dute Gabonetako aparteko ordainsaria, Mariano Rajoyren Gobernuak lege-dekretu bidez emandako agindua saihestuta.
Baina, legezkoa ote da Espainiako Gobernuaren dekretuaren gainean interpretazio ezberdinak egitea? Legezkoak al dira aparteko soldata ordaintzen jarraitzeko maniobrak? Juanjo Alvarez Zuzenbide katedradunak galdera horiek eta beste hainbat erantzun ditu Radio Euskadin.
"Espainiako Gobernuaren dekretua oso irmoa da, [aparteko ordainsaria kentzea] oinarrizko legea dela zazpi aldiz aipatzen du, eta, beraz, Estatuko Administrazio Publiko guztien funtzionarioei eta langileei ezarri behar zaie. Erabakia neurrigabea da eskuduntzen ikuspegitik, baina Gobernuak oinarrizko legea zer den ezartzeko aldebakarreko gaitasuna dauka", Alvarezek azaldu duenez.
Horren ildotik, Exekutiboaren agindua bete ezean, bi ondorio egon daitezkeela zehaztu du: Espainiako Gobernuak helegitea aurkeztea Auzitegi Konstituzionalean alde batetik (ondorioz, Jaurlaritzaren erabakia automatikoki indargabetuko zen, behin-behinean), eta ordainsaria ematea erabaki duten agintariak gaitasungabetzea, bestaldetik.
DEKRETUA SAIHESTEKO MODUAK
Nolanahi ere, katedradunak aitortu egin du badaudela ordainsariari dagokion dirua ordaintzen jarraitzeko moduak.
Adibidez, 2013ko udako aparteko ordainsaria urtarrilera aurreratzea aipatu du: "Estatuko Administrazio Publiko batek defizit-muga urratzen ez badu, ezin zaio galarazi soldatak modu batean edo bestean zatitzea. Ordainsaria aurreratzea ez da iruzurra, legea ezartzeko beste modu bat da".
Eta 2013ko udako aparteko ordainsaria kobratzeko orduan, zer? Alvarezen erantzuna: "Aparteko ordainsaria urtarrilera aurreratu badut, ondoren ez diot berriz deituko 'aparteko ordainsaria', osagarriak ezarriko ditut, soldata jaitsi ez dadin".
"Abenduko soldatan ezin da agertu 'aparteko ordainsaria' adierazpena", laburbildu du.
APARTEKO ORDAINSARIA EZ DA OPARIA
Bestalde, katedradunak gogorarazi du aparteko ordainsaria ez dela "oparia". "Funtzionarioen soldata osoaren % 7 da; aparteko ordainsaria langile publiko guztiek jasotzeko eskubidea duten soldata osoaren zati bat da".
Rajoyk 2012ko aparteko soldata kendu eta gero, funtzionarioen soldata % 12 jaitsi da krisia hasi zenetik. Izan ere, Jose Luis Rodriguez Zapateroren Gobernuak % 5 jaitsi zuen, eta orain Gabonetako ordainsaria kentzeak beste % 7 jaistea dakar.
Gainera, gogoratu behar da funtzionarioen soldata izoztuta dagoela 2011tik, hau da, ez dela BEZaren arabera igo.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.