2017an ere Espainiak ez du defizit helburua beteko, EBren arabera
2016an ez, eta 2017an ere ez. Espainiako Gobernuak defizit helburuaren harira bidalitako aurreikuspenak zuzendu ditu astearte honetan Europako Batzordeak. Bruselaren arabera, Espainiaren defizita Barne Produktu Gordinaren (BPG) % 3,9koa izango da aurten, eta % 3,1ekoa, 2017an. Espainiako Gobernua baikorragoa izan zen bere aurreikuspenetan, eta 2017rako helburua beteta (defizita % 3kotik behera egotea) izango zuela iragarri zuen: % 2,9an kokatu zuen.
Espainiak egindako hazkunde aurreikuspenak ere zuzendu ditu Bruselak, bi hamarren beherago kokatuta: 2016an BPGren % 2,6 haziko da ekonomia.
Defizitaren alorrean aldea dago Bruselaren eta Espainiako Gobernuaren aurreikuspenen artean. Europako Batzordearen esanetan, 2016an % 3,9koa izango da defizita, eta % 3,1koa 2017an. Espainiaren arabera, % 3,6koa eta %2,9koa behar zuen, hurrenez hurren.
Hazkundeari buruz ere iritzi ezberdinak dituzte bi gobernuek. Europakoaren iritzian, 2016an % 2,6 haziko da ekonomia; Rajoyren gobernuaren ustean, % 2,7. 2017ko datuei erreparatuta, ordea, EBren aurreikuspenak baikorragoak dira: BPGren % 2,5ko hazkundea espero du; Espainiak, apalagoa, % 2,4koa.
Pierre Moscovici EBko finantza eta ekonomia gaietarako komisarioak eman ditu datuok. Txostena eskuan, Espainiako Estatuari zigorra ezarri behar ote dion erabaki behar du Europako Batzordeak. Izan ere, 2016an defizita % 3 azpikoa izango zela hitzeman zuen Espainiak, hura ez betetzeak ondorio ekonomikoak izan ditzake orain.
Eurogunea eta EB
Europar Batasunari eta Euroguneari dagokionez, hazkunde aurreikuspenak jaitsi ditu Europar Batzordeak: 2016rako, Barne Produktu Gordinaren % 1,8ko eta % 1,9ko hazkundea iragarri du. 2017rako, % 1,6koa eta % 1,8koa izango da, hurrenez hurren.
Zure interesekoa izan daiteke
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.