Gamesako kaleratzeak gutxitzeko lanean ari da Nafarroako Gobernua
Gamesa enpresako beste 52 langile kalean geldituko direla jakin ostean, Nafarroako Gobernuak esan du "kaleratzeak gutxitzeko" lanean ari direla.
Yolanda Barcinak argi utzi du Gobernuak "energia berriztagarrietan" sinisten duela, eta, hori dela eta, enpresa honi diru-laguntza publikoak ematearen alde agertu da.
Barcina Baluarten izan da goizean, eta Gamesaren egoeraz mintzatu da kazetarien aurrean. "Nafarroako Gobernua betidanik egon da Gamesako lanpostuengatik arduratuta; horregatik, enplegua erregulatzeko orduan, ahalik eta lanpostu gehien mantentzeko aholkua eman diegu", adierazi du.
Horren harian, Gamesan berregituraketak egin izan dituztenean Nafarroan kaleratze gutxiago egon direla ziurtatu eta enpresa honek lanean jarraitzeko "gogoa" duela erakutsi du. "Gamesak lanpostu guztiak eta Nafarroako Ikerketa Zentroa mantentzea nahi dugu", erantsi du.
Gainera, gogora ekarri du azken urteak gogorrak izan direla, "baina orain Gamesaren esportazioek gora egin dute eta etekin handiagoak dituzte". Horregatik, Nafarroako Gobernuak enpresa honetan sinisten jarraitzen duela azpimarratu du.
Bukatzeko, etekinak izan arren, langileak kaleratzen ari diren enpresei diru-laguntza publikoak ematearen inguruan galdetu diote kazetariek, eta argi erantzun die: "Enpresek urte batzuetan irabaziak izaten dituzte; beste batzuetan, aldiz, galerak. Iaz diru asko galdu zuten, baina, hala ere, lanpostu asko mantendu zituzten".
Parlamentuak kaleratzeak gaitzetsi dezan eskatu du oposizioak
Nafarroako Parlamentuak Gamesako kaleratzeak gaitzetsi ditzan eskatuz adierazpen instituzionala aurkeztu dute PSNk, Bilduk, Aralar-Nabaik eta Izquierda-Ezkerrak.
Itxialdia bukatutzat eman dute
Gamesan CC.OO sindikatuak dituen ordezkariek bukatutzat eman dute gaur goizean Zamudioko lantegian abiatutako itxialdia. Asteazkenean, 22:00etan, abiatu zuten protesta, zuzendaritzak iragarri dituen 52 langileen kaleratzeengatik. Iruñean ere itxialdi egin dute, han ere goizean eman dute bukatutzat.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.