Familien batez besteko errenta 42.000 eurokoa da Euskadin
EAEko familien batez besteko errenta 42.192 eurokoa izan zen iaz, Eustatek Pertsonen eta Familien Errentaren inguruan Foru Aldundien laguntzaz ateratako estatistiken arabera. Datu horiek batez besteko errenta pertsonala bikoiztu egiten dute.
Familiaren errenta familiako kide adinekoen errenta pertsonalak gehituta kalkulatzen da. Errenta pertsonalaren kasuan bezala, Gipuzkoako familiek dute batez besteko errenta handiena (43.589 euro), Araba (41.727 euro) eta Bizkaiko familiena (41.476 euro) baino handiagoa baita.
Urte batetik besterako datuak alderatuta, euskal familien batez besteko errentak % 1,3 egin du behera 2009 eta 2011 artean. Lurraldeka, jaitsiera txikiena Araban izan dute (% 0,7); Gipuzkoan, jaitsiera % 0,8koa izan da, eta Bizkaian, aldiz, % 1,7koa.
Bestalde, EAEko familien % 62,5ek batez besteko errenta baino txikiagoa dute edo ez dute errentarik; hain zuzen ere. familien % 3,2k ez dute errentarik jaso 2011n. Kontrako muturrean, berriz, familien % 9k (76.329) batez besteko errentaren bikoitza jaso dute; hau da, 84.000 eurotik gora. EAEko familien erdiek 34.104 euro baino gutxiagoko errenta dute.
Hiriburuak eta herriak
EAEko hiriburuko datuei dagokienez Donostian dute familiek errenta altuena (48.741 euro), eta Gasteiz (42.054 euro) eta Bilbo (41.920 euro) ditu atzetik.
Datuak herriz herri aztertuta, Laukiz (Bizkaia) udalerriko familiek dute errentarik altuena (93.161 euro). Araban Ubarrundia (70.355 euro) eta Gipuzkoan Arama (62.275 euro) dira horri dagokionez gehien nabarmentzen direnak. Kontrako muturrean, berriz, Arabako Bilar (25.826 euro), Bizkaiko Karrantza (28.030 euro) eta Gipuzkoako Pasaia (33.249 euro) dira errentarik baxuena dutenak.
Zure interesekoa izan daiteke
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.