Langabezia erdira murrizteko erreformak eskatu dituzte enpresa handiek
Datozen lau urteetan 30.000 milioi euroko zerga-egokitzea, laneko iruzurraren aurkako borroka egitasmo eraginkor bat eta enpresa txiki zein ertainek ordaintzen dituzten zergak berriz aztertzea eskatu dute konpainia handiek. Horrela, 2018an langabezia-tasa % 10,4ra murriztea lortu nahi dute.
Cesar Alierta Telefonicako eta Lehiakortasunerako Enpresaburuen Kontseiluko (CEC) presidenteak gaur ziurtatu duenez, Gobernuak egiturazko erreformetan sakontzen baldin badu Espainia munduko 10 ekonomia garrantzitsuenen artean kokatu daiteke.
‘Espainia 2018’ CECen txostenaren aurkezpenean, “Espainiako ekonomiaren erabateko eraldaketa” eskatu du Aliertak, “produktibitatean, hezkuntzan eta lehiakortasunean oinarritzeko”.
2,3 milioi lanpostu
Datozen lau urteetan 2,3 milioi lanpostu sortzea posible dela uste dute enpresaburu handiek, baina horretarako hezkuntzan, I+G+Bn eta azpiegituretan erreformak areagotu behar direla uste dute. Era berean, Ogasun ikuskatzaileen kopurua areagotu, enpresek ordaintzen dituzten zergak eta gastu publikoa murriztu behar direla adierazi dute.
Hala ere, BPGren % 3ko (30.000 milioi bat euro) zerga-doitzea beharrezkoa dela uste dute. 2018an zor publikoa ia % 90ra murriztu behar dela erantsi dute.
Iruzurraren kontrako borroka
Iruzurraren aurkako borrokan neurri gehiago hartzea proposatu dute enpresaburuek. Horrela, urtero 20.000 milioi euro gehiago bilduko lituzkete erakundeek, enpresa handien hitzetan. Administrazio publikoetako langileen kopurua egokitu (5.000 milioi euro aurreztea) eta pribatizazioak eta ondare publikoa kudeatzeko egitasmo bat martxan jartzea beharrezkoa ikusten dute.
Bestalde, udalerrien tamaina handitzea beharrezkoa dela uste du CECek. Horretarako, herrien batasuna edo desagerpena planteatu dute enpresaburuek. Horrela, ia 6.000 milioi euro aurreztuko lirateke.
Laneko iruzurraren kontrako borrokarekin 800.000 lanpostu berri sortu eta diru-bilketa % 1 haziko liratekeela uste du CECek. Bien bitartean, 250 lanpostu baino gehiagoko enpresen kopurua bikoiztu eta konpainia ertainak % 60 haziko liratekeela azaldu dute enpresaburuek, 400.000 bat lanpostu berri sortuz.
I+Gn egin beharreko inbertsioa BPGren % 3 izan beharko litzatekeela esan dute. Gaur soilik % 1,3koa dela gogorarazi dute. Horrela, 130.000 lanpostu sortuko lituzketela gaineratu dute. Lan merkatuko malgutasuna areagotuz, 300.000 lanpostu baino gehiago berreskuratuko lirateke 2018an, enpresa handien ahotan.
Pentsioen eta hezkuntzaren erreformak bizkortzeko eskatu du CECek, 200.000 lanpostu gehiago sortzeko. Gainera, energia politiketako inbertsio egitasmo batek 100.000 lanpostu berri sortuko lituzkeela ziurtatu dute.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.