Errenta aitorpenaren kanpaina maiatzaren 2an hasiko da Bizkaian
Errenta aitorpenaren kanpainari maiatzaren 2an hasiera emango dio Bizkaiko Foru Aldundiak. PFEZren 575.000 aitorpen aurkeztea espero du erakundeak, horietatik % 75 itzultzeko izango dira, 436 milioi, eta % 25 ordaintzeko, 246 milioi.
Gainera, 6.900 ondare aitorpen aurkeztea espero du Aldundiak. Zerga horren bidez 63 milioi biltzea espero du erakundeak.
Jose Maria Iruarrizaga Ogasun diputatuak eta Aitor Soloeta Ogasun zuzendariak kanpaina berriaren datu nagusiak aurkeztu dituzte gaur. Kanpaina ekainaren 30era arte luzatuko da eta ez dago arau aldaketa “aipagarririk”, ez PFEZn ezta ondarearen gaineko zergan ere, erreforma fiskala kontuan hartuta.
PFEZ diru-bilketaren herena da Bizkaian. 2015eko kanpainan 575.000 aitorpen aurkeztea espero du erakundeak, 2014ko ekitaldiarekin alderatuta “pareko” datuak; izan ere, 574.835 aitorpen aurkeztu ziren orduan.
% 75 aitorpen Aldundiak dirua itzultzeko izango dira, guztira, 436 milioi eta 1.014 euro batez beste. % 25 ordaintzeko izango dira eta erakundeak 246 milioi bilduko ditu, 1.697 euro batez beste.
Kenkariak
Ogasunak egindako zenbaketen arabera, Bizkaiko zergapekoek 567,5 milioiko kenkariak izango dituzte 2015eko ekitaldian.
Zenbatekorik handiena etxebizitzan egindako inbertsioari dagokio, 170.000 laguni 157 milioiko kenketa egingo zaie. Ondoren seme-alabengatik 137,5 milioiko kenkariak aplikatuko zaizkie 219.000 zergaduni. EPSV, Pentsio Plan eta Mutualitateekin 101 milioiko kenketa izango dute 163.000 pertsonak.
Zergapekoen etxeetara egindako 350.00 errenta-aitorpen heltzen hasiko dira aste honetatik aurrera. Lehenengo zergadunen aldekoak diren aitorpenak bidaliko ditu Aldundiak; ordaintzekoak, ostera, apirileko hirugarren astean helduko dira.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).