ArcelorMittaleko langileek mobilizazioei ekingo diete larunbatean
Zumarragako ArcelorMittaleko langileek mobilizazioei ekingo diete larunbatean, lantegiaren itxiera partziala salatzeko. Egun horretan, manifestazioa egingo dute.
Langileek batzarra egin dute gaur, eta enpresa batzordeko sindikatu guztiek (CCOO, ELA, LAB eta UGT) protesta egutegia adostu dute.
Hori horrela, asteazkenean (hilak 23), 06:00etan, 24 orduko greba abiatuko dute, eta langileak Gasteizera joango dira, Eusko Jaurlaritzaren egoitzaren aurrean protesta egiteko.
Bereziki, Josu Erkoreka Jaurlaritzako bozeramailearen hitzak gaitzetsi nahi dituzte langileek, Zumarragako lantegiaren itxierak Sestaokoari "arnasa" emango diola adierazi baitzuen.
Halaber, astelehenean ibilgailu-karabana bat egingo dute Zumarragan, eta hilaren 26an (larunbata) elkarretaratzea Donostian, foru jauregian, ahaldun nagusiari gatazkan "esku-hartzea" eskatzeko.
Langileek beste batzar bat egin asmo dute, mobilizazio gehiago deitzea aztertzeko.
LABetik baieztatu dutenez, enpresa batzordeak ez du lekualdaketarik negoziatuko zuzendaritzarekin, lantegia Zumarragan mantentzea defendatuko duelako.
Zuzendaritzaren proposamenari, uko
Enpresa-batzordeak bere gaitzespena agertu du multinazionalak plazaratutako proposamenari. "Industria-plan bat eta lantegiaren jarraipena negoziatzera eser gaitezke baina ez gara eseriko 350 leku-aldatze negoziatzeko, eurak esan duten bezala. Zumarragan lan-karga egotea eta guztion artean lantegia nola egin dezakegun bideragarri aztertzea nahi dugu", adierazi du batzordeko UGTko ordezkari batek.
Lantegiko zuzendaritzarekin izango dituzten hurrengo kontaktuei buruz, enpresa-batzordeak oraindik ez dauka hitzordu bat zehazturik, eta uste du kontsulten epea luzatu egin daitekeela. "Printzipioz datorren asteari begira batzarren bat egon zitekeela esan ziguten, baina lan-egunak ez dira asko Aste Santua tartean izaki, eta ziurrenik horren ostean izango da", azaldu du.
"Leialtasun" eskaera
Mikel Serrano Zumarragako alkateak (PSE-EE) Iñigo Urkullu lehendakariari eta Markel Olano Gipuzkoako ahaldun nagusiari (biak EAJ alderdikoak) Zumarragarekiko leialak izatea eskatu die.
Ohar baten bidez, Serranok eskatu die beren indarrak ez ditzatela bideratu ArcelorMittalen Gipuzkoako gainerako lantegien eta Sestaon duenaren biziraupenean "Zumarragakoaren lepotik".
"Ahalegin guztiak"
Zumarragako, Urretxuko, Legazpiko eta Ezkio-Itsasoko alkateek bat egin dute ArcelorMittalen plantaren itxiera partziala dela eta egindako deklarazioarekin; bertan, "ahalegin guztiak" egiteko eskatu dio enpresari.
Mikel Serrano Zumarragako alkateak, Lon Loqui Urretxukoak, Garikoitz Aiesta Ezkio-Itsasokoak eta Koldobike Olabide Legazpikoak irakurri dute adostutako testua, elkarrekin egindako agerraldi batean.
Alkateek, era berean, "erabateko babesa" helarazi diete langileei enpresak egindako erabakiagatik, baita inguruan dabiltzan enpresei "une zail hauetan".
Azkenik, dei egin diete herritarrei langileek iragarritako mobilizazio "guztietan" parte hartzeko, "ArcelorMittal Zumarragako enplegua" defendatzeko.
" defendatzeko. " defendatzeko.Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.