Sestaoko altzairu-fabrika gelditu dute gauerdian
Bizkaiko altzairu-fabrikaren (ACB) ekoizpena gauerdian eten dute Sestaon, eta etorkizuna ez dago batere argi, Radio Euskadik jakitera eman duenez. Lantegia 10:00ak aldera itxi dute.
335 langile zuzenean lanik gabe geratu dira, baina indarrean gaur sartu den espedienteak beste ehunka langileri eragingo die zeharka, asko baitira Bizkaiko Ezkerraldean euren jardueraren iturri gisa ACBren ekoizpena dutenak.
Aldi baterako itxialdi mugagabea iragarri zuen Arcelor Mittal konpainiak Sestaoko lantegian. Konkretuki, labea, galda eta ijezketa trena gelditu dituzte.
Desugerketa lineak, aldiz, berotan ijeztutako bobinen stockarekin lanean jarraituko du egun batzuk gehiago. Horrek funtzionatzeari uzten dionean, lantegia guztiz geldituko da, baina ez dute horretarako data zehatzik eman.
Enpresaren hitzetan, sektoreak zailtasunak ditu, besteak beste, Txinako altzairuaren ‘dumping’-agatik eta energiaren kostuagatik.
Bestalde, Arcelor Mittalen jarduera berreskuratzeko eta Sestaoko lantegia zabalik mantentzeko eskatuz, adierazpen instituzionala onartu du gaur Eusko Legebiltzarrak. Horretarako, gizarte eragile eta erakunde guztiekin batera hartu beharreko neurriak adostea aldarrikatu du Gasteizko Ganberak, batez ere langileen ordezkariak kontuan hartuz.
Mobilizazioak
Arcelor Mittal Sestaoko enpresa batzordeak, bere aldetik, mobilizazio gehiago iragarri ditu, Sestaoko plantak bere jarduna eten ondoren. Juan Carlos Diaz (CC.OO.) enpresa batzordeko presidentearen hitzetan, "aldi baterako jarduna bertan behera utzi arren, enpresak badu etorkizuna".
Geldialdiak zenbat iraungo duen eta aurrera begirako plana zein den langileei jakinarazteko eskatu dio Diazek zuzendaritzari. "SMS bidez jaso dugu geldialdiaren berri", salatu du langileen ordezkariak.
Enpresa batzordeak bilera bat eskatu dio zuzendaritzari, datorren asterako. Arcelor Mittalen Giza Baliabideen Espainiako arduraduna hitzorduan egotea exijitu dute, besteak beste, langileek.
Enpresaren atarian egingo dituzte elkarretaratzeez gain, otsailaren 8an protesta-bilkura deitu dute Bilbon, Eusko Jaurlaritzaren egoitzaren parean, 11:00etan.
Zure interesekoa izan daiteke
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.
Tubos Reunidoseko langileak greba mugagabearen etorkizuna erabakitzeko batzarra egiten ari dira
Tentsio handia da Amurrioko lantegian, azken mugimendu sindikalen eta hartzekodunen konkurtsoaren osteko eszenatoki-aldaketaren ondoren.
Ekainaren 1era arte irekiko dute Tubos Reunidoseko konkurtso-administratzaile izateko hautagaitzak aurkezteko epea
Gasteizko epaitegi batek Tubos Reunidos taldeko zazpi sozietate hartzekodunen borondatezko konkurtsoan deklaratu zituen joan den asteartean, eta PKF-Attest Concursal izendatu zuen horien konkurtso-administratzaile.
LAB Tubos Reunidosen greba bertan behera uzteko aukeraren alde agertu da, eta ESK-k luzatzearen alde egin du
Bi sindikatuek, ELArekin batera, batzarra deitu dute ostiralerako, lanuztearekin jarraitu ala ez erabakitzeko.
CAFen Beasaingo eta Irungo lantegietan enpresaren azken eskaintza ontzat eman dute
Hiru urteko iraupena izango du akordioak, eta, besteak beste, soldata igoera eta zenbait kolektibotan lan-orduak murriztea adostu dute. Enpresak konpromisoa hartu du gutxienez 190 langile kontratatzeko Beasainen, eta beste 40, Irunen.
Argiaren eta gasaren BEZaren murrizketa bertan behera geratuko da ekainaren 1ean, eta % 21era itzuliko da, prezioek behera egin baitute
Erregaien (gasolinak, gasolioak eta bioerregaiak, eta profesionalentzako gasolio itzulketa partziala) eta hidrokarburoen gaineko zergaren tasa murriztuak ekainaren 30era arte egongo dira indarrean, apirilean produktu horietarako inflazioa Gobernuak ezarritako % 15eko atalasetik gora baitago.
Urtearteko KPIa % 3,2raino apaldu da EAEn eta % 3raino Nafarroan, apirilean
Espainiako Estatuan, urtebeteko inflazioa bi hamarren murriztu da, % 3,2raino.
Hithiumek bertako langileak, hornitzaileak eta zentro teknologikoak erabiltzeko konpromisoa duela nabarmendu du Irujo kontseilariak
Nafarroan bateria lantegia eraikitzeko negoziazioak aurrera doazela azpimarratu du Mikel Irujo Industria kontseilariak, "poliki baina sendo". Nafarroako Gobernuak bezala, Hithiumek ere enpresa bertako ekosisteman txertatzeko helburua eta konpromisoa dutela azaldu du.
Santurtziko udaltzainek "zorroztasun greba" egingo dute, lan-baldintzak hobetzea eskatzeko
Langileek salatu dute antolakuntzan "ez-betetzeak" izan direla, baita gainerako udal langileekin alderatuta gutxiago irabazten dutela, eta ekitaldi jendetsuetan langileak falta direla. ErNEren arabera, agenteak araudi guztia zorrotz aplikatzen hasi dira, eta errefortzuak eta aparteko orduak egiteari utzi diote.