Proposamen 'zehatzak' egiteko eskatu diote sindikatuek Osakidetzari
Gaur Osakidetzako Mahai Sektorialaren bilera egiten ari dira Gasteizen, sindikatuetako eta Osakidetzako ordezkariak. Azken bileran, irailaren 15ean, sindikatu guztiak Mahaitik altxatu ziren beren aldarrikapenen aurrean Osasun Sailak erakutsi zuen "proposamen faltarengatik". Sindikatuen aldarrikapen nagusiak Osasun sektorean enplegu publikoa sortzea eta garapen profesionala bermatzea dira.
Gaurko bilerara begira, Osakidetzako ordezkariak proposamen "zehatz" batekin joatea espero dute sindikatuek, eta egin ezean, azarotik aurrera deitutako lanuzteak egingo dituztela nabarmendu dute.
Ildo horretan, sindikatuek "borondate politikoa" izatea eskatzen diote Osakidetzari, enpleguari, lan kargari eta zerbitzuari buruzko eskakizunei erantzuteko.
Bilera 09:30ean hasi da Osakidetzako egoitza nagusian, Gasteizen, eta atarian, kontzentrazioa egin dute LAB, ELA, SATSE, SME, CCOO, UGT eta ESK sindikatuek.
Bestalde, elkarretaratzeak egingo dituzte 11:30ean Osakidetzako osasun zentro guztietan.
Lanuzteak eta greba deialdiak
Osakidetzan ordezkaritza duten sindikatuek bost greba egun deitu dituzte azarorako eta abendurako. Zehazki, lau lanuzte partzial egingo dituzte azaroaren 6an, 13an, 20an eta 27an eta greba orokorra abenduaren 4rako.
Azaroko lehen lanuzte partziala hilaren 6an izango da, eta txanda bakoitzean lau orduz egingo dute greba. Ondoren, lurralde bakoitzean egun osoko grebak egingo dituzte: hau da, azaroaren 13an, Araban; 20an, Gipuzkoan; eta 27an, Bizkaian.
Azkenik, abenduaren 4an greba orokorra deitu dute EAEko osasun zentro eta ospitale guztietan.
Lan eskaintza publikoa Osakidetzan
Jon Darpon Osasun sailburuak bi Lan Eskaintza Publiko iragarri zituen Osakidetzan urria hasieran, 2014a amaitu aurretik bata, eta 2015aren hasieran, bestea. Guztira, 300 plaza aterako dira Lan Eskaintza Publiko horietatik.
Lan eskaintza publikoen berri izandakoan, haserre mintzatu ziren sindikatuak eta "iraingarriak" zirela salatu zuten. Gainera, azken bost urteetan ia "7.000 lanpostu" suntsitu direla azpimarratu dute, eta horri Aurrekontuetan izandako "jaitsiera" gehitu behar zaiola.
Sindikatuen iritziz, enplegua sendotu, berrezarri ez diren lanpostuak bete eta "sortutako zerbitzu berriak artatzeko ere" plaza berriak atera behar dira.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.