Zumarragako planta 'ezin da itxitzat eman', ArcelorMittalen arabera
ArcelorMittal enpresak esan duenez, Zumarragako lantegia "ezin da itxitzat eman". Plantaren jardunari eusteko "ahalegin guztia" egin dutela adierazi du, urtean "3,5 milioi euro inguruko inbertsioak' eginez eta "lehiakortasuna hobetzeko planak" martxan jarriz.
Zumarragako lantegiko ekoizpenaren zati bat eten egingo duela iragarri zuen atzo ArcelorMittal enpresak, eta langileak taldearen beste planta batzuetan birkokatzeko konpromisoa agertu zuen. Astelehenean eman zion bere asmoen berri Iñigo Urkullu lehendakariari altzairu-enpresak.
Talde berekoa den Sestaoko ACBk ere aldi baterako bere jarduna eten ondoren etorri da Zumarragako plantaren berria. ArcelorMittalek jakitera eman duenez, EAEn dituzten gainerako lantegietan ez dute aurreikusita halako neurririk ezartzea.
Oraingoz, zuzendaritzaren arabera, ezin dute zehaztu zenbatekoa izango den Zumarragan mantenduko duten lan-karga. Langileen ordezkariekin bildu zain daudela esan du, erabaki hori hartzeko.
Kontsultetarako epea zabalik da, eta langileek negoziazio-mahaian eseriko diren ordezkariak izendatu beharko dituzte, zazpi eguneko epean. Langileak non kokatuko dituzten negoziatu beharko dute, besteak beste.
Etete partzialak enplegu-erregulazioko espedientea ekarriko du. Oraindik ez dira hasi hori aplikatzen. Enpresak une honetan dituen eskariak ekoitzi arte, lanean jarraituko dute.
Langileen birkokapenak sindikatuekin negoziatutakoan zehaztuko dute, enpresaren arabera, Zumarragako plantatik kanpora aterako den ekoizpena zenbaterainokoa den.
Erakundeekin harremanetan daudela esan du ArcelorMittalek, eta "elkarnalerako prestutasuna" agertu du.
Manifestazioa larunbatean
Testuinguru horretan, enpresa batzordeak manifestazioa deitu du larunbaterako (hilak 19), eta horretan parte hartzeko deia egin die "Zumarragako eta Urretxuko herritarrei".
Hain zuzen ere, martxa eguerdian abiatuko da, Areizga plazan.
EH Bilduk "emergentzia plan" bat eskatu du
Bestalde, Oihane Zabaleta EH Bilduko bozeramaile eta Urretxuko alkate ohiak ohartarazi du Eusko Jaurlaritzari, Aldundiari eta Udalari neurriak hartzea dagokiela kaltedunen egoera konpontzeko.
Zabaletaren esanetan, Zumarragako Arcelorren ia itxiera ziurra "ez da kasualitatea" ezta "isolatua" ere. Hala, Sestaoko ACB eta Amurrioko Tubos Reunidos enpresen egoera gogora ekarri du aipatu du. "Gure herriko industria desmantelatzen ari dira, eta horrek ondorio oso larriak ditu milaka herritarren egunerokoan eta etorkizunean", salatu du.
Horren ildotik, antzeko egoeran dauden beste enpresa batzuk salbatzeko helburuarekin, "Industria Emergentziako Plana" behar dela uste du EH Bilduk. "Herri gisa erantzun behar diogu industria sektorearen desmantelamenduari eta horrek berarekin dakarren lanpostu galerari eta milaka eta milaka langileren bizi baldintzen kaskartzeari", gaineratu du.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.