6.797 langabe gehiago EAEn urtarrilean eta 1.675 Nafarroan
6.797 langabe gehiago zenbatu dituzte EAEn urtarrilean, eta, horrela, langabe kopurua 174.171ra igo da. Nafarroan, halaber, 1.675 langabe gehiago zenbatu dituzte, eta 53.163ra iritsi dira; halere, 2.434 langabe gutxiago daude, iazko datuekin alderatuta.
Enplegu eta Gizarte Segurantzako Ministerioak zabaldutako datuen arabera, eta abenduko datuekin alderatuta, urtarrilean % 4,06 hazi da langabezia EAEn. Extremaduran bakarrik hazi da gurean baino gehiago (% 5,23). 2013ko hilabete bereko datuekin alderatuta, baina, 1.110 langabe gutxiago zenbatu dituzte. Nafarroako 53.163 langabeetatik, 25.867 gizonezkoak dira eta 27.296 emakumezkoak.
Estatu espainiarrean, oro har, 113.097 langabe gehiago zenbatu dituzte urtarrilean; horrela, 4.814.435 langabe daude guztira.
Ministerioak jakinarazi duenez, urtarrilean abenduan baino 3.097 pertsona gutxiago zenbatu dituzte langabezian; azken sei hilabeteetako beheranzko joerari eutsi zaio beraz. 2013ko urtarrileko beherakada, baina, 166.343 pertsonakoa izan zen.
'Datu hobea'
Engracia Hidalgo Enpleguko Estatu-idazkariak nabarmendu duenez, urtarrilean argitaratutako langabezia datuek "nabarmen hobera" egin dute, aurreko urteetakoekin alderatuta, eta positibotzat jo du azken hilabeteetan izandako "hoberanzko joera" mantentzea.
Langabeziaren eta Gizarte Segurantzan afiliatutakoen inguruko azken datuak emateko eskainitako prentsaurrekoan, Hidalgok azpimarratu du urtarrilean 2007tik izandako igoeratik txikiena izan dela, eta, aurreko urteetan bezala, datuok hobera egin dutela.
Zure interesekoa izan daiteke
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.