Lanbide Heziketa ikasteko eskatu die Adegik ikasleei
Etorkizunean espero duten eskulan defizitaren aurrean, gazteak “trebaturik” izatea “merezi” duela uste Pello Gibelalde Adegiko presidenteak, “epe oso laburrera beharrezkoak izango direlako”.
“Iraganeko industria baino askoz konplexuagoa izango da, eta noski Lanbide Heziketa eta mota guztietako teknikariak eta ingeniariak eskatuko ditugu etorkizunean, ez 20 urte barru”, adierazi du Gibelaldek Radio Euskadin egindako elkarrizketan.
Lan merkatuaren egoerarekin, “etorkizuneko” industriak eskulan espezializatua beharko du, eta horrek enpresak elkarri “ingeniariak eta jeinuak lapurtzera” behartzen ditu, Gibelaldek ziurtatu duenez. Horregatik, ikasketa teknikoak aukeratzeko eskatu die enpresaburuen buruzagiak gazteei, “lanpostu bat berehala lortzeko”.
20.000 langileko defizita 2020an
Patronaleko agintariaren arabera, 2013tik 2014ra arte 3.400 behargin galdu dituzte Gipuzkoan. Ondorioz, 2020an 20.000 langileko defizita izango dutela uste du Gibelaldek.
Gibelalderen hitzetan, lan merkatuaren egungo egoera dela-eta Gipuzkoako enpresak elkarri “ingeniariak eta jeinuak lapurtzen ari dira”. “Horrela ez dugu luze iraungo. Bi edo hiru urte barru gure industriek trebatutako langileak beharko dituzte, eta baliteke hemen ez aurkitzea”, esan du.
Merkatuak “benetan, zein lanbide eskatzen” duen euren buruari galdetzeko eskatu die Gibelaldek gazteei. “Gerora lanposturik bermatuko ez dizkieten ikasketa errazak aukeratzeari uzteko” eskatu die Adegiko buruzagiak. “Orain saiatu behar dira, ikasketa teknikoak egin lanpostu bat berehala aurkitzeko”, azpimarratu du.
Prekarietatea eta egoera ekonomikoa
Bestalde, gazteen lan merkatuan prekarietate gehiegirik ez dagoela uste du Gibelaldek. 2013ko uztailak 7tik aurrera “ez da ezer gertatu, pikutara joateko zorian” geundela eta “gerra iraunkor batek eztanda egin” behar zuela esaten zuten batzuek, kritikatu duenez.
Testuinguru ekonomikoari dagokionez, 2014 “inflexio” urte bat izan zela nabarmendu du Gibelaldek. Gipuzkoako ekonomia “hazten ari” dela ziurtatu du. 2015ean lurraldeko enpresek 7.000 lanpostu sortuko dituztela erantsi du.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.