Herrialde arabiarrak, EAEko ekonomiarentzat gero eta garrantzitsuagoak
Herrialde arabiarrek gero eta garrantzia handiagoa dute Euskadiko ekonomian. Gaur egun EAEko esportazioen % 5 dira bakarrik, baina zifrak gora egiten ari dira etengabe.
Azken hilabeteetan enkargu aipagarriak lortu ditu Euskadik. Mekako abiadura handiko trena eta Airbusek Arabiar Emirerri Batuei salduko dizkien 140 hegazkinen fabrikazioan parte hartuko du.
Maroko, Aljeria eta Saudi Arabia dira, ordena horretan, Euskadik Arabiar Ligara egiten dituen esportazioen hartzaile nagusiak. Arabiar Ligak 1.000 milioi euro utzi zituen 2012an, Euskadin egindako ondasun eta zerbitzuetan. Arabiar Ligak gas eta petrolio industriarako ingeniaritza eta osagaiak erosi zituen gehienbat, baina baita azpiegituretarako eta eraikuntzarako osagaiak ere.
Gero eta euskal enpresa gehiago ausartu dira arabiar merkatuetan sartzen, eta dagoeneko emaitzak bistakoak dira. Bizkaiko ITP enpresak 140 hegazkinen motorrak egingo ditu. Airbusek Arabiar Emirerri Batuetako bi aire-konpainiari salduko dizkio. Bestalde, Talgo Mekako abiadura handiko trenaren bagoiak Rivabellosan egiten ari da, eta Beasaingo CAFek beste bederatzi tren egin behar ditu Arabiar Emirerri Batuentzat. Horrela, euskal esportazioak hamarkada batean bikoiztu egingo direla uste dute adituek.
Lehendakaria, arabiar herrialdeetako ordezkariekin. Argazkia: EFE
Oman: Esportazioen aldaketetan herrialderik aipagarriena da. 2010ean Euskadik 284.363 milioi euroko balioa zuten gaiak esportatu zituzten, baina 2012an 19.881 milioi eurora murriztu ziren.
Saudi Arabia: Esportazioek gora egin dute nabarmen azken bi urteetan.
Aljeria: Esportazioek behera egin dute nabarmen azken bi urteetan.
Maroko: 2010eko datuekin alderatuta, azken bi urteetan esportazioek behera egin dute, baina Euskadik harreman estuak ditu herrialde horrekin; Arabiar Ligako gainerako herriekin baino harreman estuagoak behintzat.
Irak: 2012an inportazioek % 34,6 egin zuten gora. Inportazioak esportazioak baino ugariagoak dira.
Arabiar Emirerri Batuak: 2011n esportazioek gorakada ikaragarria (% 96) izan zuten 2010eko datuekin alderatuta, baina 2012an behera egin zuten, % 24. Arabiar Emirerri Batuak munduko herrialde garatuenetariko bat da; hala ere, geografikoki banaketa oso desberdina da.
Libia: Gadafi presidentea kargutik kendu zuen gerrak esportazioetan eta inportazioetan aldaketa garrantzitsuak eragin zituen 2011n eta 2012an.
Qatar: Hazkunde ekonomiko ikaragarria izaten ari da, eta bizi-kalitate handia du. Qatarrek petrolio asko du, eta munduan gas erreserba handienak dituzten herrialdeen artean hirugarrena da.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.