Petrolioaren prezioa 2009tik izan duen zenbateko merkeenera jaitsi da
Europan erreferentzia gisa erabiltzen den Brent petrolio-upelak azken sei urte eta erdian izan duen prezio merkeena izan du gaur goiz partean. Hori horrela izateko bi arrazoi nagusi daude: batetik, azken egunotan Asiako burtsen beherakada eragin duten Txinako hazkundearen gaineko zalantzak; bestetik, gehiegizko eskaintza.
Hain zuzen ere, Brent petrolio-upelaren prezioa % 3,63 ari zen jaisten 10:50ean, eta 43,81 dolar balio zituen. Saioan zehar 43,67 dolar markatzera iritsi da, 2009ko martxotik izan duen baxuena.
Modu horretan, 2009ko urtarrilean upel bakoitzeko balio izan zituen 39 dolarretatik lau dolarreko distantziara besterik ez dago une honetan Brent indizea. Garai horretan, gutxieneko balioak markatu zituen, 2008ko irailean hasi zuen jaitsiera handiaren eraginez, Lehman Brothersen porrotak bultzatuta.
AEBn erabiltzen duten Texas 'light sweet' izeneko indizearen kasuan, 45,46 dolarrean ari da kotizatzen astelehen honetan. Saioan zehar 44 dolar ere balio izan du, 2009ko martxotik izan duen baxuena.
Txinako Gobernuak asteburuan zehar jakinarazi dituen neurriek (pentsio funtsek burtsan inbertitu ahal izateko gaitasuna) ez dute lortu Asiako burtsek joan zen astean zehar hasitako beherakada gelditzea. Beherakada horretan Txinako burtsek euren balioaren % 11 galdu zuten.
Eskaintzari dagokionez, Iranek eta Aljeriak mezuak zabaldu dituzten mezuen arabera, Lurralde Petrolio Esportatzaileen Erakundearen (LPEE) batzarra deituko omen dute, beren ekoizpen-helburuei buruz aritzeko, baina oraindik ez da horri buruzko baieztapen ofizialik egon.
Aipatutako petrolioaren prezioaren jaitsiera gertatzen ari da, nahiz eta orain dela bi aste Nazioarteko Energia Agentziak (IEA) 2015erako petrolio-eskaerari buruzko aurreikuspena areagotu egin zuen.
Zure interesekoa izan daiteke
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko enpresa-batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera geratu direla. Hemendik aurrera, konkurtso-administrazio batek hartuko ditu enpresaren erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.