Mesfidantza eta kezka, Zumarragako ArcelorMittaleko langileen artean
Mesfidantza eta kezka dira nagusi Zumarragan ArcelorMittal lantegiko beharginen artean, konpainiak 'jardueraren zati bat etetea" erabaki eta biharamunean. Multinazionalak ezer gutxi zehaztu dietela eta, iragarpenaren ondorioekin arduratuta daude; mesfidati, errezeloa dutelako lantegiaren "behin betiko itxiera" ekarriko duelako.
Enpresa batzordeak (CCOO da nagusi) bilera deitu du bihar langileekin, zuzendaritzak atzo aurreratutakoa hobeto azaltzeko. ArcelorMittalek esandako apurraren arabera, langile batzuk beste fabrika batzuetan birkolokatuko ditu, eta Zumarragan lanean geratzen direnen baldintzak aldatu. Ekoizpenaren zati bat ere eteteko eta zereginok beste lantegi batzuetara asmoa adierazi zuen.
Leo Bote batzordeko buruak EiTBri azaldu dioenez, "helburua jarduera Zumarragan mantentzea da".
Lantegian ordezkaritza duten sindikatuen arabera (CCOOz gain, ELA, UGT eta LAB), Zumarragako fabrika "guztiz ixteko" eta Euskadiko altzairu sektorea desegiteko lehen pausoa da multinazionalak atzo iragarritakoa. Bi hilabete dira ArcelorMittalek berak ACB Sestaoko lantegiaren "behin-behineko geldialdi mugagabea".
Sindikatuekin negoziatzeko 15 eguneko "kontsulta epea" abiatu zuen atzo zuzendaritzak.
Enpresaren 325 langileei ez ezik, zeharkako beste 600 behargini ere eragiten die eteteak. ArcelorMittalek beste bi lantegi ditu Gipuzkoan, Bergaran eta Olaberrian, baina printzipioz arriskutik kanpo daude biak ere.
Euskal erakundeak, 'eskuak lotuta'
Mikel Serrano Zumarragako alkatea (PSE), Gipuzkoako Foru Aldundiko ordezkariak eta Arantxa Tapia Ekonomiaren Garapen eta Lehiakortasuneko sailburua bilduta egon dira goizean egoera aztertzeko. Nabarmendu dutenez, "eskuak lotuta dituzte Espainiako Gobernuak auzi honetan erakutsitako "moteltasunagatik".
Josu Erkorera Eusko Jaurlaritzako bozeramaileak Radio Euskadiri eskainitako elkarrizketa batean esan duenez, Arcelorrek Zumarragan erabakitakoa egoera orokorraren ondorio da (Txinako dumpinga eta argindarraren prezioa), baina baita Zumarragan zuzendaritzak egin duen kudeaketaren ondorio ere.
Izan ere, gogorarazi duenez, langileek soldata jaistea onartu zuten "lantegiak jardunean jarraitzea baldintza moduan jarrita".
Iñigo Urkulluk "oso albiste txartzat" jo du Zumarragakoa, eta tankerako erabakiek utzitako "ondorioak txikitzeko" eginahalak egingo dituela iragarri du.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.