EH Bildu, PP eta UPyD, aurrekontu proiektuaren kontra
EH Bilduk, PPk eta UPyDk Eusko Jaurlaritzaren 2016rako aurrekontu proiektua atzera botatzea eskatuko dute, murrizketak berresten dituela eta herritarren beharrei erantzuten ez diela iritzita. Gainera, EAJ-PSE akordioa "alderdikoia" dela esan dute.
EAJk eta PSE-EEk atzo iragarri zuten hirugarrenez adostu dituztela aurrekontuak, sozialistek 35 milioi euroren erabilera aldatzea lortu ostean. Guztira 10.933 milioi eurokoa izango da aurrekontua.
Bihar amaituko da osoko zuzenketak eta partzialak aurkezteko epea. EH Bilduk, PPk eta UPyDk iragarri dute biak aurkeztuko dituztela, bai osoko zuzenketak, bai partzialak.
Hiru alderdietako ordezkariek agerraldia egin dute Legebiltzarrean, eta bat egin dute hainbat gauzatan. Tartean, aurrekontuek murrizketak berresten dituztela, eta ez dietela herritarren benetako beharrei erantzuten.
Gainera, EAJren eta PSE-EEren akordioa kritikatu dute, bi alderdien mesederako soilik delakoan. Anton Damborenean PPren legegbiltzarkideak abenduaren 20ko hauteskunde orokorretan "EAJ-Zapatero" akordioa errepikatzea ahalbidetuko lukeen "akordio politikoa" dela esan du. "Zuk aurrekontuen alde bozkatzen duzu eta, trukean, inbestiduraren alde bozkatzen dizut Madrilen", azaldu du Damboreneak.
Oskar Matute EH Bilduren legebiltzarkideak gogorarazi du proposamena helarazi zietela sozialistei, Eusko Jaurlaritzak 2012tik ezartzen dituen "murrizketak" iraultzeko, eta 420 milioi euro lekuz aldatzeko. Azaldu duenez, atzo, PSE-EEk EAJrekin akordioa itxi zuela iragarri baino minutu batzuk lehentxeago, jaso zuten proposamenaren errefusa.
Bestalde, Gorka Maneiro UPyDren bozeramaileak "guztia banatzeko eta ezer ez aldatzen saiatzeko itun politikoa" izan dela salatu du.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.